شي جينپيڭ ازيا – تىنىق مۇحيت ەكونوميكالىق سەلبەستىك ۇيىمى ونەركاسىپ – ساۋدا باسشىلارىنىڭ پىكىرلەسۋ ماجىلىسىندە ارقاۋ ءسوز سويلەدى

  • كەلۋ قاينارى: ىلە گازەتى
  • 03:37:10 21/11/2020

  

    شينحۋا اگەنتتىگىنىڭ 11 – ايدىڭ 19 – كۇنى بەيجيڭنەن بەرگەن حابارى. مەملەكەت ءتوراعاسى شي جينپيڭ 11 – ايدىڭ 19 – كۇنى بەيجيڭدە بەينە ەكران تاسىلىمەن ازيا – تىنىق مۇحيت ەكونوميكالىق سەلبەستىك ۇيىمى ونەركاسىپ – ساۋدا باسشىلارىنىڭ پىكىرلەسۋ ماجىلىسىنە قاتىناستى ءارى «جاڭا دامۋ ارناسىن قۇرىپ، ءوزارا تيىمدىلىك جەتكىزىپ، تەڭ يگىلىككە كەنەلەيىك» دەگەن تاقىرىپتا ارقاۋ ءسوز سويلەپ، مىنالاردى باسا دارىپتەدى: دۇنيە ءجۇزى - بولىنبەس تاعدىرلاس ورتاق تۇلعا. ىندەتكە قارسى حالىقارالىق ىنتىماقتاستىقتى جاپپاي تەرەڭدەتىپ، دۇنيە ٴجۇزى ەكونوميكاسىنىڭ قالپىنا كەلۋىن جەبەۋ كەرەك. جۇڭگو جاڭا دامۋ ارناسىن بەلسەنە قۇرىپ، سىرتقا ەسىك اشۋعا تاباندى بولىپ، دۇنيە جۇزىندەگى ٴار ەلمەن بىرگە ٴوزارا تيىمدىلىك جەتكىزىپ، تەڭ يگىلىككە كەنەلۋدى جۇزەگە اسىرىپ، ازيا ـ تىنىق مۇحيت ٴوڭىرى مەن دۇنيە ٴجۇزىنىڭ اناعۇرلىم كوركەم بولاشاعىن بىرگە جاراتادى.

    شي جينپيڭ بىلاي دەپ اتاپ كورسەتتى: جاڭا تيپتى ايدارشا ۆيرۋس وكپە قابىنۋ ىندەتى ادامزاتتىڭ تاعدىرى ورتاق، ٴار ەلدىڭ مۇددەلەرى تىعىز بايلانىسقان، دۇنيە ٴجۇزى .بولىنبەس تاعدىرلاس ورتاق تۇلعا ەكەنىن تاعى دا ۇعىندىردى. ٴار ەل ٴبىر ـ بىرىنە كومەكتەسىپ، تار جول، تايعاق كەشۋدەن بىرگە ٴوتىپ، سەرىكتەستىك رۋحتى ساۋلەلەندىرىپ، ساياساتتىق پىكىرلەسۋ مەن سايكەسۋدى كۇشەيتىپ، ىندەتكە قارسى اتتانۋدىڭ حالىقارالىق ىنتىماقتاستىعىن جاپپاي تەرەڭدەتىپ، اشىق دۇنيە ٴجۇزى ەكونوميكاسىن قۇرۋعا تاباندى بولىپ، ىندەتتى ەرتەرەك جەڭۋگە كۇش سالىپ، دۇنيە ٴجۇزى ەكونوميكاسىنىڭ پارمەندى، باياندى، تەپە ـ تەڭ، سيىسىمدى ارتۋىن قۇلشىنا جۇزەگە اسىرۋ كەرەك.

