ىلەنىڭ جاڭا تانىسقىسىن قالىپتاستىرىپ، نان كاسىبىندە كولەم، ونىمدىلىك جاقتارىنان قوس تابىسقا قول جەتكىزدى

  • كەلۋ قاينارى: ىلە گازەتى
  • 03:13:42 03/12/2020

 

    ءتىلشىمىز لي يافىڭ حابارلايدى. 11 – ايدىڭ 27 – كۇنى ءتىلشىنىڭ ىلە وبلىستىق نان كاسىبى باقشاسى قۇرىلىسى باسشىلىق گرۋپپاسى كەڭسەسىنەن ۇعىسۋىنشا، بيىل 7 – ايدان بەرى وبلىسقا توتە قاراستى ورىندار نان كاسىبىن قامال الۋ ءتۇيىنى ەتىپ، «ىلە نانى» ماركاسىن كولەمدەندىرىپ، الۋەتتەندىرىپ، كەزىندەگى ءداستۇرلى ازىق – تۇلىكتى بۇگىنگى كۇندە ءبىر جەردىڭ ەكونوميكالىق دامۋىن جەبەيتىن وركەندەپ كەلە جاتقان كاسىپكە اينالدىرعان.

    نان يلەۋ، اشىتۋ، جاساۋ، پىسىرۋ، قوراپتاۋ... سول كۇنى قۇلجا اۋدانىنداعى نان كاسىبى باقشاسىنداعىلار قاربالاستىققا ءتۇسىپ، تازا ءارى رەتتى زاۆود ۇيىندە ناننىڭ جاعىمدى يىسى اڭقىپ، جۇمىسشىلار ءوز جۇمىس ءبولىسى بويىنشا ءبىر – بىرىمەن سايكەسىپ، جياڭسۋ ولكەسى نانتۇڭ قالاسىنداعى ساۋداگەرلەر تاپسىرىس بەرگەن 5 مىڭ دانا جەمىس قاعى قوسىلعان توقاش پىسىرىپ، قوراپتاپ ۇلگىرتۋ ءۇشىن قاربالاس ۇستەمەلەپ جۇمىس ىستەپ جاتتى.

    قۇلجا اۋداندىق ساۋدا - ونەركاسىپ جانە ينفورماتسيالاندىرۋ مەكەمەسىنىڭ ءبولىم مەڭگەرۋشىسى دارەجەلى (4 ـ دارەجەلى) كادرى ما جيان بىلاي دەدى: «نان كاسىبى باقشاسى ىشىندە اعاش وتىنىمەن قىزدىرىلاتىن 70 تونار، 60 ەلەكتر تونار، ەكى ۇزىن مورجالى پەش جانە ءبىر قاقتاما مەش، 24 ولشەمدەندىرىلگەن نان ءوندىرۋ سەحى بار، كۇندىك نان ءونىمى 370 مىڭ دانادان اسىپ، شينجياڭنىڭ ءىشى – سىرتىنا ساتىلادى. وسىنداي ۇلكەن اۋماقتاعى نان كاسىبى باقشاسى بيىل 9 – ايدا رەسمي وندىرىسكە قوسىلعاننان بەرى <تاپسىرىس قابىلداۋ + بولشەك ساتۋ> ۇلگىسى ارقىلى تيجارات سوماسىن 9 ميلليون 380 مىڭ يۋانعا جەتكىزدى».

