جۇڭگو فۋتبولىنىڭ دامۋ اياق الىسىن كورە بىلەيىك

  • كەلۋ قاينارى: ىلە گازەتى
  • 03:38:29 20/11/2020

    جۇڭگو فۋتبولىنىڭ دامۋ اياق الىسىن كورە بىلەيىك

    - جۇڭگو فۋتبول بىرلەستىگىنىڭ ءتوراعاسى چىن شۇييۋانمەن سۇحپات

    11 - ايدىڭ 18 - كۇنى 2020 - جىلعى جۇڭگو ەرەن دارەجەلى فۋتبول بىرلەسپە جارىسى قوسىمشا جارىسىنىڭ تۇڭعىش بەلدەسۋى سۋجوۋ قالاسىندا وتكىزىلدى، ۋحان جور كومانداسى 2 گە قارسى 2 ۇپايمەن جىجياڭ لۇيچيڭ كومانداسىمەن تەڭ ءتۇستى، جۇڭگو ەرەن دارەجەلى فۋتبول جارىسى، جۇڭگو A جارىسىنىڭ دارەجە ساقتاۋ جانە دارەجە تومەندەتۋ سانى وسى رەتكى جارىس تامامدالعان سوڭ كىمنىڭ ەنشىسىنە ءتان بولاتىنى بەلگىلى بولادى. وسى جارىس ماۋسىمىندا جۇڭگو كاسىپتىك فۋتبول جارىسىنىڭ سىرگەسى جيىلىپ، جۇڭگو فۋتبول بىرلەستىگى ساۋىتىنا تالاسۋ جارىسى دا ىلە - شالا باستالادى.

    جۇڭگو فۋتبول بىرلەستىگىنىڭ ءتوراعاسى چىن شۇييۋان بىلاي دەدى: وسى رەتكى ەرەكشە جارىس ماۋسىمىندا «مىندەت اۋىر بولدى»، ىندەت ىقپال ەتسە دە، ءبىزدىڭ ءار دارەجەلى بىرلەسپە جارىسىمىز باياعىسىنداي ءساتتى بولدى، مەنشە فۋتبول جانكۇيەرلەرى ورتاق ءبىر تانىم قالىپتاستىردى، اتاپ ايتقاندا، جۇڭگو فۋتبولى بارشاعا ءۇمىت باعىشتاپ، دامۋ اياق الىسىن اڭعارتتى.

    تورەشىلەر ساپاسىن جوعارىلاتىپ، كاسىپتىك بىرلەسپە وداعىن قۇرۋ كەرەك

    وسى جارىس ماۋسىمىندا جۇڭگو ەرەن دارەجەلى فۋتبول جارىسى، جۇڭگو A دارەجەلى فۋتبول جارىسى ، جۇڭگو C دارەجەلى، 3 - دارەجەلى بىرلەسپە جارىستىڭ ءوزى 500 مايداننان اسىپ، ىندەتتەن ساقتانۋ - تىزگىندەۋ شارتىنىڭ تالابىمەن جارىستى تۇگەل ءساتتى قالپىنا كەلتىردى، بۇدان سىرت، ايەلدەر ەرەن جارىسى، ايەلدەر A، B، بەس ادامدىق فۋتبول جارىسى جانە قايراڭ فۋتبول جارىسى جالپى بەتتىك قالپىنا كەلدى، جۇڭگو فۋتبول قوعامىنىڭ قىزمەتكەرلەرى جارىس رايوندارىنىڭ الدىڭعى شەبىندە شايقاس جاسادى. چىن شۇييۋان بىلاي دەدى : «بۇل جارىس ماۋسىمىنداعى جۇڭگو بىرلەسپە جارىسىنىڭ ەڭ ۇلكەن كورىنۋ ءتۇيىنى. دەنەتاربيە سالاسىندا جۇمىستىڭ قالپىنا كەلگەنىنىڭ بەلگسى رەتىندە بىرلەسپە جارىس ءساتتى وتكىزىلدى.

    وسى جارىس ماۋسىمىندا تۋىلعان تالاس - تارتىسقا تورەلىك ايتۋ ماسەلەسى جونىندە چىن شۇييۋان بىلاي دەدى: جۇڭگونىڭ فۋتبولعا تورەلىك ايتۋىندا شىنىندا كاسىپتىك قابىلەتى جوعارى بولماۋ ماسەلەسى ورىن تەۋىپ وتىر. جارىستا بايقالعان قاتە ۇكىم شىعارۋ ماسەلەسى دەر كەزىندە كوپشىلىككە ٴمالىم بولۋى كەرەك. ەرەن دارەجەلى فۋتبول بىرلەسپە جارىسىنىڭ 2 - ساتىسى باستالعاننان كەيىن جۇڭگو فۋتبولشىلار قوعامى دا تالاس - تارتىستى جازالاۋ جاعىنداعى كەيبىر ينفورماتسيالاردى دەر كەزىندە جاريالادى. ول بىلاي دەدى: «تورەشىلەردى جەتىلدىرۋدى، ءسوز جوق، ماڭىزدى كۇن تارتىبىنە قويىپ، تورەلىك ايتۋدىڭ زاڭ اتقارۋ قابىلەتىن، كاسىپتىك ۇيرەنۋىن، سونداي - اق ارنايىلاندىرۋ بارىسىن ارقاۋ ەتىپ، تەبىندى شارالار قولدانۋ كەرەك.

    كەلەر جىلعى جۇڭگو ەرەن دارەجەلى فۋتبول بىرلەسپە جارىسىنىڭ ورنالاستىرۋى جونىندە چىن شۇييۋان بىلاي دەدى: قازىرگى ىندەتتەن ساقتانۋ - تىزگىندەۋدىڭ ۇدايىلانعان جاعدايىندا، جالعاستى جارىس ٴتۇزىمىنىڭ ىقتيمالدىعى وتە جوعارى». ويتكەنى جارىس ٴتۇزىمىنىڭ مۇنداي ٴتاسىلى تۇتاس بىرلەسكەن جارىستىڭ ۇزىلمەۋىنە، بىرلەسكەن جارىستىڭ اقاۋسىز، ٴتارتىپتى ورىستەتىلۋىنە كەپىلدىك ەتەدى. بۇدان سىرت، چىن شۇييۋان، جۇڭگو فۋتبولشىلار كاسىپتىك وداعىن قۇرۋ قىزمەتى بەلسەندى جۇرگىزىلىپ وتىرعانىن، وداقتى بيىل قۇرىپ، كەلەر جىلعى بىرلەسكەن جارىستا كاسىپتىك وداقتىڭ جۇمىس جۇرگىزۋىنە سۇيەنۋگە قۇلشىنىس جاسالىپ وتىرعانىن ايتتى.

جاۋاپتى رەداكتور: جازيرا بولاتباي قىزى