حالىق تۇرمىسىمەن تىعىز جاناسىپ، ٴتۇيىندى نىسانداردى ىلگەرىلەتىپ، «14 – بەس جىلدىقتا» جوعارى ساپالى دامۋعا نازار سالدى

  • كەلۋ قاينارى: ىلە گازەتى
  • 03:01:47 03/11/2020

 

    وبلىستىق دامۋ – رەفورما كوميتەتى حالىق تۇرمىسىمەن تىعىز جاناسىپ، ٴتۇيىندى نىسانداردى ىلگەرىلەتىپ، «14 – بەس جىلدىقتا» جوعارى ساپالى دامۋعا نازار سالدى

 

    ٴتىلشىمىز جي شيانفىڭ حابارلايدى. 10 – ايدىڭ 27 – كۇنى قۇلجا قالاسى بايانداي قالاشىعى باتىس قالا بازارىنىڭ ۋيسان كوشەسىندەگى قۇلجا قالاسى باتىس قالا رايونى ۋنيۆەرسال زەردەلى ەنەرگيا نىسانىنىڭ قۇرىلىس ورنىندا كومىر قالتقىسىنىڭ بولات قۇرىلىمىن ورناتىپ جاتقان جۇمىسشىلار ەڭ سوڭعى جۇمىستارمەن ابىگەرلەنىپ جاتتى.

    «زەردەلى ەنەرگيا» دەگەن ماڭدايشالىق بەرىلگەن بۇل نىسان قۇلجا قالاسىنىڭ باتىس قالا رايونىنداعى قولداۋ سيپاتتى جىلۋ ەنەرگياسى نىسانى، 2018 – جىلى 9 – ايدا رەسمي جۇمىس باستالعان. بۇل نىسان ەلەكتر تاراتۋ، گازبەن، جىلۋمەن قامداۋ، سۋىق تىزبەك جاقتارىنان قىزمەت وتەۋمەن بىرگە،ەنەرگيانىڭ پايدالانىلۋ سالىستىرماسىن، سونداي – اق جىلۋمەن قامداۋدىڭ سەنىمدىلىگىن ٴونىمدى جوعارىلاتىپ، وڭىرلىك ورتانىڭ اۋا ساپاسىن كورنەكتى جاقسارتىپ، جەرگىلىكتى ورىننىڭ ەكونوميكالىق، قوعامدىق دامۋى، ەكولوگيالىق ورتانى قورعاۋ، تۇرعىنداردىڭ تۇرمىس ساپاسىن جوعارىلاتۋ، ٴونىمدى تۇردە ەنەرگيا ۇنەمدەپ، ىعىستىرۋدى ازايتۋ جاقتارىندا جەبەۋشى رول اتقارادى، سونىمەن بىرگە، قۇلجا قالاسىنىڭ جەدەل دامۋى ٴۇشىن قوزعاۋشى كۇش قاينارىن ازىرلەيدى.

    «قازىرگە دەيىن 1 -، 2 – ٴنومىرلى پار قازاندارى جىلۋمەن قامداي باستادى، 16 جىلۋ پۋنكتى قۇرىلدى. 11 – ايدىڭ سوڭىندا 1 – ٴنومىرلى گەنەراتور مەن 2 – ٴنومىرلى گەنەراتور ەلەكتر تاراتۋ ازىرلىگىندە. 3 – ٴنومىرلى پار قازانى قۇراستىرىلۋ جانە اكەلىنۋ ۇستىندە. ٴىشىنارا قوسىمشا ينجەنەريالار مەن ينجەنەريانىڭ سوڭعى جۇمىستارى جىل سوڭىنان بۇرىن تولىق اياقتالادى» دەدى جۇڭگو حۋاديان توبى قۇلجا قالاسى زەردەلى ەنەرگيا شەكتى سەرىكتىگى جوسپار، تيجارات ٴبولىمىنىڭ مەڭگەرۋشىسى چىن شىڭدى.

    ورتالىقتىڭ شينجياڭ قىزمەتى جونىندەگى 3 – رەتكى اڭگىمە ٴماجىلىسى اشىلعاننان بەرى وبلىستىق دامۋ جانە رەفورما كوميتەتى باس شۋجي شي جينپيڭنىڭ ماڭىزدى ٴسوزىن ٴتۇبىرلى بويسۇنۋ ولشەمى ەتىپ، حالىق تۇرمىسىمەن تىعىز جاناسىپ، ٴتۇيىندى نىسان قۇرىلىستارىن تۇتقا ەتىپ، ەكونوميكانىڭ جوعارى ساپالى دامۋىن ىلگەرىلەتۋمەن بىرگە، ٴوز ابزالدىعى مەن جوعارى ساپالى دامۋ قاجەتىن مىقتى يگەرىپ، «14 – بەس جىلدىق» جوسپاردى عىلمي جوسپارلادى.

    ۇعىسۋعا قاراعاندا، 10 – ايدىڭ 26 – كۇنىنە دەيىن وبلىس بويىنشا جالعاستى سالىناتىن 289 نىسانعا جالپى 14 ميلليارد 814 ميلليون يۋان قارجى قوسىلعان؛ جاڭادان سالىناتىن 428 نىسانعا جالپى 26 ميلليارد 842 ميلليون يۋان قارجى قوسىلعان؛ زاپاس 511 نىساننىڭ جالپى 307 نىسانى جاڭادان جۇمىس باستالاتىن نىسانعا وزگەرتىلىپ، وزگەرۋ سالىستىرماسى %60.1 كە جەتىپ، جالپى 9 ميلليارد 738 ميلليون يۋان قارجى قوسىلعان. 412 نىساندا جۇمىس اياقتالعان.

    نىسان قۇرىلىسى بارىسىندا وبلىستىق دامۋ جانە رەفورما كوميتەتى بەكىتىلگەن قۇرىلىس كولەمىنە، مازمۇنىنا، ولشەمىنە قاتاڭ بويسۇنىپ، اۋدان، قالالاردىڭ مەملەكەتتىڭ، اۆتونوميالى رايوننىڭ قۇرىلىس نىساندارىنا قاتىستى جەر، ورتانى قورعاۋ، ەنەرگيا ۇنەمدەۋ، حاۋىپسىزدىك سياقتى ساياساتتىق بەلگىلەمەلەرىن قاتاڭ اتقارۋىنا باقىلاۋ، قۋزاۋشىلىق ەتىپ، ورتالىقتىڭ مەجە ەسەپ كولەمى ىشىندەگى قارجى قوسۋ نىساندارىنا قول جەتكىزۋ مەن نىسان قۇرىلىسىن باقىلاۋ – باسقارۋدى كۇشەيتتى؛ نىساننىڭ زاڭدى ۋاكىلى جاۋاپكەرلىك ٴتۇزىمى، مەردىگەر شاقىرۋ ٴتۇزىمى، ينجەنەريا باقىلاۋ ٴتۇزىمى، توقتام باسقارۋ ٴتۇزىمى سياقتى ٴتۇرلى ٴتۇزىم - تارتىپتەردى تياناقتاندىرىپ، نىسانداردىڭ جۇمىس مەرزىمى، قارجى قوسۋ، ساپاسى سياقتى 3 ۇلكەن وتكەلدى جاپپاي،ويداعىداي يگەردى.

جاۋاپتى رەداكتور: گۇلدەن ماقسات قىزى