عىلىم - تەحنيكا دامىپ، ومىرشەڭدىك كۇش قاۋلادى

  • كەلۋ قاينارى: شينجياڭ گازەتى تورى
  • 08:32:51 09/12/2020

   

 عىلىم - تەحنيكا دامىپ، ومىرشەڭدىك كۇش قاۋلادى

    گازەتىمىزدىڭ جالپىلىق اقپارات قۇرالدارى ءتىلشىسى جىڭ جو

 

    شوكپەلى اۋماق كونگلومەرات جىنىسىنداعى مۇناي قورىن بارلاۋدىڭ نازاريالىق - تەحنيكالىق ءتول تاپقىرلىق جۇيەسىنە سۇيەنىپ، ماحۋدان ميلليارد توننالىق دەڭگەيدەگى ەرەكشە ۇلكەن مالتا جىنىستى مۇناي الابىن بايقادى؛ شينجياڭ جىلاۋىق قۇرت اۋرۋى نەگىزدىك مەديتسينالىق تاجىريبەحاناسىن قۇرۋ ارقىلى، رايونىمىز ەلەۋلى جۇقپالى اۋرۋلاردىڭ، اسىرەسە، جىلاۋىق قۇرت اۋرۋىنىڭ الدىن الۋ جانە ونى ەمدەۋ جاعىنداعى زەرتتەۋدە الدىعا قاراي ۇلكەن قادام تاستادى...

    كوپتەگەن قيىن ماسەلەلەر ەڭسەرىلىپ، تالاي - تالاي جەتىستىكتەر حالىق تۇرمىسىنا تيىمدىلىك جاسادى. ”13 - بەسجىلدىق“ مەزگىلىندە رايونىمىز جاڭالىق اشۋ ارقىلى دامۋعا دەم بەرۋ ستراتەگياسىن ىشكەرىلەي اتقارىپ، عىلىم - تەحنيكادا جاڭالىق اشۋدىڭ ومىرشەڭدىگىن ۇزدىكسىز قاۋلاتىپ، عىلىم - تەحنيكالىق جەتىستىكتەردىڭ كادەگە جاراۋىن جەبەپ، ونىمدەردىڭ عىلىم - تەحنيكالىق قۇرالىمى مەن بازارداعى باسەكەلىك قۋاتىن جالپى بەتتىك جوعارىلاتتى، عىلىم - تەحنيكالىق جاڭالىق اشۋ رايونىمىزدىڭ جوعارى ساپالى دامۋىن ىلگەرىلەتەتىن ءبىرىنشى قوزعاۋشى كۇشكە اينالدى.

    نەگىزدىك زەرتتەۋلەر ۇزدىكسىز نىعايدى

    ”ءبىز تەحنيكالىق بوگەتتى تالقانداپ، ℃55 - تومەن تەمپەراتۋرالى ورتادا ءونىمدى مايلاۋمەن قامداي الاتىن اسا تومەن تەمپەراتۋراداعى رەليستى قاتىناس كولىگىنىڭ ءتيىستى دوڭعالاق مايىن جاساپ شىعىپ، ماي اۋىستىرۋ پەريودىن 120 مىڭ كيلومەتردەن 150 مىڭ كيلومەترگە جوعارىلاتتىق“، - دەدى شينجياڭ جينشۋەچى عىلىم - تەحنيكا جارنا شەكتى سەرىكتەستىگىنىڭ القا باستىعى ليۋ حۇي، كەزەكتە سەرىكتەستىك جەل ەلەكتر كاسىبى سياقتى سالالارداعى ماي ونىمدەرىن ءوندىرۋ تەحنيكاسىندا ەلەۋلى سەرپىلىس جاساپ، يمپورتتىق ونىمدەردىڭ ورنىن باسا الاتىن بولىپ، كاسىپورىنعا تاپسىرىستار ىركەس - تىركەس كەلىپ تۇسۋدە.

    كاسىپورىننىڭ دامۋىندا عىلمي زەرتتەۋ كىلت سانالادى. بيىل شينجياڭ ونەركاسىپتىك مايلاۋ ماتەريالدارى ءتۇيىندى تاجىريبەحاناسى اۆتونوميالى رايوننىڭ ءتۇيىندى تاجىريبەحاناسى دەپ تانىلدى. شينجياڭ جينشۋەچى عىلىم - تەحنيكا جارنا شەكتى سەرىكتەستىگىمەن شينجياڭ ينجەنەريا شۋەيۋانى بىرلەسىپ قۇرعان بۇل تاجىريبەحانا كاسىپورىن مەن جوعارى مەكتەپ، عىلمي زەرتتەۋ مەكەمە - ورىندارى سياقتى مىعىم ورىنداردىڭ بىرلەسۋىنە سۇيەنىپ، نەگىزدىك زەرتتەۋلەر مەن قولدانىلۋ پراكتيكاسىن ءونىمدى توعىستىرعان تاجىريبەحانانىڭ جاڭالىق اشۋ ۇلگىسىن اشتى.

    شينجياڭ اۆتونوميالى رايوننىڭ ءتۇيىندى تاجىريبەحانا قۇرىلىسىن ىسكە قوسقاننان بەرى، تانۋ - بەكىتۋدەن وتكەن اۆتونوميالى رايوننىڭ ءتۇيىندى تاجىريبەحاناسى 86عا جەتتى، بۇل تاجىريبەحانالارعا قارايتىن ورىندار جوعارى مەكتەپتەردى، عىلمي زەرتتەۋ مەكەمە - ورىندارىن جانە كاسىپورىنداردى قامتىدى.

جاۋاپتى رەداكتور: جازيرا بولاتباي قىزى