يدەيانى بىرلىككە كەلتىرىپ، سەرپىندى ارتتىرىپ، زەيىن - زەردەنى، كۇش - قۋاتتى ۇيىستىرىپ، تياناقتاندىرۋدى جەبەۋ كەرەك

  • كەلۋ قاينارى: شينجياڭ گازەتى تورى
  • 08:26:34 04/11/2020

    يدەيانى بىرلىككە كەلتىرىپ، سەرپىندى ارتتىرىپ، زەيىن - زەردەنى، كۇش - قۋاتتى ۇيىستىرىپ، تياناقتاندىرۋدى جەبەۋ كەرەك

    − جەر - جەردەگى ۇگىت - لەكسيا ۇيىرمەلەرى 3 - رەتكى ورتالىقتىڭ شينجياڭ قىزمەتى جونىندەگى اڭگىمە ءماجىلىسىنىڭ رۋحى جونىندە ۇگىت - لەكسيا قيمىلىن ورىستەتتى

    گازەتىمىزدىڭ جالپىلىق اقپارات قۇرالدارى تىلشىلەرى

    ىشكەرىلەي، جان - جاقتى ۇگىت جۇرگىزىپ، لەكسيا جاساپ، ءىس جۇزىندىككە جاناستىرا ءتۇسىندىردى. تاياۋدان بەرى رايونىمىزدىڭ جەر - جەرىندەگى 3 - رەتكى ورتالىقتىڭ شينجياڭ قىزمەتى جونىندەگى اڭگىمە ءماجىلىسىنىڭ رۋحىن ۇگىتتەۋ - لەكسيا جاساۋ ۇيىرمەلەرى ورگاندارعا، پارتيا مەكتەپتەرىنە، اۋدان - قالالارعا (باقشا رايونى) ىشكەرىلەي بارىپ ۇگىت - لەكسيا قيمىلىن ورىستەتتى، ءار ۇلت كادر - بۇقاراسى مۇنان ەرەكشە شابىت الدى. كوپشىلىك تۇس - تۇستان مىنانى ءبىلدىردى: يدەيا مەن اركەتتى 3 - رەتكى ورتالىقتىڭ شينجياڭ قىزمەتى جونىندەگى اڭگىمە ءماجىلىسىنىڭ رۋحىمەن بىرلىككە كەلتىرىپ، كۇشتى ۇيىستىرىپ، ىرىقتىلىقپەن ىسكەرلىك كورسەتىپ، رايونىمىزدىڭ ءتۇرلى قىزمەتتەرىنىڭ تاعى دا تىڭ ساتىعا كوتەرىلۋىن ۇزدىكسىز ىلگەرىلەتۋ كەرەك.

    11 - ايدىڭ 1 - كۇنى اقسۋ ايماعى بەينە ەكران ءماجىلىسى فورماسىمەن 3 - رەتكى ورتالىقتىڭ شينجياڭ قىزمەتى جونىندەگى اڭگىمە ءماجىلىسىنىڭ رۋحىن ۇگىتتەپ لەكسيا جاساۋ جينالىسىن اشتى. اقسۋ ايماقتىق پارتكوم ۇگىت ءبولىمىنىڭ لەكسياشىلار ۇيىرمەسىنىڭ جاۋاپتىسى ۋي بو بىلاي دەدى: ”بۇگىنگى ۇگىت - لەكسيادان وتە كوپ نارسەگە يە بولدىم. ۇگىتشىلەر ۇيىرمەسىنىڭ مۇشەسى رەتىندە، مەن ءىس جۇزىندىككە جاقىن، جاي سوزبەن تەرەڭ ماعىنا تۇسىندىرەتىن ۇگىت - لەكسياسى ارقىلى پارتيا ورتالىق كوميتەتىنىڭ شينجياڭعا دەگەن قامقورلىعىن ءار ۇلت بۇقاراسىنا دەر كەزىندە، دۇرىس جەتكىزىپ، 3 - رەتكى ورتالىقتىڭ شينجياڭ قىزمەتى جونىندەگى اڭگىمە ءماجىلىسىنىڭ رۋحىنىڭ اقسۋ ايماعىندا تياناقتانىپ تامىر تارتۋىن ىلگەرىلەتەمىن“.

