ىلە وبلىسى: سازدى القاپتان تىرشىلىك لەبى ەسىپ، كىرىستى ارتتىرۋدا سەنىمگە يە بولدى

  • كەلۋ قاينارى: ىلە گازەتى
  • 03:26:46 20/11/2020

    ىلە وبلىسى:

    سازدى القاپتان تىرشىلىك لەبى ەسىپ، كىرىستى ارتتىرۋدا سەنىمگە يە بولدى

    «شينجياڭ گازەتىنىڭ» جالپىلىق اقپارات قۇرالدارى تىلشىلەرى جازيرا نەسىپبەك، حى جياڭ

 

    كەڭ جايلاۋ، يرەلەڭدەي اققان تەكەس وزەنى جانە التىن تۇسكە بويالعان ورمان قوڭىر كۇزدەگى موڭعۇلكۇرە اۋدانى تەكەس وزەنى مەملەكەتتىك سازدىق باقشاسىن كوركەم كورىنىسكە بولەدى. وسىنداي كوركەم كورىنىس موڭعۇلكۇرە اۋدانى تەكەس وزەنى مەملەكەتتىك سازدىق باقشاسىن باسقارۋ پۋنكتىنىڭ باستىعى حۋ پىڭفەيدى اسا تەبىرەنتتى.

    «2004 - جىلدان باستاپ موڭعۇلكۇرە اۋدانى ءتۇيىندى الەۋمەتتىك يگىلىك ورمانىن قورعاۋ ينجەنەرياسىنا سۇيەنىپ، ماڭايداعى سازدىقتى ءونىمدى تۇردە قورعادى، 2016 - جىلدان باستاپ قۇرىلا باستاعان تەكەس وزەنى مەملەكەتتىك سازدىق باقشاسى سازدىقتى قورعاۋ كولەمىن جانە جاۋاپكەرشىلىگىن ايقىن بەلگىلەدى». 10 - ايدىڭ 26 - كۇنى حۋ پىڭفەي تىلشىگە بىلاي دەدى: قازىر موڭعۇلكۇرە اۋدانىنداعى 560 مىڭ مۋدان اساتىن سازدىقتىڭ جامىلعىسى تىنىقتىرىلىپ وسىرىلۋدە، سۋ ساپاسى مەملەكەتتىك 2 - تۇردەگى ولشەمنەن استى، اۋا ساپاسى 1 - دارەجەگە جەتتى.

    موڭعۇلكۇرە اۋدانىنان اعىپ وتەتىن تەكەس وزەنى توعىزتاراۋ اۋدانىنا كىرىپ، كۇنەس وزەنىمەن قوسىلعان سوڭ باتىسقا قاراي جوڭكىلە اعادى؛ قاس وزەنى نىلقى اۋدانىنان يرەلەڭدەي اعىپ كەلىپ، قۇلجا اۋدانى جامانتى وتكەلىنەن ىلە دارياسىنا قۇيىلادى. وركەشتەنە اققان وزەن تىرشىلىك الەمىنە ءنار سيلاۋمەن قاتار، ۇلكەندى - كىشىلى كولدەر مەن سازدىقتاردى قالىپتاستىرىپ، سۋ قاينارىن ساقتاۋ، سۋ ساپاسى مەن توپىراقتى تازارتۋ، كليماتتى رەتتەۋدە ماڭىزدى رول اتقارۋدا.

    ۇعىسۋعا قاراعاندا، ىلە قازاق اۆتونوميالى وبلىسىنا توتە قاراستى اۋدان، قالالاردا 2 ميلليون 330 مىڭ مۋ سازدىق بار ەكەن، 2013 - جىلدان باستاپ ىلە وبلىسىنا توتە قاراستى جەرلەر مەملەكەت دارەجەلى سازدىق باقشاسىنا ءوتىنىش بەرۋدى نەگىز ەتىپ، مال جايۋعا تيىم سالۋ، جايلىمدى سازدىققا قايتارۋ سياقتى سازدىقتى قالپىنا كەلتىرۋ جانە قورعاۋ ينجەنەرياسىن اتقارىپ، كەيبىر تارايعان جانە ازعان سازدىقتاردى قالپىنا كەلتىرىپ، ورگانيزمدەردىڭ الۋان تۇرلىلىگى بارىنشا مولايدى. قازىرگە دەيىن ىلە وبلىسىنا توتە قاراستى جەرلەردەن 600 مىڭ مۋ سازدىقتى مەملەكەت ءونىمدى قورعاپ باسقاراتىن كولەمگە ەنگىزىپ، 5 ورىنداعى 470 مىڭ مۋدان ارتىق سازدىق باقشاسى مەملەكەتتىڭ تەكسەرىپ وتكىزىپ الۋىنان ءوتتى.

    «قاراشى، ءتۇز قويانى!، قاراشى، قىرعاۋىل!». قۇلجا قالاسى ىلە وزەنى مەملەكەتتىك سازدىق باقشاسىندا اسفالت جول سازدىق ەكولوگياسىن قورعاپ جەتىلدىرۋ ءوڭىرىن، قالپىنا كەلتىرۋ ءوڭىرىن جانە ۇيلەسىمدى پايدالانۋ ءوڭىرىن ايقىن ءبولىپ تۇر، قالا تۇرعىندارىنىڭ ۆەلوسيپەدپەن نەمەسە جاياۋ ءجۇرىپ تابيعاتتىڭ كوركىنەن ءلاززاتتانۋىنا بولادى.

    «اققۇيرىق سۋ بۇركىتى مەملەكەتتىك 1 - دارەجەلى قورعالاتىن حايۋانات، بىلتىر وسى سازدىقتان التاۋىن كوردىك» دەدى ىلە وزەنى مەملەكەتتىك سازدىق باقشاسىن باسقارۋ پۋنكتىنىڭ باستىعى گاۋ حايۋىن ماقتانىشتى تۇردە، - قورەكتىك تىزبەگىنىڭ باسىندا تۇراتىن قۇستاردىڭ بايقالۋى وڭىردەگى ورگانيزم تىزبەگىنىڭ مول ەكەنىن جانە قورەكتىك ورگانيزم سانىنىڭ جەتكىلىكتى ەكەنىن ايگىلەپ، ءوڭىردىڭ ەكولوگيالىق قورشاعان ورتاسىنىڭ جاقسارعانىن جانامالاي اڭعارتتى.

جاۋاپتى رەداكتور: جازيرا بولاتباي قىزى