جاڭاشا شارۋالار قوسىنىن جەتىلدىرەيىك

  • كەلۋ قاينارى: ىلە گازەتى
  • 03:04:06 05/12/2020

    جاڭاشا شارۋالار قوسىنىن جەتىلدىرەيىك

    پان مىيتاۋ

    اۋىل – قىستاقتى گۇلدەندىرۋدى ىلگەرىلەتۋدە دارىندىلاردى گۇلدەندىرۋ – نەگىز. «13 – بەس جىلدىق» كەزىندە، شي جينپيڭ جولداستى ۇيتقى ەتكەن پارتيا ورتالىق كوميتەتى اۋىل شارۋاشىلىعى، اۋىل – قىستاق دارىندىلار قوسىنى قۇرىلىسىن ءبىر تۇتاس جوسپارلاپ ىلگەرىلەتىپ، اۋىل – قىستاقتى گۇلدەندىرۋ ستراتەگياسىن اتقارۋعا جانە كەدەيلىكتەن ارىلتۋدان قامال الۋدى ىلگەرىلەتۋگە دارىندىلار جاعىنان پارمەندى قولداۋ كورسەتىپ، اۋىل شارۋاشىلىعىن وسىزامانداندىرۋ قۇرىلىسىندا كورنەكتى ىلگەرىلەۋشىلىك بولدى. ساتىعا، تۇرگە ءبولىپ تاربيەلەۋ ارقىلى كەزەكتە ەلىمىزدىڭ جوعارى ساپالى شارۋالار قوسىنىنىڭ كولەمى 17 ميلليون ادامعا جەتىپ، ءبىر توپ «جەرگىلىكتى مايتالمان»، «جەرگىلىكتى مامان» جارىققا شىقتى .

    باس شۋجي شي جينپيڭ بىلاي دەپ باسا دارىپتەدى: كەدەيلەردى سۇيەمەلدەۋدى اقىل – پاراسات جاعىنان سۇيەمەلدەۋمەن، ەرىك – جىگەر جاعىنان سۇيەمەلدەۋمەن ۇشتاستىرۋ كەرەك. بۇقارانى نەگىز ەتۋگە تاباندى بولىپ، ىشكى قوزعاۋشى كۇشتى قاۋلاتۋ – كەدەيلىكتەن ارىلتۋدان قامال الۋدىڭ ۇلى امالياتىندا جيناقتالعان باعالى تاجىريبەلەردىڭ ءبىرى. قازىر ءبىر ءبولىم شارۋانىڭ جاڭا عانا كەدەيلىكتەن ارىلعاندىقتان، تاربيەلەنۋ مەن باۋلۋعا بولعان سۇرانىسى جوعارى بولۋدا، سوندىقتان دا جاڭاشا شارۋالار قوسىنىن جەتىلدىرۋدە ءالى دە كوپ مۇمكىندىك بار ەكەندىگىن كورە بىلگەنىمىز ءجون. اقىل – پاراسات پەن جىگەر دەگەنىمىز – ىشكى كۇش، ىشكى سەبەپ. اۋىل – قىستاقتاردى گۇلدەندىرۋدى ىلگەرىلەتۋدە، ءسوز جوق، كەدەيلەردى سۇيەمەلدەۋ، وركەندەتۋ سياقتى اقىل – پاراسات جاعىنان سۇيەمەلدەۋدى، جىگەر – قايرات جاعىنان سۇيەمەلدەۋدى كۇشەيتىپ، شارۋالار بۇقاراسىنىڭ بەلسەندىلىگىن، ىرىقتىلىعىن، جاسامپازدىعىن جۇمىلدىرۋعا؛ شارۋالار بۇقاراسىنىڭ ءوندىرىس جانە ونەركاسىپپەن، ساۋدامەن شۇعىلدانۋداعى الۋان ونەرىن جەتىلدىرۋگە؛ اۋىل – قىستاق رايوندارى مەن شارۋالار بۇقاراسىنىڭ ءوزىن – ءوزى دامىتۋ قابىلەتىن ساۋلەلەندىرۋگە ءمان بەرۋ كەرەك. اۋىل – قىستاقتى گۇلدەندىرۋ ستراتەگياسىن اتقارۋدا، ءسوز جوق، اۋىل – قىستاق دارىندىلار قوسىنى قۇرىلىسىن ۇزدىكسىز كۇشەيتىپ، ىشكى قوزعاۋشى كۇشتى جەتىلدىرۋ تەبىنىن ارتتىرىپ، شارۋالاردى تاربيەلەپ باۋلۋ سىندى وسى ماڭىزدى تۇتقادان ويداعىداي پايدالانۋ كەرەك .

    جاڭاشا شارۋالار قوسىنىن جەتىلدىرىپ، شارۋالار تاربيەسىنىڭ باي مازمۇنىن دۇرىس يگەرۋ − العى شارت. جاي حالىقتىق وقۋ – اعارتۋ، كاسىپتىك وقۋ – اعارتۋ سياقتى كاسىپتىك سالالارمەن سالىستىرعاندا، شارۋالار وقۋ – اعارتۋى ەكونوميكانى دامىتۋ مەن اۋىل – قىستاقتى وڭاۋدىڭ «توعىسقان ءوڭىرى» بولىپ، قوعامدى وڭاۋ، اۋىل – قىستاقتى گۇلدەندىرۋ، كاسىپ سالاسىن دامىتۋ، ءتىپتى، قوقىر – قوقسىقتى تۇرگە ايىرۋ سياقتىلارعا دەيىن سايىپ، كۇردەلىلىك دارەجەسى جوعارى، قامتۋ كولەمى كەڭ، قاجەتسىنۋى كوپ نەگىزدى بولۋداي ەرەكشەلىگى كورنەكتى. سوندىقتان جاڭا داۋىردەگى شارۋالار تاربيەسىن جاقسى ىستەۋدە، ءسوز جوق، شارۋالاردىڭ وزىندىك دامۋىنىڭ كوپ نەگىزدى تالابىن ارقاۋ ەتە وتىرىپ تۇرگە ءبولىپ تاربيە جۇرگىزۋ، تۇرلىشە وڭىرلەردىڭ الۋان تۇرلىلىگىن نەگىز ەتىپ، ەرەكشە دامۋ ساتىسىنداعى ەرەكشە سۇرانىسقا جاۋاپ قايتارۋ، شارۋالار وقۋ – اعارتۋى مەن مەملەكەت ستراتەگياسىنىڭ سايكەسىمدى دامۋىن كۇش سالا جۇزەگە اسىرۋ كەرەك. كاسىپ سالاسىن سۇيەمەلدەۋ، قازىنالىق قوسىمشا قاراجات، فينانس قامسىزداندىرۋى، قوعامدىق قامتاماسىزداندىرۋ سياقتى ساياساتتىق قولداۋدان بازار زاڭدىلىعىن، زاڭ – ەرەجەلەردى جانە اۋىل شارۋاشىلىعى بىلىمدەرىن يگەرۋگە دەيىن، ونان اۋىل شارۋاشىلىق ماشينالارىن، سايمانداردى مەڭگەرۋ، ەگىمشىلىك، باعىمشىلىق تەحنيكاسىن يگەرۋگە دەيىنگى تاربيەلەۋدىڭ مازمۇنى مەن ٴادىسىن دالمە – ءدال جوبالاعاندا عانا، شارۋالار وقۋ – اعارتۋىندا ناقتى ونىمدىلىككە قول جەتكىزۋگە بولادى.

جاۋاپتى رەداكتور: جازيرا بولاتباي قىزى