نارات حالىقارالىق قاردا سىرعاناۋ الاڭى ساياحاتشىلاردى قارسى الدى

  • كەلۋ قاينارى: ىلە گازەتى
  • 04:11:32 08/12/2020

 

    ەرىكتى تىلشىلەر لي جينۋەي مەن جاڭ ۋىنتيڭنىڭ كۇنەستەن بەرگەن حابارى. تولاسسىز جاۋعان اق قاردان كەيىن ىلە اڭعارىنىڭ قار - مۇز شاتتىعى ماۋسىمى دا باستالدى. كۇنەس اۋدانى نارات حالىقارالىق قاردا سىرعاناۋ الاڭى الدىڭعى مەرزىمدى ءتۇرلى قىزمەتتەردى ويداعىداي ىستەپ، 12 - ايدىڭ 5 - كۇنىنەن باستاپ ساياحاتشىلاردى قارسى الدى.

    12 -ايدىڭ 1 - كۇنى ءتىلشى قىزىل شىراقتار ىلىنگەن دالىزدەن ءوتىپ، كۇنەس اۋدانى نارات حالىقارالىق قاردا سىرعاناۋ الاڭىنا ات باسىن بۇردى. دالادا ىزعار تۇرعانمەن، قاردا سىرعاناۋ الاڭى شاتتىققا شومىپ، قار اتقىش كەڭىستىككە تولاسسىز قار بۇركۋدە، تەگىستەۋ ماشيناسى گۇرىلدەپ قاربالاستىققا ءتۇسىپ، سىرعاناۋ الاڭىنىڭ قىزمەتكەرلەرى سىرعاناق جولىنىڭ قارىن تازالاۋدا، قار جولى تەگىستەلىپ بولىپ، ستريوموتو، سيقىرلى كىلەم، اسپالى كران ساقاداي ساي بولدى. يقۋاتتى قىزمەت وتەۋ زالىنا بارعانىمىزدا قاردا پايدالانىلاتىن ءتۇرلى جابدىق، شاڭعى رەتتى ءتىزىپ قويىلىپتى. ۇعىسۋعا قاراعاندا، قىس كىرىسىمەن، قاردا سىرعاناۋ الاڭىنىڭ قىزمەتكەرلەرى ستريوموتو، سيقىرلى كىلەم، قاردا سىرعاناۋ الاڭىنىڭ راشاتكاسى سياقتىلاردى كۇندەلىكتى كۇتىمدەپ، جوندەپ وتىرادى ەكەن. قازىر قاردا پايدالانىلاتىن جابدىقتاردى كۇتىمدەۋ، قار جولىن تەگىستەۋ، سونداي -اق قاتىستى جابدىقتاردى تەكسەرۋ قىزمەتى تامامدالىپ، ءار دارەجەلى قار جولىنا قار اتۋ جانە تەگىستەۋ قىزمەتى تامامدالعاننان كەيىن قوناقتاردى قارسى الۋ قىزمەتى دە باستالادى ەكەن.

    كۇنەس اۋدانى نارات حالىقارالىق قاردا سىرعاناۋ الاڭىنىڭ ديرەكتورى چىن شيڭ بىلاي دەدى: «11 - ايدىڭ 29 - كۇنىنەن باستاپ ءبىز ۇستەمەلەپ ىستەپ قار جاسايتىن 5 ماشينانى ىسكە قوسىپ، قار تەگىستەۋ كولىگىنىڭ كومەگىمەن، جاساندى قار قالىپتاستىردىق. مەجەمەن وسى اپتانىڭ سوڭىندا قاردا سىرعاناۋ اۋەسكەرلەرى مەن ساياحاتشىلارعا العاشقى دارەجەدەگى قار جولى مەن قار شەڭبەر جولى اشىلادى».

    قاردا سىرعاناۋ الاڭىنىڭ اكە - بالا باقشاسى نىسان رايونىندا قىزمەتكەرلەر ءتۇرلى قار - مۇز قۇرىلعىلارىن جوندەۋدە. قاردا سىرعاناۋ الاڭى اكە - بالا باقشا نىسانىنىڭ جاۋاپتىسى شۋە لي بىلاي دەدى: «اكە - بالا باقشاسى مەن قاردا سىرعانۋ الاڭى سىرتقا ءبىر ۋاقىتتا اشىلادى. قازىر باقشاداعى ءتۇرلى كوڭىل اشۋ جابدىقتارى تۇگەل جوندەلىپ بولدى».

    ۇعىسۋعا قاراعاندا، نارات حالىقارالىق قاردا سىرعاناۋ الاڭى تومەن، ورتا، جوعارى دارەجەلى جالپى ۇزىندىعى 4 مىڭ 100 مەترلىك نەگىزگى قار جولىن، 300 مەترلىك قارلى شەڭبەر جولىن نەگىز ەتىپ، قاردا پايدالانىلاتىن جابدىقتى مىڭعا جەتكىزگەن، بۇلار ساياحاتشىلار مەن قاردا سىرعاناۋ اۋەسكەرلەرىنىڭ سۇرانىسىن قاناعاتتاندىرا الادى ەكەن.

جاۋاپتى رەداكتور: گۇلدەن ماقسات قىزى