رايونىمىز ”نەگىزگى زاڭ ۇگىت اپتالىعى“ قيمىلىن باستادى

  • كەلۋ قاينارى: شينجياڭ گازەتى تورى
  • 09:08:36 02/12/2020

     گازەتىمىزدىڭ جالپىلىق اقپارات قۇرالدارى ءتىلشىسى جىڭ جو 11 - ايدىڭ 30 - كۇنى ۇرىمجىدەن حابارلايدى. ورتالىق كوميتەت ۇگىت ءبولىمىنىڭ، ءادىليا مينيسترلىگىنىڭ، مەملەكەتتىك زاڭ جالپىلاستىرۋ كەڭسەسىنىڭ قىزمەت ورنالاستىرۋىنا ساي، 11 - ايدىڭ 30 - كۇنىنەن 12 - ايدىڭ 6 - كۇنىنە دەيىن بۇكىل شينجياڭدا ءبىر اپتالىق ۋاقىتپەن ”نەگىزگى زاڭ ۇگىت اپتالىعى“ قيمىلى ورىستەتىلەدى، مۇندا 12 - ايدىڭ 4 - كۇنى مەملەكەتتىڭ 7 - رەتكى نەگىزگى زاڭ كۇنى. 11 - ايدىڭ 30 - كۇنى بۇكىل رايونىمىزدىڭ جەر - جەرى، ءارقايسى تاراۋلارى نەگىزگى تاقىرىپتىق ۇگىت - لەكسيا قيمىلىن ءبىر ۋاقىتتا ورىستەتتى، بۇل 2020 - جىلعى نەگىزگى زاڭدى ۇگىتتەۋ اپتالىعى جەلىلەس قيمىلىنىڭ رەسمي باستالعاندىعىنان دەرەك بەردى.

    سول كۇنى ۇگىت - لەكسيا قيمىلى بارىسىندا، اۆتونوميالى رايوندىق ءادىليا مەڭگەرمەسى پارتكومىنىڭ ورىنباسار شۋجيى، مەڭگەرمە باستىعى ءانۋار سيت ازاماتتىق زاڭنامانىڭ زاڭدىق ورنى، نەگىزگى ەرەكشەلىگى سياقتىلاردى تۇسىنىكتى تىلمەن باياندادى ءارى شي جينپيڭنىڭ زاڭمەن جونگە سالۋ يدەياسىن ۇيرەنۋمەن، دايەكتىلەندىرۋمەن، تياناقتاندىرۋمەن، پارتيا 19 - كەزەكتى ورتالىق كوميتەتى بەسىنشى جالپى ءماجىلىسىنىڭ رۋحىن جانە 3 - رەتكى ورتالىقتىڭ شينجياڭ قىزمەتى جونىندەگى اڭگىمە ءماجىلىسىنىڭ رۋحىن دايەكتىلەندىرۋمەن، تياناقتاندىرۋمەن بىرلەستىرىپ، ءادىليا اكىمشىلىك ورگانىنا ناقتى تالاپ قويدى.

    ۇعىسۋعا قاراعاندا، قيمىل اپتالىعى كەزىندە، بۇكىل شينجياڭنىڭ جەر - جەرى ”شي جينپيڭنىڭ زاڭمەن جونگە سالۋ يدەياسىن ىشكەرىلەي ۇيرەنىپ، ۇگىتتەپ، نەگىزگى زاڭ رۋحىن بارىنشا اسقاقتاتۋ“ سىندى وسى نەگىزگى تاقىرىپتى مىقتاپ ارقاۋ ەتىپ، ينتەرنەت جەلىسىندە جانە جەلىدەن تىسقارى تاسىلدەر ارقىلى 7 كەزەك نەگىزگى زاڭدى ۇيرەنۋ، ۇگىتتەۋ نەگىزگى تاقىرىپتىق قيمىلىن وتكىزەدى ەكەن، بۇلار نەگىزگى زاڭدى ورگانعا جەتكىزۋ، نەگىزگى زاڭدى مەكتەپكە جەتكىزۋ، نەگىزگى زاڭدى اۋىل - قىستاققا، الەۋمەتتىك اۋماققا جەتكىزۋ، نەگىزگى زاڭدى كاسىپورىنعا جەتكىزۋ، نەگىزگى زاڭدى اقپارات قۇرالدارىنا، توراپقا جەتكىزۋ، نەگىزگى زاڭدى الەۋمەتتىك ورىندارعا جەتكىزۋ، نەگىزگى زاڭدى ءدىني قيمىل ورىندارىنا جەتكىزۋ. جەلىلەس ەرەكشەلىككە يە قيمىلدار ارقىلى نەگىزگى زاڭ ۇگىت - تاربيە قىزمەتىن جان - جاقتى ىشكەرىلەي ورىستەتىپ، شي جينپيڭنىڭ زاڭمەن جونگە سالۋ يدەياسىن، نەگىزگى زاڭدى، ازاماتتىق زاڭنامانى جانە ىندەتتەن ساقتانۋ - تىزگىندەۋگە قاتىستى زاڭ ەرەجەلەردى ءتۇيىندى تۇردە ۇگىتتەيدى ەكەن.

