ءبىر نيەتپەن كۇش ۇيىستىرىپ، جاڭا داۋىردەگى جۇڭگوشا سوتسياليستىك شينجياڭ قۇرۋعا ۇلەس قوسامىز

  • كەلۋ قاينارى: ىلە گازەتى
  • 03:41:22 07/11/2020

    اۆتونوميالى وبلىسقا توتە قاراستى ورىنداردا ورتالىقتىڭ شينجياڭ قىزمەتى جونىندەگى 3 – رەتكى اڭگىمە ءماجىلىسىنىڭ رۋحىن ۇيرەنۋ قىزۋ ورلەۋى كوتەرىلدى

    ءبىر نيەتپەن كۇش ۇيىستىرىپ، جاڭا داۋىردەگى جۇڭگوشا سوتسياليستىك شينجياڭ قۇرۋعا ۇلەس قوسامىز

 

    تىلشىلەرىمىز لي يافىڭ، ما چىڭلۋ، ەرىكتى ءتىلشى جاڭ جيە، ديڭ لەي، لي ۋىن – ۋ حابارلايدى. ۇعىنىقتى ءتىل، ناقتى ساندى مالىمەت، جاندى دا يلانىمدى مىسال... جۋىقتاعى بىرنەشە كۇننەن بەرى اۆتونوميالى وبلىستىڭ جەر – جەرىندە ورتالىقتىڭ شينجياڭ قىزمەتى جونىندەگى 3 – رەتكى اڭگىمە ءماجىلىسىنىڭ رۋحىن ۇيرەنۋ، ۇگىتتەۋ، دايەكتىلەندىرۋ قىزۋ ورلەۋى كوتەرىلدى، ۇگىت – لەكسياشىلار اۋىل – قالاشىققا، الەۋمەتتىك اۋماققا، اتىز باسىنا دەيىن بارىپ ۇگىت – لەكسيا جاسادى، ءار ۇلت كادر – جۇرتشىلىعى ءماجىلىس رۋحىنان تەرەڭ شابىت الدى ءارى اسەرلەندى. كوپشىلىك ءبىر اۋىزدان بىلاي دەدى: «شينجياڭ قىزمەتىن ويداعىداي ىستەۋدىڭ ماڭىزدىلىعىن جەتە تانىپ جانە ونى ويداعىداي جاقسارتىپ، يدەيا مەن ارەكەتتى پارتيا ورتالىق كوميتەتىنىڭ شەشىم، ورنالاستىرۋلارىمەن شىنايى بىرلىككە كەلتىرىپ، ماجىلىستە تۇراقتاندىرىلعان نىسانا - مىندەتتەردى ورىنداۋعا كۇش ۇيىستىرىپ، پارتيانىڭ جاڭا داۋىردەگى شينجياڭدى جونگە سالۋ جالپى جوباسىن جەتەكشى ەتىپ، ءبىر نيەتپەن كۇش قوسىپ، جاڭا داۋىردەگى جۇڭگۇشا سوتسياليستىك شينجياڭ قۇرۋعا ۇلەس قوسامىز».

    ورتالىقتىڭ شينجياڭ قىزمەتى جونىندەگى 3 – رەتكى اڭگىمە ءماجىلىسى اشىلعاننان كەيىن قۇلجا قالاسىنداعى ءار دارەجەلى پارتيا ۇيىمدارى پارتيالى كادر – جۇرتشىلىقتى ءماجىلىس رۋحىن ۇيرەنۋگە، ۇيرەنۋ اسەرىن بايانداۋعا، اسەر جازۋعا، قىزمەت وي جەلىسىن ايقىنداۋعا، قىزمەتتى ىلگەرىلەتۋگە، تياناقتاندىرۋدى مىقتى يگەرۋگە ۇيىمداستىرۋ ارقىلى باس شۋجي شي جينپيڭنىڭ ماڭىزدى ءسوزىنىڭ رۋحىن ۇيرەنۋ قىزۋ ورلەۋىن كوتەردى.

