شينجياڭعا كومەك بەرۋ شىعىس جەلى ىلەگە سارقىلماس قۋات ۇستەدى

  • كەلۋ قاينارى: ىلە گازەتى
  • 04:34:30 17/10/2020

 

    سۋرەتىن ءتۇسىرىپ، حابارىن جازعان ءتىلشىمىز لي تاۋ

    بيىل - 10 - توپتاعى شينجياڭعا باعىتتامالى كومەك بەرۋ قىزمەتىنىڭ بەتاشار جىلى. 10 - توپتاعى شينجياڭعا باعىتتامالى كومەك بەرەتىن كادر- دارىندىلار شينجياڭعا كەلگەننەن بەرى اۋەلگى ماقساتتى ۇمىتپاي، بورىشتى ەستە بەرىك ساقتاپ، اۋىر مىندەت ارقالاۋ، ايانباي ۇلەس قوسۋ، رولىن ساۋلەلەندىرۋ، حالىق تۇرمىسى قىزمەتىن مىقتى يگەرۋ، كاسىپتەردىڭ دامۋىن ىلگەرىلەتۋ، ۇلتتار ىنتىماعىن جەبەۋ، ىندەتتەن ساقتانۋ - تىزگىندەۋ سياقتى جاقتارداعى قىزمەتتەردە جياڭسۋلىقتاردىڭ پاراساتى مەن ىسكەرلىگىن ايگىلەدى.

    شينجياڭعا كەلگەننەن بەرى 10 - توپتاعى جياڭسۋ ولكەسىنىڭ ىلەگە باعىتتامالى كومەك بەرۋ الدىڭعى شەپ قولباسشىلىق شتابى كاسىپ سالاسى ارقىلى شينجياڭعا كومەكتەسۋ قىزمەتىن - شينجياڭعا باعىتتامالى كومەكتەسۋ قىزمەتىنىڭ ەڭ ماڭىزدى ءتۇيىنى ەتىپ، شينجياڭعا باعىتتامالى كومەك بەرەتىن كادرلاردىڭ ارتىقشىلىعىن ساۋلەلەندىرىپ، كومەككە يە بولعان جەردەگى كادرلارمەن بىرگە جياڭسۋ، بەيجيڭ، شاڭحاي، جىجياڭ، سىچۋان، چۇڭچيڭ سياقتى قالالارعا بارىپ ساۋداگەر شاقىرۋ قيمىلىن ورىستەتىپ، ەكونوميكانى باسقارۋ، كاسىپ سالاسىن دامىتۋ، نىسانداردى ەنگىزۋ ورەسىن مىقتى يگەرۋ سياقتىلاردىڭ دارەجەسىن جوعارىلاتۋعا قولعابىس ەتتى.

    ساناققا قاراعاندا، شينجياڭعا كەلگەننەن بەرى جياڭسۋ ولكەسىنىڭ ىلەگە باعىتتامالى كومەك بەرۋ الدىڭعى شەپ قولباسشىلىق شتابى مەن ءارقايسى قىزمەت گرۋپپالارىنىڭ جالپى قول قويعان نىسانى 84 كە، كەلىسىم بويىنشا ەنگىزگەن قارجىسى 34 ميلليارد 800 ميلليون يۋانعا جەتىپ، مۇنىڭ 3 ميلليارد 18 ميلليون يۋان قارجىسى تياناقتانعان.

    10 - توپتاعى شينجياڭعا باعىتتامالى كومەكتەسۋ قىزمەتى ورىستەتىلگەننەن بەرى جياڭسۋ ولكەسىنىڭ ىلەگە باعىتتامالى كومەك بەرۋ الدىڭعى شەپ قولباسشىلىق شتابى كومەككە يە بولعان ورىنداردىڭ ءىس جۇزىندىك جاعدايىمەن تىعىز بىرلەستىرىپ، جاپپاي دوڭگەلەك داۋلەتتى قوعام قۇرۋدىڭ شەشۋشى جەڭىسىنە قول جەتكىزۋگە نازار اۋدارىپ، حالىق تۇرمىسى ارقىلى شينجياڭعا كومەكتەسۋ قىزمەتىن ويداعىداي ىستەۋگە بارىنشا كۇش سالدى. بيىل 289 كومەك بەرۋ نىسانى بەكىتىلىپ، بۇعان ساياتىن قارجى ءبىر ميلليارد 960 ميلليون يۋانعا جەتتى. سونىمەن بىرگە 2020 - جىلى جياڭسۋ ولكەسى ىلەگە كادر - دارىندىلاردان ءبىر مىڭ 191 ادامدى تاڭداپ جىبەردى، ەكونوميكا، ساياحات سياقتى جاقتارداعى تاپشى دارىندىلاردان يكەمدى ەنگىزگەندەرى 600 ادامنان اسىپ، تاريحتاعى جوعارى ورە جاراتتى.

    شينجياڭعا باعىتتامالى كومەك بەرۋدىڭ ارقاسىندا ىلە وبلىسىنا توتە قاراستى ورىنداردىڭ، بيڭتۋان 4 - ، 7 - ديۆيزياسىنىڭ قوعامدىق جاعدايى مەن ەكونوميكاسىنىڭ دامۋ بەتالىسى جاقسارىپ، ەرەكشە ابزالدىققا يە كاسىپ سالاسى مولايىپ، ىشكى دامۋدىڭ قوزعاۋشى كۇشى كۇن سايىن ارتىپ، وقۋ - اعارتۋ، ەمدەۋ، تۇرعىن ءۇي سياقتى جاقتاردان حالىق تۇرمىسىن قامتاماسىزداندىرۋ ورەسى كورنەكتى جاقسارىپ، ءار ۇلت بۇقاراسىنىڭ باقىت كورسەتكىشى ءۇرتىس جوعارىلادى.

    جياڭسۋ ولكەسىنىڭ ىلەگە كومەك بەرۋ الدىڭعى شەپ قولباسشىلىق شتابى مىنانى ءبىلدىردى: «ورتالىقتىڭ شينجياڭ قىزمەتى جونىندەگى 3 - رەتكى اڭگىمە ءماجىلىسى رۋحىن باتىل دايەكتەندىرىپ، تياناقتاندىرىپ، شينجياڭمەن سايكەسۋدى كۇشەيتىپ، شينجياڭعا باعىتتامالى كومەكتەسۋگە ۇزاق ۋاقىت تاباندى بولىپ، وسى قىزمەتتىڭ ۋنيۆەرسالدى ءونىمىن جوعارىلاتىپ، كومەككە يە بولعان ورىنداعى ءار ۇلت كادر - بۇقاراسىمەن بىرگە قۇلشىنىپ، اسەم جياڭسۋ مەن ىرىستى ىلەنىڭ كوركەم كارتيناسىن كەسكىندەيمىز».

جاۋاپتى رەداكتور: جازيرا بولاتباي قىزى