اۋرۋ بەلگىسى جوق 30 جۇعىمدالۋشى مەديتسينالىق باقىلاۋدان بوساتىلدى

  • كەلۋ قاينارى: شينجياڭ گازەتى تورى
  • 09:55:52 20/11/2020

  

  11 - ايدىڭ 18 - كۇنى دياگنوزى تۇراقتاندىرىلعان 4 ناۋقاس ساۋىعىپ شيپاحانادان شىقتى

    اۋرۋ بەلگىسى جوق 30 جۇعىمدالۋشى مەديتسينالىق باقىلاۋدان بوساتىلدى

 

    گازەتىمىزدىڭ جالپىلىق اقپارات قۇرالدارى ءتىلشىسى چاۋ جين 11 - ايدىڭ 18 - كۇنى حابارلايدى. 11 - ايدىڭ 18 - كۇنى مەملەكەت پەن اۆتونوميالى رايوننىڭ مەديتسينالىق قۇتقارۋ - ەمدەۋ ماماندار گرۋپپاسىنىڭ بىرلەسىپ دياگنوز قويۋى، ساراپتاۋى ارقىلى قاشقار ايماعىندا دياگنوزى تۇراقتاندىرىلعان 4 ناۋقاس مەملەكەتتىك دەنساۋلىق ساقتاۋ، سالاماتتىق كوميتەتىنىڭ جاڭا تيپتى ايدارشا ۆيرۋس وكپە قابىنۋىنا شالدىعىپ دياگنوزى تۇراقتاندىرىلعان ناۋقاستاردىڭ شيپاحانادان شىعۋ ولشەمىنە ۇيلەسكەندىكتەن ساۋىعىپ شيپاحانادان شىقتى؛ اۋرۋ بەلگىسى جوق 30 جۇعىمدالۋشى مەديتسينالىق باقىلاۋدان بوساتىلدى، مۇنىڭ 27سى قاشقار ايماعىنان، 3ى قىزىلسۋ قىرعىز اۆتونوميالى وبلىسىنان.

    بەلگىلەنگەن قۇتقارۋ - ەمدەۋ شيپاحاناسى ناۋقاستار اۋماعىنىڭ مەڭگەرۋشىسى جۋ يۇيلۇڭ بىلاي دەپ تانىستىردى: جوعارىدا ايتىلعان دياگنوزى تۇراقتاندىرىلعان ناۋقاستار شيپاحاناعا الىنعان سوڭ، مەملەكەت پەن اۆتونوميالى رايوننىڭ مەديتسينالىق قۇتقارۋ - ەمدەۋ ماماندار گرۋپپاسىنىڭ جەتەكشىلىگىندە، بەلگىلەنگەن قۇتقارۋ - ەمدەۋ شيپاحاناسى وسى رەتكى ىندەت جاعدايىنىڭ ناقتى ەرەكشەلىگى مەن جاعدايىنا بىرلەستىرە وتىرىپ، كوپ ءتۇرلى ەمدەۋ تاسىلدەرىن قولدانىپ، جۇڭگوشا، باتىسشا ەمدەۋگە تەڭ ءمان بەرىپ، ناۋقاستاردى ەمدەۋ جوباسىن دەر كەزىندە رەتتەدى جانە كەمەلدەندىردى. ەمدەۋ - كۇتىمدەۋ ۇجىمىنىڭ بار كۇشپەن قۇتقارىپ - ەمدەۋىنىڭ، دەن قويا كۇتىمدەۋىنىڭ ناتيجەسىندە ناۋقاستاردىڭ اۋرۋ جاعدايى ۇزدىكسىز جاقسارىپ، ۆيرۋس نۋكلەين قىشقىلىن تەكسەرۋدە ءۇرتىس 2 رەتتەن ارتىق بولىمسىز ناتيجە كورسەتىپ، ءتۇرلى لابوراتوريالىق تەكسەرۋ كورسەتكىشتەرى، وكپە ءبولىمىنىڭ كەسكىنى، دەنە تەمپەراتۋراسى تۇگەلدەي قالىپتى بولىپ، مەملەكەتتىك دەنساۋلىق ساقتاۋ، سالاماتتىق كوميتەتىنىڭ «جاڭا تيپتى ايدارشا ۆيرۋس وكپە قابىنۋىنا دياگنوز قويۋ جانە ونى ەمدەۋ جوباسىنداعى (سىناق رەتىندە اتقارىلاتىن 8 - نۇسقاسى)» دياگنوزى تۇراقتاندىرىلعان ناۋقاستاردىڭ شيپاحانادان شىعۋ ولشەمىنە ۇيلەسكەن.

    سونىمەن بىرگە، بەلگىلەنگەن قۇتقارۋ - ەمدەۋ شيپاحاناسى اۋرۋ بەلگىسى جوق جۇعىمدالۋشىلاردىڭ ەتيولوگيالىق كورسەتكىشتەرى مەن وكپە ءبولىمىنىڭ كەسكىنىنە ۇزدىكسىز، قاتاڭ قاداعالاۋ جۇرگىزىپ، قورەكتىكپەن قامدادى جانە دەنە قۋاتىنىڭ قالپىنا كەلۋىنە كومەكتەستى. 11 - ايدىڭ 18 - كۇنى اۋرۋ بەلگىسى جوق 30 جۇعىمدالۋشىنىڭ دەنساۋلىق جاعدايى جاقسارىپ، ءتۇرلى كورسەتكىشتەرى قالىپتى بولىپ، مەديتسينالىق باقىلاۋدان بوساتۋ ولشەمىنە ۇيلەستى.

جاۋاپتى رەداكتور: گۇلدەن ماقسات قىزى