وبلىس باسشىلارى پارتيا 19 – كەزەكتى ورتالىق كوميتەتى بەسىنشى جالپى ٴماجىلىسىنىڭ رۋحى جونىندە ۇگىت – لەكسيا جاسادى

  • كەلۋ قاينارى: ىلە گازەتى
  • 03:17:09 08/12/2020

تىلشىلەرىمىز شى شۋەحۇڭ، ما چىڭلۋ، يان جيانشيا حابارلايدى. بىرنەشە كۇننەن بەرى وبلىس باسشىلارى وبلىسقا توتە قاراستى ورىندارداعى ٴار ۇلت كادرلارىنا پارتيا 19 – كەزەكتى ورتالىق كوميتەتى بەسىنشى جالپى ٴماجىلىسىنىڭ رۋحى جونىندە جەكە – جەكە ۇگىت – لەكسيا جاسادى، وبلىسقا توتە قاراستى ورىنداردا پارتيا 19 – كەزەكتى ورتالىق كوميتەتى بەسىنشى جالپى ٴماجىلىسىنىڭ رۋحىن ىشكەرىلەي ۇيرەنۋ، دايەكتىلەندىرۋ ورلەۋى كوتەرىلىپ، تاماشا ۇيرەنۋ اۋانى قالىپتاستى.

    12 – ايدىڭ 1 – كۇنى وبلىستىق ساياسي كەڭەس پارتگرۋپپاسىنىڭ شۋجيى جياۋ يمين وبلىستىق ساياسي كەڭەستە اۆتونوميالى وبلىستىق جانە قالالىق ساياسي كەڭەس مۇشەلەرىنە، وبلىستىق ساياسي كەڭەس ورگانىنداعى بارلىق كادرلار مەن زەينەتكە، دەمالىسقا شىققان كادرلارعا ۇگىت – لەكسيا جاسادى. ول بىلاي دەپ اتاپ كورسەتتى: جالپى ٴماجىلىس رۋحىن ۇيرەنۋ، دايەكتىلەندىرۋ – وبلىستىق ساياسي كەڭەستىڭ كەزەكتەگى جانە بۇدان كەيىنگى ٴبىر مەزگىلگە دەيىنگى كەلەلى ساياسي مىندەتى. وبلىستىق ساياسي كەڭەس جۇيەسى جالپى ٴماجىلىس رۋحىن ويداعىداي ۇيرەنىپ، ۇگىتتەپ، دايەكتىلەندىرىپ، يدەيا مەن ارەكەتتى جالپى ٴماجىلىس رۋحى بويىنشا شىنايى بىرلىككە كەلتىرىپ، كەلەر جىلعى قىزمەت تۇيىندەرىن جوعارى ساپامەن جوسپارلاپ، اۆتونوميالى وبلىسىمىز ەكونوميكاسىنىڭ جوعارى ساپالى دامۋىن جەبەۋ ٴۇشىن ساياسي كەڭەستىڭ اقىل – پاراسات ۇلەسىن قوسۋى كەرەك.

    قۇلجا قالالىق ساياسي كەڭەستىڭ مۇشەسى، ىلە زىسۋ ليرىن بيوتەحنيكا شەكتى سەرىكتىگىنىڭ باس جوراسى ياڭ جيانشين بىلاي دەدى: «پارتيا 19 – كەزەكتى ورتالىق كوميتەتى بەسىنشى جالپى ٴماجىلىسىنىڭ اشىلۋى سەنىمىمدى اناعۇرلىم نىعايتىپ، كاسىپورىنىمىزدىڭ بۇدان كەيىنگى دامۋ بەتالىسىن اناعۇرلىم ايقىنداي ٴتۇستى. بۇدان كەيىن ساياسي كەڭەس مۇشەسىندىك مىندەتىمدى ۇزدىكسىز ويداعىداي اتقارىپ، ىلەنىڭ ەكونوميكاسىنىڭ جوعارى ساپالى دامۋى ٴۇشىن بەلسەنە اقىل – كەڭەس بەرەمىن».

