بۇل تاۋلى قىستاقتىڭ بەينەسى بۇكىلدەي وزگەردى نەمەسە كەشە كەدەي قىستاق، بۇگىن ەگەي قىستاق

  • كەلۋ قاينارى: ىلە گازەتى
  • 03:03:58 12/11/2020

    ما ي - جيە

    1

    گىديدى باسىپ،

    دۇڭجودان ءوتىپ،

    يازىحىعا بارادى.

    اپات جايلاعان

    اۋىلداستاردىڭ،

    بۋ نان ەكەن تاماعى.

    جوعارىداعى تاقپاقتا شانشيدىڭ لۇيلياڭ تاۋلى رايونىنداعى يازىحى ايتىلىپ وتىر. يازىحى وزەن ەمەس، قايتا ءبىر قىستاقتىڭ اتى. بۇل حۋاڭحى وزەنى ورتا اعارىنىڭ شىعىس جاعالاۋىندا، سانشي - شانشي ۇلكەن قىساڭىنىڭ ورتاسىنداعى تاۋ قويناۋىنا ورنالاسقان، جەرگىلىكتى ورىنداعى كەدەي قىستاق.

    2009 - جىلى ۋنيۆەرسيتەتتەن وقۋ بىتىرگەن گو حايلين، قالادا قىزمەت ىستەۋ ورايىنان ۋاز كەشىپ، جاڭاشا قىستاق قۇرۋ ءۇمىتىن ارقالاپ، وقۋدى ۇزدىك بىتىرگەن ستۋدەنتتەردى قىستاق باستىعى مىندەتىنە تاعايىنداۋ ەمتيحانىنا قاتىناسىپ، ەمتيحاننان سۇرىنەي ءوتىپ، يازىحى قىستاعى پارتيا ياچەيكاسىنىڭ ورىنباسار شۋجيى بولدى.

    «ەندى عانا وقۋ تاۋىسقان ءبىر ستۋدەنت يازىحى قىستاعىنا كەلىپ قىستاق باستىعى بولادى ەكەن» دەگەن حاباردى ەستىگەن قىستاق تۇرعىندارى تاڭ تاماشا بولدى. سول كۇنى 22 جاستاعى گو حايلين يۇڭحى اۋدان قالاشىعىنان گىدي اۋىلدىق حالىق ۇكىمەتىنە بارىپ تىزىمدەلگەندە، قاس قارايىپ كەتكەن - دى. ول ءوزىن قارسى الا شىققان قىستاق پارتيا ياچەيكاسىنىڭ قارت شۋجيىمەن بىرگە، ءتۇن قاراڭعىسىن جامىلا، سەرگەك باسىپ يازىحىعا قاراي جول الدى.

    بىرنەشە كۇن بويى، گو حايلين تاۋ قويناۋىنداعى تار سوقپاق جولدا بىردە ساي تاعانىنا ءتۇسىپ، بىردە جارتاسقا ورمەلەپ، جول جوق جەردە تاستان - تاسقا سەكىرىپ قارا تەرگە مالشىندى. ول يازىحى قىستاعىنىڭ ماڭىنداعى تاۋ - تاۋدى، جون - جوتا، ادىرلى اسۋدى، ساي - جىلعا جانە وزەن جاعالاۋىن تۇگەل ارالاپ شىقتى. قىستاققا قايتىپ كەلگەن سوڭ، ءۇي - ءۇيدى ارالاپ، احۋال ۇعىستى.

    ءبىر مەزگىل ابىگەرلەنگەننەن كەيىن، گو حايلين قىستاقتىڭ جاراتىلىستىق شارت - جاعدايىن بەس ساۋساعىنداي يگەرىپ، كوكەيىنە كوپ نارسەلەردى ءتۇيىپ كوڭىلى ورنىقتى.

جاۋاپتى رەداكتور: گۇلدەن ماقسات قىزى