«شي جينپيڭ جانە ستۋدەنت دوستار» اتتى كىتاپ باسپادان شىعىپ تاراتىلدى

  • كەلۋ قاينارى: ىلە گازەتى
  • 03:34:07 21/11/2020

 

    شينحۋا اگەنتتىگىنىڭ 11 - ايدىڭ 19 - كۇنى بەيجيڭنەن بەرگەن حابارى. «شي جينپيڭ جانە ستۋدەنت دوستار» اتتى كىتاپ جۋىقتا جۇڭگو جاستار باسپاسىنان باسىلىپ شىعىپ، بۇكىل ەل كولەمىندە تاراتىلا باستادى.

    بۇل كىتاپتا 25 پارشا سۇحپات ەستەلىگى بويىنشا 1983 -جىلى 12 - ايدان 2019 - جىلى 7 - ايعا دەيىنگى ۋاقىتتا شي جينپيڭ جولداستىڭ حىبەيدىڭ جىڭديڭىندا، فۋجياندا، جىجياڭدا، شاڭحايدا تۇرعاندا جانە ورتالىققا كەلىپ قىزمەت ىستەگەننەن بەرى ستۋدەنتتەرمەن قارىم - قاتىناس جاساۋ، پىكىرلەسۋ، سىرلاسۋ بارىسىنداعى اڭگىمەلەرى، سونداي - اق ونىڭ جاستارعا، اسىرەسە، ستۋدەنتتەرگە ايرىقشا كوڭىل ءبولىپ، قامقورلىق جاساعاندىعى شىنايى دا جاندى بايىمدالعان. بۇل كىتاپ باس شۋجي شي جينپيڭنىڭ جاستار قىزمەتى جونىندەگى ماڭىزدى يدەياسىن ىشكەرىلەي ۇيرەنۋدىڭ جاندى وقۋلىعى ءارى جاڭا داۋىردەگى جاستار قىزمەتىن ويداعىداي ىستەۋدە، زامانىمىزداعى جاستاردىڭ اقاۋسىز ەسەيىپ - ەرجەتۋىنە دەم بەرۋدە ماڭىزدى ۇلگىلىك مانگە يە.

جاۋاپتى رەداكتور: گۇلدەن ماقسات قىزى