    بيىل 7 – ايدان بەرى اۆتونوميالى وبلىس «التىنى ورنىقتىرۋ»، «التىنى قامتاماسىزداندىرۋ» قىزمەت مىندەتىن تياناقتاندىرۋدى توڭىرەكتەپ، نان بايلىعىن جانداندىرىپ، نان ماركاسىن قالىپتاستىرىپ، نان كاسىبىن دامىتتى. ساناققا قاراعاندا، وبلىسقا توتە قاراستى 11 اۋدان قالا مەن دۋلات وتكەلىندە جالپى 12 نان كاسىبى باقشاسى، اۋىل، قالاشىقتاردا قاتىستى مانەرلەۋ سەحتارى سالىنىپ، وندىرىسكە قوسىلعان؛ جالپى 290 ميلليون يۋان قارجى قوسىلىپ، 2 مىڭ 52 (تۇلعالى) تونار، ەلەكتر دوحوپكا، ۇزىن مورجالى پەش جانە قوسالقى قۇرىلعىلار ساتىپ الىنىپ، كۇندىك ءونىم مولشەرى 2 ميلليون 150 مىڭ داناعا جەتكەن.

    قازىرگە دەيىن وبلىسقا توتە قاراستى اۋدان، قالالار سەلبەستىك ورناتاتىن ورىنداردى ەنگىزۋ، ۋاكىلدىك ساتۋ كەلىسىمىن جاساسۋ، ىلەگە باعىتتامالى كومەك بەرەتىن ورىندارمەن زاتپەن قامداۋ كەلىسىمىن جاساسۋ سياقتى جاڭا تيجارات ۇلگىسى ارقىلى ناندى ىشكى ولكە بازارىندا ساتىپ قانا قالماستان، ورتا ازياداعى 5 ەلگە ەكسپورت ەتىپ، ىلەنىڭ نان كاسىبىنىڭ دامىپ، الۋەتتەنۋىن ىلگەرىلەتىپ، ءتىپتى دە كوپ ادامداردىڭ كىرىسىن ارتتىرىپ، اۋقاتتانۋىن جەبەدى. مۇنىڭ ىشىندە قورعاس قالاسى سىرتقى ساۋدا كاسىپورىندارىنىڭ ابزالدىعىن تولىق ساۋلەلەندىرىپ، قازىرگە دەيىن 2 ميلليون 600 مىڭ دانا نان ءونىمىن ەكسپورت ەتىپ، قۇنى 13 ميلليون يۋانعا جەتتى. قۇلجا قالاسى نانجيڭ قالاسىنىڭ «جەتى بوياۋلى قۇلجا» اۋىل شارۋاشىلىق ەرەكشە ونىمدەرى جارمەنكەسىنە سۇيەنىپ، 30 مىڭ دانا نان ءونىمىن ساتىپ، قۇنى 80 مىڭ يۋانعا جەتتى ءارى وتتىقتى قازان نانىن بەلسەنە زەرتتەدى. قورعاس اۋدانى نان ونىمدەرىن ونىمىنە قاراي كوتەرمەگە الىپ ساتۋ، ءوزى ءوندىرىپ، ءوزى ساتۋ، شينجياڭنىڭ سىرتىنا تىكە ساتۋ سياقتى الۋان ءتۇرلى تيجارات ۇلگىسى ارقىلى نان ونىمدەرىن ساتۋ بازارىنىڭ اۋماعىن كەڭەيتتى. قۇلجا اۋدانى نانتۇڭ، سانيا، شي – ان سياقتى قالالارداعى ءىرى ەرەن بازارلارىنىڭ، تۇسەلحانالاردىڭ، جوعارى مەكتەپتەردىڭ ماڭىنان نان ساتۋ سىناق تۇيىندەرىن اشتى ءارى وسى تەكتەس ساتۋ ۇلگىسىن گۋاڭجوۋ، شاڭحاي سياقتى ءىرى قالالارداعى بازارلارعا بىرتىندەپ كەڭەيتتى؛ حالىقارالىق زات تاسىمال كولىگىن جۇرگىزۋدى ءوتىنىش ەتۋ، جىبەرىلگەن ماتەريالدى مانەرلەۋ سياقتىلار ارقىلى نان ونىمدەرى مەن قارما نان، بولكالاردى شەتەل بازارىندا ساتتى.

جاۋاپتى رەداكتور: گۇلدەن ماقسات قىزى