    12 - ايدىڭ 4 - كۇنى مەملەكەتتىڭ نەگىزگى زاڭ كۇنىندە، شينجياڭداعى ورتا، باستاۋىش مەكتەپتەر ورتا، باستاۋىش مەكتەپ وقۋشىلارىنىڭ ”نەگىزگى زاڭ جونىندە تاڭەرتەڭگىلىك وقۋ“ نەگىزگى تاقىرىپتىق قيمىلىن بۇكىل ەلمەن بىرگە ورىستەتەدى، سونىمەن بىرگە، نەگىزگى تاقىرىپتىق كلاس جيىنىن اشىپ، بىلىمدەردەن لەكسيا سويلەۋ، زەيىن سىناۋ نەمەسە لەكسيا سويلەۋ جارىسى سياقتى قيمىلدار وتكىزىپ، جاس ءوسپىرىم وقۋشىلاردىڭ نەگىزگى زاڭ تانىمىن، مەملەكەت تانىمىن، قاعيدا تانىمىن، جۇڭحۋا ۇلتى ورتاق تۇلعا تانىمىن جەتىلدىرەدى.

    بۇدان سىرت، اۋىل - قىستاقتارداعى، الەۋمەتتىك اۋماقتارداعى بۇقارانىڭ زاڭمەن جونگە سالۋ قاجەتىنە جانە نازار اۋدارىپ وتىرعان قولامتالى ماسەلەلەرىنە مەڭزەس، رايونىمىز اۋىل - قىستاقتاردا، الەۋمەتتىك اۋماقتاردا ”ۇلكەن لابا“، ”كوشپەلى راديو“، ”كوشپەلى ۇگىت ماشيناسى“، ”ۇعىسۋ، تيىمدىلىك جاساۋ، توعىستىرۋ“ بويىنشا قىستاقتاردا تۇراتىن قىزمەت اترەتى مۇشەلەرىنىڭ وتباسىلارىن ارالاپ ۇگىت - لەكسيا جاساۋ سياقتى فورمالار ارقىلى قالا تۇرعىندارى ساباقحاناسى، ءمورال ساباقحاناسى سياقتى شەپتەردەن پايدالانىپ، ”اۋىل - قىستاقتى گۇلدەندىرۋ“ ستراتەگياسىنىڭ جانە كەدەيلىكتەن ارىلتۋدان قامال الۋدىڭ شەشۋشى شايقاسىن جۇرگىزۋدىڭ كەلەلى ماڭىزى جونىندە ۇگىت جاسايدى. سونىمەن بىرگە، كاسىپورىنداردىڭ زاڭمەن جونگە سالۋ مادەنيەت قۇرىلىسىمەن بىرلەستىرىپ، مەملەكەت مەنشىگىندەگى كاسىپورىنداردىڭ، حالىق باسقارۋىنداعى كاسىپورىنداردىڭ شارۋاشىلىق باسقارۋشى ادامدارىنا جانە قىزمەتكەرلەرىنە باعىتتاي وتىرىپ، ”زاڭمەن جونگە سالۋ − ەڭ جاقسى شارۋاشىلىق - ساۋدا ورتاسى“ دەگەندى ءتۇيىن ەتىپ، نەگىزگى زاڭنىڭ، زاڭداردىڭ مەملەكەت مەنشىگىندەگى شارۋاشىلىقتى، جالپىلىق مەنشىككە جاتپايتىن شارۋاشىلىقتى قامتاماسىز ەتۋىن جانە ارناعا ءتۇسىرۋىن ۇگىتتەپ، ازاماتتىق زاڭنامانى، سونداي - اق شارۋاشىلىق - ساۋدا ورتاسىن ساپالىلاندىراتىن زاڭداردى، زاڭ - بەلگىلەمەلەردى، زاڭمەن جونگە سالىناتىن كاسىپورىن قۇرىلىسىن، ت. ب ۇگىتتەيدى. ءبىر قىدىرۋ ۇگىت - لەكسيا قيمىلدارى ارقىلى ءتۇرلى بازار تۇلعالارىنىڭ دامۋ سەنىمى مەن قوزعاۋشى كۇشىن ارتتىرىپ، بازاردىڭ ومىرشەڭدىك كۇشىن جانداندىرىپ، حالىق باسقارۋىنداعى كاسىپورىنداردىڭ ”زاڭمەن جونگە سالۋدى تەكسەرۋ“ قيمىلىن تەرەڭدەتىپ، ”التىنى ورنىقتىرۋ“، ”التىنى قامتاماسىز ەتۋ“ زاڭدىق قىزمەت وتەۋ جۇمىستارىن كۇش سالا جاقسى ىستەيدى.

جاۋاپتى رەداكتور: گۇلدەن ماقسات قىزى