سالاماتتى جۇڭگو ستراتەگياسىن تياناقتاندىرىپ، سالاماتتى شينجياڭ قۇرىلىسىن ىلگەرىلەتەيىك

  • كەلۋ قاينارى: ىلە گازەتى
  • 03:01:22 19/11/2020

    پارتيا 18 - قۇرىلتايىنان بەرى شي جينپيڭ جولداستى ۇيتقى ەتكەن پارتيا ورتالىق كوميتەتى دەنساۋلىق ساقتاۋ جانە سالاماتتىق قىزمەتىنە وسكەلەڭ ٴمان بەرىپ، حالىقتىڭ سالاماتتىعىن الدىمەن دامىتىلاتىن ستراتەگيالىق ورىنعا قويدى، مەملەكەتتىك دەنساۋلىق ساقتاۋ جانە سالاماتتىق قىزمەتى ٴماجىلىسىن اشىپ، جاڭا داۋىردەگى دەنساۋلىق ساقتاۋ جانە سالاماتتىق قىزمەتى باعىتىن تۇراقتاندىردى. باس شۋجي شي جينپيڭ اقاۋسىز جۇڭگو قۇرىلىسىن ٴوزى جوسپارلاپ، ٴوزى ىلگەرىلەتتى. «جالپى حالىقتىڭ دەنساۋلىعى بولماسا، جاپپاي دوڭگەلەك داۋلەتتى قوعام قۇرۋعا بولمايدى» دەپ، اقاۋسىز جۇڭگو قۇرۋدىڭ كەلەلى باعىت ـ ساياساتتارى مەن ارەكەت پروگرامماسىن ايقىنداپ، ەلىمىز حالقىنىڭ دەنساۋلىق جاعدايى مەن نەگىزگى ەمدەۋ ـ دەنساۋلىق ساقتاۋ قىزمەت وتەۋىنىڭ ۇزدىكسىز جاقسارۋىن ىلگەرىلەتتى. جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋعا بەرىك دەنساۋلىق نەگىزىن قالادى.

    حالىقتىڭ دەنساۋلىعى قوعامدىق وركەنيەتتىڭ العا باسۋىنىڭ نەگىزى. ۇلتتىڭ گۇلدەنىپ - كوركەيۋى مەن مەملەكەتتىڭ قۇدىرەتتەنۋىنىڭ ماڭىزدى بەلگىسى، سونداي - اق بارشا حالىق بۇقاراسىنىڭ ورتاق تالپىنىسى. ءتۇرلى اۋرۋلار حالىقتىڭ دەنساۋلىعىنا اۋىر قاتەر توندىرەدى، اسىرەسە، توسىن تۋىلعان شۇعىل جۇقپالى اۋرۋلاردىڭ تارالۋى تەز، شارپيتىن كولەمى كەڭ، زيانى زور بولادى. بيىل جىل باسىنان بەرى شينجياڭ ەكى رەت توسىن تۋىلعان جاڭا تيپتى وكپە قابىنۋ ىندەتىنە تاپ بولعاندا، داعدىلى ىندەتتەن ساقتانۋ - تىزگىندەۋ قىزمەتىن جاقسى ىستەۋمەن بىرگە، ىندەتتەن ساقتانۋ - تىزگىندەۋ تاجىريبەلەرىن قورىتىندىلاپ، اشىققا شىققان ماسەلەلەر مەن جەتەرسىزدىكتەرگە باعىتتاي وتىرىپ، ولقىلىقتاردى تولىقتاۋدى مىقتى يگەرۋمەن بىرگە، نازاردى حالىقتىڭ دەنساۋلىعىنا ىقپال جاسايتىن سالماقتى اۋرۋلار مەن باستى ماسەلەلەرگە شوعىرلاندىرىپ، دەنساۋلىق ساقتاۋ جانە سالاماتتىق ىستەرىن جەدەل دامىتىپ، سالاماتتى شينجياڭ قۇرىلىسىن جاپپاي ىلگەرىلەتتى.

