وبلىستىق قاتىناس - تاسىمال مەكەمەسى قاتىناس - تاسىمال ىستەرىنىڭ جوعارى ساپالى دامۋىن جەبەدى

  • كەلۋ قاينارى: ىلە گازەتى
  • 08:37:27 17/12/2020

 ءتىلشىمىز شى شۋەحۇڭ حابارلايدى. وبلىستىق قاتىناس - تاسىمال مەكەمەسى پارتيا 19 - كەزەكتى ورتالىق كوميتەتى بەسىنشى جالپى ءماجىلىسىنىڭ رۋحىن مۇقيات ۇيرەنىپ جانە دايەكتىلەندىرىپ، جالپى ءماجىلىستىڭ رۋحىن الداعى جانە بۇدان كەيىنگى ءبىر مەزگىلدەگى ءتۇرلى قىزمەتتىڭ ماڭىزدى بويسۇنۋ ولشەمى ەتىپ، اۆتونوميالى وبلىستىڭ قاتىناس - تاسىمال ىستەرىنىڭ جوعارى ساپالى دامۋىن ۇزدىكسىز جەبەدى.

    وبلىستىق قاتىناس - تاسىمال مەكەمەسى پارتگرۋپپاسىنىڭ مۇشەسى، مەكەمەنىڭ ورىنباسار باستىعى جوۋ شياڭچياڭ بىلاي دەپ تانىستىردى: «پارتيا 19 - كەزەكتى ورتالىق كوميتەتى بەسىنشى جالپى ءماجىلىسى مەن ورتالىقتىڭ شينجياڭ قىزمەتى جونىندەگى 3 - رەتكى اڭگىمە ءماجىلىسىنىڭ اشىلۋى اۆتونوميالى وبلىستىڭ قاتىناس - تاسىمال ىستەرىنە بۇرىن - سوڭدى بولماعان تاماشا دامۋ ورايىن الىپ كەلدى. وبلىستىق پارتكوم مەن ۇكىمەت بەلسەنە جوبا جاساپ، اناعۇرلىم قولايلى، تەز، جوعارى ءونىمدى قاتىناس - تاسىمال تورابىن قۇرىپ، اۆتونوميالى وبلىستىڭ جوعارى ساپالى دامۋىنا اناعۇرلىم كەڭ كەڭىستىك ازىرلەپ بەردى. سونىمەن قاتار اۆتونوميالى وبلىستىڭ ۇلكەن قاتىناس تورابى قۇرىلىسىن جەدەلدەتۋ، ىشكى جولداردى ىركىلسسىزدەندىرۋ، كاسىپ جولىن دامىتۋ سياقتىلاردى توڭىرەكتەي وتىرىپ، «14 - بەس جىلدىق» جوبا جونىندە بەلسەنە جوسپار جاسادى. كەلەر جىلى اۆتونوميالى وبلىس 8 مەملەكەت تاس جولى مەن 19 ولكە تاس جولى سياقتى تاس جول قۇرىلىستارىن اتقارماقشى، بