قۇرماش سىرجان ۇلى وبلىستىق ۇكىمەت ورگانى كادرلارىنا پارتيا 19 – كەزەكتى ورتالىق كوميتەتى بەسىنشى جالپى ٴماجىلىسىنىڭ رۋحى جونىندە ۇگىت – لەكسيا جاسادى

  • كەلۋ قاينارى: ىلە گازەتى
  • 03:10:28 03/12/2020

   

    ٴتىلشىمىز ما چىڭلۋ حابارلايدى. 11 – ايدىڭ 30 – كۇنى تۇستەن بۇرىن اۆتونوميالى وبلىستىق ۇگىت – لەكسيا ۇيىرمەسىنىڭ ورىنباسار باستىعى، وبلىستىق پارتكومنىڭ ورىنباسار شۋجيى، وبلىس باستىعى قۇرماش سىرجان ۇلى وبلىستىق ۇكىمەت ورگانىنداعى بارلىق كادرلارعا پارتيا 19 – كەزەكتى ورتالىق كوميتەتى بەسىنشى جالپى ٴماجىلىسىنىڭ رۋحىن ۇيرەنۋ، دايەكتىلەندىرۋ جونىندە ۇگىت – لەكسيا جاسادى.

    دوكلاد جاساۋ جيىنىندا، قۇرماش سىرجان ۇلى باس شۋجي شي جينپيڭنىڭ پارتيا 19 – كەزەكتى ورتالىق كوميتەتى بەسىنشى جالپى ماجىلىسىندەگى ماڭىزدى ٴسوزىنىڭ رۋحى مەن پارتيا 18 – قۇرىلتايىنان بەرى پارتيا مەن مەملەكەت ىستەرىندە قول جەتكىزىلگەن تاريحي سيپاتتى تابىستاردى تىعىز توڭىرەكتەپ، پارتيا 19 – كەزەكتى ورتالىق كوميتەتى بەسىنشى جالپى ٴماجىلىسىنىڭ ماڭىزدى ٴمانىن ىشكەرىلەي بايانداپ، «14 – بەس جىلدىق» مەزگىلىندەگى ەلىمىز دامۋىنىڭ جەتەكشى باعىتىن، باستى نىساناسىن، ماڭىزدى مىندەتتەرى مەن 2035 – جىلعا دەيىنگى بولاشاقتىق نىسانانى جۇيەلى تۇردە ٴتۇسىندىرىپ، جاڭا دامۋ جاعدايىنداعى ستراتەگيالىق ويلار مەن ماڭىزدى كۇش سالۋ تۇيىنىنە جاپپاي تالداۋ جاسادى.

    قۇرماش سىرجان ۇلى مىنانى تالاپ ەتتى: ٴار دارەجەلى پارتكوم، پارتگرۋپپالارىنىڭ نازاريا ۇيرەنۋ وزەكتى گرۋپپالارى شوعىرلى ۇيرەنىپ، جوسپار بەلگىلەپ، ۋاقىتتى، زەيىن – قۋاتتى شوعىرلاندىرىپ، ۇيرەنۋ - تالقىنى ىشكەرىلەي ورىستەتىپ، تەرەڭدەي ۇيرەنۋى، جەتىك ٴبىلۋى ٴتيىس. پارتيا مەكتەپتەرى شوعىرلى ۇيرەنىپ، پارتيا 19 – كەزەكتى ورتالىق كوميتەتى بەسىنشى جالپى ٴماجىلىسىنىڭ رۋحىن ۇيرەنۋ – تاربيەنىڭ ماڭىزدى مازمۇنى ەتۋى كەرەك. كەزەكتە ٴبىر مەزگىلگە دەيىنگى ۋاقىتتى شوعىرلاندىرىپ، تۇتاس وبلىسىمىزداعى اۋدان، باسقارما دارەجەلىدەن جوعارى پارتيالى كادرلارعا شوعىرلى كەزەكپەن ۇيرەنۋ ورىستەتىپ، پارتيالى كادرلاردى كەزەككە، توپقا ٴبولىپ جۇيەلى تاربيەلەۋى ٴتيىس. ٴار دارەجەلى نەگىزگى ساتى پارتيا ۇيىمدارى كەڭ كولەمدى ۇيرەنىپ، پارتيا مۇشەلەرىنىڭ ۇيرەنۋىن ٴتۇرلى فورمامەن ٴتۇرلى تاسىلمەن ۇيىمداستىرىپ، ۇيرەنۋ نىساناسىن ايقىنداۋى كەرەك. بارشا پارتيالى كادرلار جاپپاي جۇيەلى ۇيرەنىپ، ىشكەرىلەي وي جۇگىرتىپ ۇيرەنىپ، قىزمەت ٴىس جۇزىندىگىنە بايلانىستىرا ۇيرەنىپ، ۇيرەنۋدىڭ تولىق قامتۋىنا شىنايى كەپىلدىك ەتۋى كەرەك. ٴار دارەجەلى ۇگىت تاراۋلارىنىڭ رولىن ويداعىداي ساۋلەلەندىرىپ، جالپى ٴماجىلىس رۋحىن كوكەيگە ۇيالاتۋى كەرەك.

    قۇرماش سىرجان ۇلى بىلاي دەپ باسا دارىپتەدى: «ٴبىز پارتيا 19 – كەزەكتى ورتالىق كوميتەتى بەسىنشى جالپى ٴماجىلىسىنىڭ رۋحىن ويداعىداي دايەكتى تياناقتاندىرۋدى ورتالىقتىڭ شينجياڭ قىزمەتى جونىندەگى 3 – رەتكى اڭگىمە ٴماجىلىسىنىڭ رۋحىن دايەكتىلەندىرۋمەن ۇشتاستىرىپ، پارتيانىڭ جاڭا داۋىردەگى شينجياڭدى جونگە سالۋ جالپى جوباسىن تولىق، دۇرىس دايەكتىلەندىرۋىمىز كەرەك. حالىقتى وزەكتى ەتۋگە تاباندى بولىپ، ەكونوميكانىڭ جوعارى ساپالى دامۋىن ىلگەرىلەتىپ، جاڭا دامۋ ۇستانىمىن دايەكتىلەندىرۋىمىز كەرەك. جاپپاي دوڭگەلەك داۋلەتتى قوعام قۇرۋ نىسانا – مىندەتىن مىقتى يگەرۋدەن جازباي، ۇدايىلانعان ىندەتتەن ساقتانۋ – تىزگىندەۋ مەن ەكونوميكانى جوعارى ساپالى دامىتۋ مىندەتىن ءبىر تۇتاس جوسپارلاپ ىلگەرىلەتىپ، تۇتاس جىلدىق نىسانا – مىندەتتەردىڭ ۋاعىندا ورىندالۋىنا، قوعامدىق جالپى جاعدايدىڭ ءۇرتىس جاراسىمدىلىعى مەن ورنىقتىلىعىنا، كەدەيلىكتەن ارىلتۋدان قامال الۋ شەشۋشى شايقاسىنىڭ شەشۋشى جەڭىسىنە قول جەتكىزۋگە، جاپپاي دوڭگەلەك داۋلەتتى قوعام قۇرۋعا كەپىلدىك ەتۋىمىز كەرەك».

جاۋاپتى رەداكتور: گۇلدەن ماقسات قىزى