    سالاماتتى شينجياڭ قۇرىلىسىن ىلگەرىلەتۋ ــ قوعام ورنىقتىلىعى مەن باياندى تىنىشتىقتى جۇزەگە اسىرۋدىڭ ماڭىزدى كەپىلى. باس شۋجي شي جينپيڭ: «حالىقتىڭ دەنساۋلىعى حالىق تۇرمىسى ماسەلەسى ٴارى قوعامدىق ساياسي ماسەلە» دەپ اتاپ كورسەتتى. ەگەر حالىقتىڭ دەنساۋلىق ورەسى تومەن بولسا، ٴار ۇلت بۇقاراسى اۋرۋعا شالدىقسا، دەر كەزىندە كومەك كورسەتىلمەسە، اۋرۋدىڭ تىزگىندەلمەۋى، جۇقپالى اۋرۋدىڭ تارالۋى حالىقتىڭ تۇرمىس ساپاسىنا زيان جەتكىزىپ قانا قالماستان، قوعامنىڭ جاراسىمدىلىعى مەن ورنىقتىلىعىنا دا تىكەلەي ىقپال جاسايدى. سوڭعى جىلدارى شينجياڭنىڭ دەنساۋلىق ساقتاۋ جانە سالاماتتىق ىستەرى قارىشتاپ دامىدى. الايدا بايلىقتى ساپالى ورنالاستىرۋدىڭ بىركەلكىسىزدىگى، ايگىلى شيپاگەرلەردىڭ، ايگىلى شيپاحانالاردىڭ تاپشىلىعى سياقتى ماسەلەلەر ٴالى دە كورنەكتى بولىپ وتىر، سونىمەن بىرگە اۋرۋ جاعدايى، ەكولوگيالىق ورتا، تۇرمىس ٴتاسىلى ۇزدىكسىز وزگەرگەندىكتەن، سونداي - اق كوپ ءتۇرلى سالماقتى اۋرۋ اۋرىتپالىعى قاتار ورىن تەۋىپ، دەنساۋلىققا ىقپال جاسايتىن فاكتورلار قاباتتاسقان جاعدايعا ءدوپ كەلىپ وتىر. شينجياڭنىڭ قوعام ورنىقتىلىعى مەن باياندى تىنىشتىق باس نىساناسىن جۇزەگە اسىرۋ تۇرعىسىنان، حالىقتىڭ دەنساۋلىعىن الدىمەن دامىتىلاتىن ستراتەگيالىق ورىنعا شىن مانىندە قويىپ، بۇقارانىڭ دەنساۋلىعىنا ىقپال جاسايتىن كورنەكتى ماسەلەلەردى مۇمكىندىكتىڭ بارىنشا شەشۋ كەرەك.

    سالاماتتى شينجياڭ قۇرىلىسىن ىلگەرىلەتۋ ــ حالىق تۇرمىسىن قامتاماسىزداندىرۋدىڭ جانە جاقسارتۋدىڭ ماڭىزدى شاراسى. باس شۋجي شي جينپيڭ: «دەنساۋلىق ساقتاۋ جانە سالاماتتىق ىستەرى ٴاربىر ادامنىڭ باس اماندىعى مەن باقىتىنا سايادى، ول توتەنشە وسكەلەڭ ٴارى ايرىقشا ماڭىزدى ءىس» دەپ اتاپ كورسەتتى. جاقىنعى جىلداردان بەرى ٴار ۇلت بۇقاراسى تۇرمىس ساپاسى مەن دەنساۋلىق حاۋىپسىزدىگىنە ٴتىپتى دە ٴمان بەرىپ كەلەدى. كوپ ساتىلى، الۋان ءتۇرلى دەنساۋلىق قاجەتى ءۇرتىس ارتۋدا. ادامدار اۋرۋ كورسەتۋ، اۋرۋدى جاقسى ەمدەتۋگە ءۇمىت ارتىپ قانا قويماي، ءتىپتى، اۋىرماۋدى، كوپ ناۋقاستانباۋدى اڭساۋدا. ۇكىمەتتىڭ حالىقتىڭ دەنساۋلىعىن قامتاماسىزداندىرۋىنا، نەگىزگى دەنساۋلىق ساقتاۋ جانە دەنساۋلىق ساقتاۋعا قىزمەت وتەۋىنە اناعۇرلىم زور ٴۇمىت ارتىپ وتىر. بۇقارانىڭ جاڭا تىلەگىنە سايكەسىپ، جالپى حالىقتىڭ دەنساۋلىق ساپاسى مەن دەڭگەيىن ۇزدىكسىز جوعارىلاتىپ، شينجياڭداعى ٴار ۇلت بۇقاراسىنىڭ دەنساۋلىعىن جان ـ جاقتى، تولىق جاقسارتۋ كەرەك.

جاۋاپتى رەداكتور: جازيرا بولاتباي قىزى