زەيىن – قۋاتتى شوعىرلاندىرىپ، كەدەيلىكتەن ارىلتۋدان قامال الۋ شايقاسىنىڭ جەڭىسىنە قول جەتكىزەيىك

  • كەلۋ قاينارى: ىلە گازەتى
  • 03:50:20 21/11/2020

 

    زەيىن – قۋاتتى شوعىرلاندىرىپ، كەدەيلىكتەن ارىلتۋدان قامال الۋ شايقاسىنىڭ جەڭىسىنە قول جەتكىزەيىك

    فىڭ جۇن

    وزەكتى ءتۇيىن

    2020 – جىلعا بارعاندا جاپپاي دوڭگەلەك داۋلەتتى قوعام قۇرىپ، ءبىرىنشى 100 جىلدىق كۇرەس نىساناسىن جۇزەگە اسىرۋ - پارتيامىزدىڭ حالىققا، تاريحقا بەرگەن ايبىندى ۋادەسى. قازىر كەدەيلىكتەن ارىلتۋدان قامال الۋ سەرپىندى بولىپ، شەشۋشى شايقاستىڭ شەشۋشى جەڭىسىنە قول جەتكىزۋدىڭ كەلەلى كەزەڭىنە ءوتتى، زەيىن – قۋاتتى ءتىپتى دە شوعىرلاندىرىپ، قيىندىقتاردى جەڭىپ، كەدەيلىكتەن ارىلتۋدان قامال الۋ نىساناسىنان اۋىتقىماي، پارتيامىزدىڭ ايبىندى ۋادەسىن ۋاعىندا ورىنداۋىمىز كەرەك .

    بيىل - جاپپاي دوڭگەلەك داۋلەتتى قوعام قۇرىپ شىعاتىن، كەدەيلەر مەن كەدەي وڭىرلەر بۇكىل ەل حالقىمەن بىرگە جاپپاي دوڭگەلەك داۋلەتتى قوعامعا قادام باساتىن جىل. كەدەيلىكتەن ارىلتۋدان قامال الۋ نىساناسىن، مىندەتىن ۋاعىندا جۇزەگە اسىرۋدا ءاسىلى كوپتەگەن قيىن ماسەلەنى شەشۋگە تۋرا كەلگەن ەدى، توسىن تۋىلعان جاڭا تيپتى ايدارشا ۆيرۋس وكپە قابىنۋ ىندەتى مۇنى ءتىپتى دە قيىنداتا ءتۇستى. ىندەت جاعدايى جۇڭحۋا ۇلتىنىڭ ۇلى گۇلدەنۋ نىق قادامىن بوگەي المايدى، كەدەيلىكتەن ارىلتۋدان قامال الۋ نىسانا – مىندەتتەرىن ۋاعىندا ورىنداپ، جاپپاي دوڭگەلەك داۋلەتتى قوعام قۇرىپ شىعۋ بەكىمىمىزدى شايقالتا المايدى. ءبىز زەيىن – قۋاتتى شوعىرلاندىرىپ، قيىندىقتاردى جەڭىپ، كەدەيلىكتەن ارىلتۋدان قامال الۋ نىساناسىنان اۋىتقىماۋعا، ولشەمدى وزگەرتپەۋگە تاباندى بولىپ، پارتيانىڭ ايبىندى ۋادەسىن ۋاعىندا ورىنداۋىمىز كەرەك .

    پارتيامىزدىڭ اۋەلگى ماقساتتى، بورىشتى امالياتتا ايگىلەۋىنىڭ تابيعي تالابى

    باس شۋجي شي جينپيڭ بىلاي دەپ اتاپ كورسەتتى: «شىكۋمىننان تيان – انمىنعا دەيىن، كاسىپتى وركەندەتۋ جولىنان گۇلدەنۋ جولىنا دەيىن پارتيامىزدىڭ 100 جىلعا جۋىق ۋاقىتتا جاساعان بارلىق قۇلشىنىسى، جۇرگىزگەن بارلىق كۇرەسى، بەرگەن بارلىق قۇرباندىعى تۇگەلدەي حالىقتىڭ باقىتى مەن ۇلتتىڭ گۇلدەنۋى ءۇشىن بولىپ تابىلادى». جاڭا جۇڭگو قۇرىلعان 70 نەشە جىلدان بەرى، اسىرەسە، رەفورما جاساپ، ەسىك اشقان 40 نەشە جىلدان بەرى پارتيامىز دامۋ بارىسىندا حالىق تۇرمىسىن قامتاماسىز ەتۋگە جانە جاقسارتۋعا، سابيلەردىڭ تاربيەلەنۋى، ءبىلىم الۋى، ەڭبەك تابىسى، ەمدەلۋى، قارتتار كۇتىمدەلۋى، تۇرار جايى، السىزدەردى سۇيەمەلدەۋى سياقتىلاردى جاپپاي ىلگەرىلەتۋگە، حالىق تۇرمىسىن ۇزدىكسىز جاقسارتىپ، حالىقتى باقىتقا كەنەلتۋگە باستان – اياق تاباندى بولىپ كەلدى.

    پارتيا 18 – قۇرىلتايىنان بەرى باس شۋجي شي جينپيڭ ەڭ كوپ زەيىن – زەردەسىن كەدەيلەردى سۇيەمەلدەۋ قىزمەتىنە جۇمسادى. 2015 – جىلى جاريالانعان «جۇڭگو كوممۋنيستىك پارتياسى ورتالىق كوميتەتىنىڭ، مەملەكەتتىك كەڭەستىڭ كەدەيلىكتەن ارىلتۋدان قامال الۋ شايقاسىنىڭ جەڭىسىنە قول جەتكىزۋ جونىندەگى قاۋلىسىندا» كەدەيلىكتەن ارىلتۋدان قامال الۋ شايقاسىنىڭ جەڭىسىنە قول جەتكىزۋدىڭ جالپى تۇلعالىق نىساناسى: «2020 – جىلعا بارعاندا اۋىل – قىستاقتارداعى كەدەيلەردىڭ ىشەر اس، كيەر كيىمنەن تارىقپاۋىن ورنىقتى جۇزەگە اسىرۋ، مىندەتتى وقۋ – اعارتۋ، نەگىزدىك ەمدەلۋ جانە تۇرعىن ءۇي حاۋىپسىزدىگى قامتاماسىزداندىرىلادى. كەدەي وڭىرلەردەگى شارۋالاردىڭ كىسى باسىندىق ورتاشا كىرىسىنىڭ ارتۋ مولشەرى بۇكىل ەلدىڭ ورتاشا دەڭگەيىنەن جوعارى بولۋى جۇزەگە اسىرىلىپ، نەگىزگى الەۋمەتتىك قىزمەت وتەۋدىڭ نەگىزگى سالالارداعى كورسەتكىشتەرى بۇكىل ەلدىڭ ورتاشا ورەسىنە تايادى.

جاۋاپتى رەداكتور: گۇلدەن ماقسات قىزى