كۇنەس اۋدانى بەستوبە اۋىلى اشىلىبۇلاق قىستاعى كوپ جاقتان كۇش شىعارىپ، قىستاق تۇرعىندارىنىڭ قالتاسىن قامپايتتى

  • كەلۋ قاينارى: ىلە گازەتى
  • 03:15:48 12/11/2020

 

    شينجياڭ گازەتىنىڭ ءتىلشىسى جازيرا نەسىپبەك قىزى

 

    «ەكى كۇننىڭ الدىندا مەن ۇيدە باعىلعان 40 مىسىر تاۋىعىن قىستاقتىڭ ەلەكتروندى ساۋدا ورتالىعىنا ساتىپ بەرىپ، 3مىڭ 200 يۋان كىرىس كىرگىزدىم» دەدى 10 ـ ايدىڭ 15 ـ كۇنى كۇنەس اۋدانى بەستوبە اۋىلى اشىلىبۇلاق قىستاعىنىڭ تۇرعىنى جالەل ابدىراحمان قۋانا.

    اشىلىبۇلاق قىستاعى كەزىندە كەدەي قىستاق بولاتىن، 2016 ـ جىلى كەدەيلىك قالپاعىن الىپ تاستاعاننان كەيىن، اۋلا شارۋاشىلىعىن دامىتۋ، ساياحات شارۋاشىلىعىنىڭ ءتۇرىن مولايتۋ، ەلەكتروندى ساۋدا سياقتى شارالار ارقىلى كەدەيلىكتەن ارىلتۋدىڭ جەتىستىكتەرى بەكەمدەلىپ، قىستاق تۇرعىندارىنىڭ قالتاسى قامپايدى.

    اۋلا كىرىستى ارتتىرۋ باقشاسىنا اينالدى

    10 - ايدىڭ 15 - كۇنى تۇستەن كەيىن، جالەل اۋلاداعى كوكونىس اتىزىن اۋدارىپ، بىرنەشە كۇننەن كەيىن ۋسارىمساق مايساسىن ەگۋگە دايىندالدى. 56 جاستاعى جالەل قىستاقتاعى ارحيۆ تۇرعىزىلىپ، كارتوچكالاندىرىلعان كەدەي وتباسى ەدى. قازىر وتباسىنىڭ جىلدىق جان باسىندىق ورتاشا تازا كىرىسى 8 مىڭ يۋاننان اسىپ، كەدەيلىكتەن الدەقاشان قۇتىلدى. بۇرىنعى بەكەر تۇرعان اۋلادان قوماقتى كىرىس تاپقانىن سەزىنگەن جالەل اعىنان اقتارىلدى.

    «<ۇعىسۋ، تيىمدىلىك جاساۋ، توعىستىرۋ> بويىنشا قىستاقتا تۇراتىن قىزمەت اترەتى بىزگە كەدەيلەردى سۇيەمەلدەۋ سيىرىن، كوكونىس، شوجە تاراتتى جانە شۇعىنىق گۇلىنىڭ مايساسىن تاراتتى ءبىر جاعىنان اۋلانى كورىكتەندىرىپ، ەندى ءبىر جاعىنان اقشا تابۋعا باستادى، شاعىن عانا اۋلادان ءبىر جىلدا 3 - 4 مىڭ يۋان كىرىس كىرگىزەمىز» - دەدى جالەل.

    اشىلىبۇلاق قىستاعىندا 400 دەن استام وتباسى بار، مۇنىڭ ىشىندە ارحيۆ تۇرعىزىلىپ، كارتوچكالاندىرىلعانى 211 وتباسى، 770 ادام. ەندەشە، قىستاق بويىنشا كەدەيلىكتەن ارىلعاننان كەيىن، كەدەيلىكتەن ارىلتۋ جەتىستىكتەرىن قالاي بەكەمدەۋ كەرەك؟

    2018 - جىلى ىلە گازەتى مەكەمەسىنىڭ وسى قىستاقتا تۇراتىن «ۇعىسۋ، تيىمدىلىك جاساۋ، توعىستىرۋ» قىزمەت اترەتى بۇكىل قىستاقتىڭ جاعدايىن ۇعىسىپ، تەكسەرۋ جۇرگىزگەننەن كەيىن، ەگىن، مال شارۋاشىلىعى ۇشتاسقان وسى قىستاقتا اۋلا شارۋاشىلىعىن ونان ارى دامىتۋدىڭ نەگىزى بار ەكەنىن بايقايدى. سونىمەن اۋىل ـ قىستاقتارداعى تۇرعىن ءۇي ورتاسىن جونگە سالۋ ارەكەتى ارقىلى بۇكىل قىستاقتى شىت - جاڭا بەينەگە ەنگىزدى، قىستاق تۇرعىندارىنىڭ شاعىن اۋلاسى جۇيەلى جوبالاندى.

    «قىستاقتاعى وتباسىلار تۇگەلدەي سيىر باعادى، ءار جىلى 5 - ايدا مال جايلاۋعا كەتكەننەن كەيىنگى اۋلانىڭ بوس تۇرعان ۋاقىتىنان پايدالانىپ، ءبىز قىستاق تۇرعىندارىن بازاردىڭ قارسى الۋىنا يە بولعان مىسىر تاۋىعىن باعۋعا شابىتتاندىردىق، سيىرلاردى قىستاققا قايتارىپ اكەلۋدەن بۇرىن، بۇل تاۋىقتاردىڭ بارلىعى ساتىلىپ بولادى، مىنە وسى ارقىلى قىستاق تۇرعىندارىنىڭ كىرىستى ارتتىرۋ تىزبەگىنىڭ ساڭلاۋسىز ۇشتاسۋىن جۇزەگە اسىردىق» دەدى قىزمەت اترەتىنىڭ ورىنباسار باستىعى اكبار قۇربان.

    قازىر اشىلىبۇلاق قىستاعىنداعى اۋلالار تۇگەلدەي كىرىستى ارتتىرۋ باقشاسىنا اينالدى.

جاۋاپتى رەداكتور: گۇلدەن ماقسات قىزى