    10 – ايدىڭ 10 – كۇنى قۇلجا قالالىق ءتارتىپ تەكسەرۋ كوميتەتى مەن باقىلاۋ – تەكسەرۋ كوميتەتىنەن ءدوڭمالى ءمالى باسقارماسى سايباق الەۋمەتتىك اۋماعىنا تۇسكەن «ۇعىسۋ، تيىمدىلىك جاساۋ، توعىستىرۋ» قىزمەت اترەتى الەۋمەتتىك اۋماق تۇرعىنى مەھراي ابدىرەيىمنىڭ ۇيىندە ورتالىقتىڭ شينجياڭ قىزمەتى جونىندەگى 3 – رەتكى اڭگىمە ءماجىلىسىنىڭ رۋحىنان ۇگىت – لەكسيا جاساۋ قيمىلىن ورىستەتتى؛ سايباق الەۋمەتتىك اۋماعىنداعى كادر – جۇرتشىلىق شوعىرلى ۇيرەنۋ، وزدىگىنەن ۇيرەنۋ، ساقا پارتيالى كادرلارعا ۇگىت – لەكسيا جۇرگىزۋ سياقتى فورمالار ارقىلى ساتى بويىنشا جوسپارلى تۇردە ۇلكەندى ـ كىشىلى كوشەلەرگە دەيىن بارىپ، ورتالىقتىڭ شينجياڭ قىزمەتى جونىندەگى 3 – رەتكى اڭگىمە ءماجىلىسىنىڭ رۋحىنان ۇگىت – لەكسيا جاساپ، ءتىپتى دە كوپ بۇقاراعا جۋىقتاعى جىلداردان بەرى شينجياڭدا جارىققا شىققان وراسان زور وزگەرىستى ءتۇسىندىردى. ۇگىت – لەكسيانى تىڭداعاننان كەيىن مەھراي ابدىرەيىم اسەرلەنگەن بەينەدە بىلاي دەدى: «باس شۋجي شي جينپيڭنىڭ ماڭىزدى ءسوزى ادامدى جىگەرلەندىرەدى. ساقا پارتيا مۇشەسى بولۋ تۇرعىسىنان اۋىلىمىزدا اي سايىن، كۇن سايىن جارىققا شىعىپ جاتقان جاڭالىقتاردى كوزىمىزبەن كورىپ، كوكەيىمىزگە ءتۇيىپ وتىرمىز. بۇدان بىلاي مەن قاجىر – قايراتىمدى پارتيا مەن ۇكىمەتتىڭ حالىققا تيىمدىلىك جاساۋ ساياساتتارىن ۇگىتتەۋگە جۇمساپ، جاراسىمدى الەۋمەتتىك اۋماق قۇرۋعا ۇلەس قوسامىن».

    قۇلجا قالاسى ءپانجىم قالاشىعى ءپانجىم قىستاعىنىڭ 1 – شۋجيى، قالالىق بازار باقىلاۋ – باسقارۋ مەكەمەسىنەن وسى قىستاققا تۇسكەن «ۇعىسۋ، تيىمدىلىك جاساۋ، توعىستىرۋ» قىزمەت اترەتىنىڭ باستىعى ليۋ حايگۋاڭ بىلاي دەدى: «نەگىزگى ساتىدا قىزمەت ىستەيتىن كادر بولۋ تۇرعىسىنان مەن پارتيا ورتالىق كوميتەتىنىڭ قامقورلىعىن شىنايى سەزىنىپ، تەرەڭ اسەرلەندىم. بۇدان بىلاي نەگىزگى ساتىنىڭ قىزمەتىن جاقسى ىستەۋ سەنىمىم ءتىپتى دە بەكەمدەلىپ، قايراتىم تاسقىندادى. مەن، ءسوزسىز، بۇقارانىڭ تىلەگىن ءبىر اراعا توعىستىرىپ، پارتيا ورتالىق كوميتەتىنىڭ دۇرىس باسشىلىعىندا ورتاق ىنتىماقتاسىپ، كۇرەس جاساپ، ورتاق كوركەيىپ دامۋدى جۇزەگە اسىرۋعا ۇلەس قوسامىن».

جاۋاپتى رەداكتور: گۇلدەن ماقسات قىزى