جۇڭگو فۋتبولىنىڭ دامۋ اياق الىسىن كورە بىلەيىك

  • كەلۋ قاينارى: ىلە گازەتى
  • 03:38:29 20/11/2020

    باپكەرلەردى تاربيەلەۋدى مىقتى يگەرىپ، جاستار جاتتىعۋ جۇيەسىن كەمەلدەندىرۋ كەرەك

    جۇڭگو B بىرلەسكەن جارىسىنا قاتىناسىپ جاتقان مەملەكەت جاستار كومانداسى ( 19 جاستان تومەن ) 7 - ايدىڭ 18 - كۇنى جارىستا سانشي لۇڭجين كومانداسىن 2 : 0 مەن جەڭدى. العاشقى ٴۇش رەت جەڭىلىسكە ۇشىراعاننان كەيىن ءۇش رەت جەڭىسكە جەتتى. چىن شۇييۋان وسى كوماندانىڭ بەينەسىنە ەجەلدەن نازار اۋدارىپ كەلەدى. بۇل قوسىن، ٴسوزسىز، كوبىرەك جارىس جۇرگىزىپ، ٴار جىلى 30 مايداننان جوعارى جارىسقا ءتۇسۋى كەرەك.

    چىن شۇييۋان بىلاي دەدى: «ءبىز ماتەريال تاڭداۋدان باستاپ ٴبىرقانشا ناعىز جاستار جاتتىعۋ بازاسىن قۇرۋىمىز كەرەك. ٴبىز قوعامدىق فۋتبولعا ولشەم بەلگىلەمەكشىمىز. جاس ٴوسپىرىم دوپشىلاردى تىزىمدىككە الدىرۋ، اۋىستىرۋ بارىسىندا كەلەلى رەفورما جاساۋ كەرەك. جاستار جاتتىعۋ قۇرىلىمدارىنىڭ مۇددەسىن قورعاۋ، سپورتشىلاردىڭ اقاۋسىز ەرجەتۋىن دە قورعاۋ كەرەك.

    جاستار جاتتىعۋىن دامىتۋ جونىندە چىن شۇييۋان مىنالاردى ٴبىلدىردى: كەزەكتەگى شۇعىل مىندەت _ ٴبىر توپ جاستار جاتتىقتىرۋشىلارىن تاربيەلەۋدى مىقتى يگەرۋ. دەنەتاربيە مەن وقىتۋدى ۇشتاستىرىپ، فۋتبولدىڭ ىقتيمالدىعىن جوعارىلاتۋ كەرەك. مىڭ ادامىنان ٴبىر - ەكى ادام شىعۋى مۇمكىن، كاسىپتىك سپورتشى بولا الماسا دا، بالا تاعى دا وقۋ جولىمەن جۇرە الادى.

    چىن شۇييۋان بىلاي دەدى : « ٴبىز، ٴسوز جوق، بارىنشا قۇلشىنۋىمىز كەرەك، جاستار مەن ورەندەر فۋتبولىن 5 جىل، 10 جىل تىڭعىلىقتى ىستەسەك، دۇرىس ٴادىس تاپساق، ٴسوز جوق، تابىسقا جەتەمىز.

    «حالىق گازەتىنەن» اۋدارعان:

    سەرىك سابىر ۇلى

جاۋاپتى رەداكتور: جازيرا بولاتباي قىزى