    شي جينپيڭ مىنالاردى باسا دارىپتەدى: جۇڭگو ەكونوميكاسىنىڭ دامۋى ورنىقتىلىق بارىسىندا جاقسارۋ، ۇزاق ۋاقىت جاقسارۋ نەگىزگى جاعدايى وزگەرگەن جوق. ٴبىز جاڭا دامۋ كەزەڭىن عىلمي يگەرىپ، جاڭا دامۋ ۇستانىمىن باتىل دايەكتىلەندىرىپ، جاڭا دامۋ ارناسىن بەلسەنە قۇرامىز.

    ٴبىرىنشى، ٴبىز ىشكى سۇرانىمدى ۇلعايتۋ ستراتەگيالىق ٴتۇيىنىن مىقتى يگەرىپ، حالىق شارۋاشىلىعىنىڭ اينالىمىن ىركىلىسسىزدەندىرەمىز. قامداۋ جاعىنداعى قۇرىلىمدىق رەفورمانى ۇزدىكسىز تەرەڭدەتىپ، سۇرانىس ارقىلى قامداۋدى جەتەكتەيتىن، قامداۋ ارقىلى جاڭالىق اشۋعا قاجەتتى اناعۇرلىم جوعارى دەڭگەيدەگى اۋقىمدىق تەپە ـ تەڭدىكتى قالىپتاستىرامىز.

    ەكىنشى، ٴبىز عىلىم ـ تەحنيكادا جاڭالىق اشۋدى بار كۇشپەن ىلگەرىلەتىپ، ەكونوميكالىق دامۋدىڭ جاڭا قوزعاۋشى كۇشىن قالىپتاستىرامىز. جاڭالىق اشۋ ارقىلى دامۋعا دەم بەرۋ ستراتەگياسىن ىلگەرىلەتىپ، كاسىپ تىزبەگىنىڭ دەڭگەيىن ۇزدىكسىز جوعارىلاتامىز.

    ٴۇشىنشى، ٴبىز رەفورمانى ۇزدىكسىز تەرەڭدەتىپ، بازاردىڭ ومىرشەڭدىك كۇشىن تولىق ساۋلەلەندىرەمىز. اناعۇرلىم باتىل بولىپ، اناعۇرلىم كوپ شارا قولدانىپ، تەرەڭ قاتپارلى تۇزىلىستىك، مەحانيزمدىك كەدەرگىلەردى جويىپ، مەملەكەتتى جونگە سالۋ جۇيەسى مەن جونگە سالۋ قابىلەتىن وسىزامانداندىرۋدى ىلگەرىلەتەمىز.

    شي جينپيڭ بىلاي دەپ باسا دارىپتەدى: جۇڭگو الدەقاشان دۇنيە ٴجۇزى ەكونوميكاسىمەن جانە حالىقارالىق جۇيەمەن ىشكەرىلەي توعىسقان. ٴبىزدىڭ جاڭا دامۋ ارناسىن قۇرۋىمىز، استە، توماعا تۇيىق ىشكى جالاڭ اينالىم ەمەس، قايتا اشىق، ءبىرىن – ءبىرى جەبەيتىن ەل ءىشى – حالىقارالىق قوس اينالىم.

    - جاڭا دامۋ جاعدايىندا، جۇڭگو بازار كومەسكى كۇشىن تولىق ساۋلەلەندىرىپ، دۇنيە جۇزىندەگى ٴارقايسى ەلدەر ٴۇشىن اناعۇرلىم كوپ سۇرانىس جاراتادى. ٴبىز كەدەن باجىسى مەن ٴتۇزىم سيپاتتى وزىندىك قۇندى ونان ارى تومەندەتىپ، يمپورت ساۋداسى ارقىلى جاڭالىق اشۋدى جەبەيتىن ءبىر توپ ۇلگى كورسەتۋ رايونىن جەتىلدىرىپ، ٴارقايسى ەلدەردىڭ جوعارى ساپالى ونىمدەرى مەن وعان يمپورتتىق قىزمەت وتەۋ اياسىن كەڭەيتەمىز.

جاۋاپتى رەداكتور: گۇلدەن ماقسات قىزى