    11 - ايدىڭ 2 - كۇنى اقسۋ ايماعىنىڭ ۇگىت - لەكسيا ۇيىرمەسى ىلگەرىندى - كەيىندى اقسۋ ايماقتىق ورتا حالىق سوتى مەكەمەسىندە، قوعام حاۋىپسىزدىگى مەكەمەسىندە، پروكۋراتۋرادا جانە تارىم پروكۋراتۋراسىندا ۇگىت - لەكسيا ورىستەتتى. ”الداعى قىزمەتتە، مەن پارتيالى كادرعا ءتان ۇلگىلىك رولدى ساۋلەلەندىرىپ، اسقاق رۋحاني كۇيدى باستان - اياق ساقتاپ، ىرىقتىلىقپەن جاۋاپكەرشىلىك ارقالاپ، ىسكەرلىك كورسەتىپ، جاڭا داۋىردەگى جۇڭگوشا سوتسياليستىك شينجياڭ قۇرۋعا ەسە قوسۋىم كەرەك“، - دەدى اقسۋ ايماقتىق ورتا حالىق سوتى مەكەمەسى باقىلاۋ - تەكسەرۋ باسقارماسىنىڭ مەڭگەرۋشى قىزمەتكەرى گۇلپيام تۇرسۇن ۇگىت - لەكسيانى تىڭداعان سوڭ.

    تارباعاتاي ايماعىنىڭ 3 - رەتكى ورتالىقتىڭ شينجياڭ قىزمەتى جونىندەگى اڭگىمە ءماجىلىسىنىڭ رۋحىن ۇيرەنۋ، دايەكتىلەندىرۋ بويىنشا ۇگىت - لەكسيا ۇيىرمەسىنىڭ اۋداندارداعى (قالا) بولىمشە ۇگىت - لەكسيا ۇيىرمەسى 10 - ايدىڭ 29 - كۇنى تارباعاتاي ايماقتىق پارتكومنىڭ پارتيا مەكتەبىندە ۇگىت - لەكسيا قيمىلىن ورىستەتتى. ۇگىت - لەكسيانى تىڭداعان سوڭ، تارباعاتاي ايماقتىق پارتكوم وقۋ - اعارتۋ قىزمەت كوميتەتى كەڭسەسىنىڭ جاۋاپتىسى ۋاڭ شۋەمەي بىلاي دەدى: ”بۇل رەتكى ۇگىت - لەكسيادان كوپ نارسەگە يە بولدىم، وقۋ - اعارتۋ قىزمەتكەرى رەتىندە، مەن 3 - رەتكى ورتالىقتىڭ شينجياڭ قىزمەتى جونىندەگى اڭگىمە ءماجىلىسىنىڭ رۋحىن ويداعىداي ۇيرەنىپ، ۇگىتتەپ، دايەكتىلەندىرىپ، تىڭعىلىقتى قىزمەت ىستەپ، ونەگە كورسەتىپ ادام تاربيەلەۋ، ءبىلىم بەرىپ ادام تاربيەلەۋ جاعىندا بەلسەندى ۇلەس قوسۋىم كەرەك“.

    سوڭعى كۇندەردەن بەرى حوشۇت اۋدانى ءبىر ۇگىت - لەكسيا باس اترەتىن جانە 5 ۇگىت - لەكسيا بولىمشە اترەتىن قۇرىپ، اۋىل - قىستاقتارعا، الەۋمەتتىك اۋماقتارعا بارىپ، ىشكەرىلەي ۇگىت - لەكسيا قيمىلىن ورىستەتتى. وسى اۋدانداعى ۇگىت - لەكسياشىلار شينجياڭ حيكاياسىن ايبىندى ەكپىنمەن بايانداپ، بۇكىل اۋدانداعى بۇقارانى زەيىن - زەردەنى، كۇش - قۋاتتى ۇيىستىرىپ، ىنتىماقتاسا كۇرەس جۇرگىزىپ، كورىكتى شينجياڭدى بىرگە قۇرۋعا شابىتتاندىراتىندىقتارىن ءبىلدىردى.

جاۋاپتى رەداكتور: جازيرا بولاتباي قىزى