وبلىستىق قوعام حاۋىپسىزدىگى مەكەمەسى نەگىزگى زاڭ كۇنى بايلانىسىمەن ۇگىت قيمىلىن ورىستەتتى

  • كەلۋ قاينارى: ىلە گازەتى
  • 03:31:22 08/12/2020

 

   نەگىزگى زاڭ ۇگىتى الەۋمەتتىك اۋماقتارعا جەتكىزىلىپ، تۇرعىنداردىڭ زاڭ ۇيرەنۋ قىزعىندىلىعى ارتتى

    وبلىستىق قوعام حاۋىپسىزدىگى مەكەمەسى نەگىزگى زاڭ كۇنى بايلانىسىمەن ۇگىت قيمىلىن ورىستەتتى

 

    ءتىلشىمىز يان جيانشيا حابارلايدى. 12 – ايدىڭ 4 - كۇنى - 7 ـ رەتكى «مەملەكەتتىك نەگىزگى زاڭ كۇنى». نەگىزگى زاڭ مەن سوتسياليستىك زاڭمەن جونگە سالۋ رۋحىن ساۋلەلەندىرىپ، بۇقارانىڭ زاڭدىق ساناسىن اناعۇرلىم كۇشەيتۋ ءۇشىن، وبلىستىق قوعام حاۋىپسىزدىگى مەكەمەسى مەملەكەت اماندىعىن قورعاۋ، اماندىق ساقتاۋ، ەسىرتكىگە تيىم سالۋ، توراپ باقىلاۋ، قاتىناس ساقشىسى سياقتى ساقشى تۇرىندەگى حالىق ساقشىلارىن قۇلجا قالاسىنىڭ تاسكوپىر اۋىلى تاڭنۇر الەۋمەتتىك اۋماعىندا شوعىرلى ۇگىت قيمىلىن ورىستەتۋگە ۇيىمداستىردى .

    «بۇگىن مەن كوپتەگەن زاڭ ءبىلىمىن ۇيرەنىپ، مول بىلىمگە يە بولدىم» دەدى تاڭنۇر الەۋمەتتىك اۋماعىنىڭ تۇرعىنى ەلنۇر ابدۇشۇكۇر تىلشىگە. ۇگىت قيمىلىندا وبلىستىق قوعام حاۋىپسىزدىگى مەكەمەسىنىڭ حالىق ساقشىلارى ۇگىت تاقتاسىن شىعارۋ، ۇگىت اۆتوموبيلى ارقىلى ۇگىت فيلمىن قويۋ، ۇگىت ماتەريالدارىن تاراتۋ، ۇگىت ۇرانىن ءىلۋ، زاڭدىق كەڭەس بەرۋ تەكشەسىن قۇرۋ سياقتى كوپ ءتۇرلى فورمامەن بۇقاراعا «ازاماتتىق ىستەر زاڭناماسىن»، «قاتىناس حاۋىپسىزدىگى زاڭىن»، سونداي - اق تەلەگراف، توراپ الدامشىلىعىنان ساقتانۋ بىلىمدەرى سياقتى بۇقارانىڭ تۇرمىسىمەن تىعىز قاتىستى زاڭ - ەرەجە بىلىمدەرىن ۇگىتتەدى جانە ءتۇسىندىردى. وبلىستىق قوعام حاۋىپسىزدىگى مەكەمەسى زاڭ - ءتۇزىم تارماق اترەتىنىڭ باستىعى سۇن جۇنمين بىلاي دەدى: «وسى رەتكى قيمىل ارقىلى ازاماتتاردى نەگىزگى زاڭ جانە زاڭ - ەرەجە بويىنشا ۇقىعىن جۇرگىزۋگە، بورىشىن وتەۋگە تاربيەلەپ، جەتەكتەپ، قايشىلىقتار مەن داۋ ـ شاردى زاڭدىق جولدارمەن شەشىپ، زاڭدى ۇقىق ـ مۇددەنى قورعاپ، تۇتاس قوعامدا زاڭدى ۇيرەنەتىن، زاڭدى تۇسىنەتىن، زاڭدى بىلەتىن، زاڭعا بويسۇناتىن تاماشا اۋقىم قالىپتاستىرۋعا كۇش سالامىز».

جاۋاپتى رەداكتور: گۇلدەن ماقسات قىزى