    وبلىستىق ساياسي كەڭەستىڭ مۇشەسى، وبلىستىق اۋرۋدان ساقتانۋ – تىزگىندەۋ ورتالىعىنىڭ كادرى گۇلينا مۇقپىل قىزى بىلاي دەدى: «وزىمە قاتاڭ تالاپ قويىپ، پارتيا 19 – كەزەكتى ورتالىق كوميتەتى بەسىنشى جالپى ٴماجىلىسىنىڭ رۋحىمەن كەزەكتەگى ٴىس جۇزىندىك قىزمەتتى جەبەپ، ىلەدەگى ٴار ۇلت حالىق بۇقاراسى ٴۇشىن اناعۇرلىم ويداعىداي قىزمەت وتەيمىن».

    12 – ايدىڭ 2 – كۇنى وبلىستىق پارتكومنىڭ ورىنباسار شۋجيى، ۇيىمداستىرۋ ٴبولىمىنىڭ باستىعى شى گاڭ وبلىسقا توتە قاراستى ورىندارداعى پارتيالى كادرلارعا پارتيا 19 – كەزەكتى ورتالىق كوميتەتى بەسىنشى جالپى ٴماجىلىسىنىڭ رۋحى جونىندە ۇگىت – لەكسيا جاسادى. ول جالپى ٴماجىلىستىڭ كەلەلى ٴمانى مەن ماڭىزدى تابىستارىن تەرەڭ تانۋ، 2035 – جىلعا دەيىنگى بولاشاقتىق نىسانا مەن «14 – بەس جىلدىق» مەزگىلىندەگى ەلىمىز دامۋىنىڭ جەتەكشى باعىتى، باستى نىساناسى، ماڭىزدى مىندەتى جاقتارىندا جۇيەلى تۇردە ۇگىت – لەكسيا جانە تۇسىنىك جاسادى. ول مىنانى تالاپ ەتتى: پارتيا 19 – كەزەكتى ورتالىق كوميتەتى بەسىنشى جالپى ٴماجىلىسىنىڭ رۋحىن ۇيرەنۋ، ۇگىتتەۋ، دايەكتىلەندىرۋ – كەزەكتەگى جانە بۇدان كەيىنگى ٴبىر مەزگىلگە دەيىنگى ماڭىزدى ساياسي مىندەت، ٴار دارەجەلى پارتيا ۇيىمدارى مەن بارشا پارتيالى كادرلار ورتالىق پەن اۆتونوميالى رايوننىڭ، وبلىستىق پارتكومنىڭ ورنالاستىرۋ – تالابى بويىنشا، ۇيرەنۋ، ۇگىتتەۋ، دايەكتىلەندىرۋ قىزمەتىن مۇقيات ويداعىداي يگەرىپ، جالپى ٴماجىلىس رۋحىنىڭ تامىر تارتىپ، جەمىس بەرۋىنە شىنايى كەپىلدىك ەتۋى كەرەك.

    11 – ايدىڭ 30 – كۇنى وبلىستىق پارتكومنىڭ ورىنباسار شۋجيى، ساياسي – زاڭ كوميتەتىنىڭ شۋجيى ليۋ شينلي وبلىستىق قوعام حاۋىپسىزدىگى مەكەمەسىندە وبلىستىق ساياسي – زاڭ كوميتەتى، قوعام حاۋىپسىزدىگى مەكەمەسى، سوت، پروكۋراتۋرا، ٴادىليا مەكەمەسى سياقتى ورىنداردىڭ كادرلارىنا پارتيا 19 – كەزەكتى ورتالىق كوميتەتى بەسىنشى جالپى ٴماجىلىسىنىڭ رۋحى جونىندە ۇگىت – لەكسيا جاسادى.

جاۋاپتى رەداكتور: جازيرا بولاتباي قىزى