توقتام جاساسقان تاپسىرىس سوماسى 4 ميلليارد 100 ميلليون يۋاننان استى

  • كەلۋ قاينارى: شينجياڭ گازەتى تورى
  • 08:34:37 09/12/2020

 

    11 - كەزەكتى شينجياڭ اۋىل شارۋاشىلىق ونىمدەرى بەيجيڭ جارمەڭكەسى جابىلدى

    توقتام جاساسقان تاپسىرىس سوماسى 4 ميلليارد 100 ميلليون يۋاننان استى

 

    گازەتىمىزدىڭ جالپىلىق اقپارات قۇرالدارى ءتىلشىسى شى شين 12 - ايدىڭ 7 - كۇنى بەيجيڭنەن حابارلايدى. 12 - ايدىڭ 6 - كۇنى 11 - كەزەكتى شينجياڭ اۋىل شارۋاشىلىق ونىمدەرى بەيجيڭ جارمەڭكەسى بەيجيڭدەگى مەملەكەتتىك اۋىل شارۋاشىلىق كورمە سارايىندا جابىلدى. بۇل جولعى جارمەڭكە كاسىپورىنداردى ”ينتەرنەت جەلىسىندە، ينتەرنەت جەلىسىنەن تىسقارى“ كەشەندى شارالارىنان ويداعىداي پايدالانۋعا جەتەكتەۋگە باسا ءمان بەرىپ، توقتام جاساسقان تاپسىرىس سوماسى 4 ميلليارد 152 ميلليون يۋانعا جەتتى.

    وسى كەزەكتى جارمەڭكە ”شينجياڭ جاقسى جەردى“ نەگىزگى تاقىرىپ ەتتى، 200 دەن استام كاسىپورىن كورمەگە قاتىناستى، استىق، ماقتا، جەمىس - جيدەك، مال شارۋاشىلىعى، ءسۇت ونىمدەرى جانە وڭىرلىك ەرەكشەلىككە يە اۋىل شارۋاشىلىق ونىمدەرىن قامتىعان جالپى 1000 تۇردەن استام ونىمدەر كورمەگە قاتىناستىرىلدى. كورمەگە قاتىناسقان كاسىپورىندار اراسىندا ءتۇيىندى باستاماشى كاسىپورىندار جانە كورمەگە قاتىناسقان ونىمدەر اراسىندا ”ەكى ءونىم، ءبىر بەلگى (جاسىل ازىق - تۇلىك، ورگانيكالىق اۋىل شارۋاشىلىق ونىمدەرى جانە اۋىل شارۋاشىلىق ونىمدەرى جاعراپيالىق بەلگىسى)“ كۋالىگىن العان ونىمدەر تۇگەلدەي %90تەن استى.

    وسى كەزەكتى جارمەڭكەدە جيڭدۇڭ شينجياڭ اۋىل شارۋاشىلىق ونىمدەرىن ينتەرنەت جەلىسىندە تانىستىرۋ رايونى دا ارناۋلى قۇرىلىپ، شينجياڭ جەمىس - جيدەك كاسىبى توبى شەكتى سەرىكتەستىگى، شينجياڭ حۇڭچيپو اۋىل شارۋاشىلىعىن دامىتۋ توبى شەكتى سەرىكتەستىگى سياقتى 20دان استام كاسىپورىننىڭ 40تان استام تۇردەگى اۋىل شارۋاشىلىق ونىمدەرى جيڭدۇڭ تۇعىرىندا تەڭ قادامدا تانىستىرىلدى. 12 - ايدىڭ 3 - كۇنگى 4 ساعاتتىق تىكە تاراتۋ قيمىلىنىڭ وزىندە تىكە تاراتۋ كورىلىمى 2 ميلليون 140 مىڭ ادام - رەتتەن اسىپ، باسىلعان قۇپتاۋ سانى ءبىر ميلليون 700 مىڭ - رەتكە تاياپ، ينتەرنەت جەلىسىندە ساتۋ سوماسى 600 مىڭ يۋاننان استى.

    اۆتونوميالى رايوندىق پارتكوم اۋىل - قىستاق قىزمەتى كەڭسەسىنىڭ ۇنەمىلىك ىستەرگە جاۋاپتى ورىنباسار مەڭگەرۋشىسى، اۋىل شارۋاشىلىعى، اۋىل - قىستاق مەڭگەرمەسىنىڭ ورىنباسار باستىعى شۇي تاۋ بىلاي دەپ تانىستىردى: وسى كەزەكتى جارمەڭكە شينجياڭعا كومەكتەسۋ مەحانيزمى رولىن ساۋلەلەندىرىپ، تۇتىنۋ ارقىلى كەدەيلەردى سۇيەمەلدەۋگە دەم بەرىپ، ينتەرنەت جەلىسىندە، ينتەرنەت جەلىسىنەن تىسقارى ساتۋدى كۇشەيتىپ، شينجياڭنىڭ ساپالى اۋىل شارۋاشىلىق ونىمدەرىنىڭ بەيجيڭ بازارىنداعى ىقپالىن كەڭەيتتى. وتكەن كەزەكتەگىلەرگە قاراعاندا كورمە ورنالاستىرۋ ۇلگىسى، ءونىم ساپاسى مەن قوراپتالۋى، ونىمدەردى ۇگىتتەۋ، تانىستىرۋ سياقتى جاقتاردا تىڭ سەرپىلىستەر بولدى. جىلىنا ءبىر رەت وتكىزىلەتىن بەيجيڭ جارمەڭكەسى شينجياڭنىڭ ساپالى، ەرەكشە اۋىل شارۋاشىلىق ونىمدەرىن كورسەتەتىن ماڭىزدى تۇعىرعا اينالىپ، شينجياڭنىڭ اۋىل شارۋاشىلىق ونىمدەرىن ساتۋدى جەبەۋ، كەدەيلىكتەن ارىلتۋدان قامال الۋعا دەم بەرۋ جانە اۋىل شارۋاشىلىعىنىڭ ساپاسىن ءوسىرىپ، ونىمدىلىگىن ارتتىرۋ جونىنەن ماڭىزدى رول اتقاردى.

جاۋاپتى رەداكتور: جازيرا بولاتباي قىزى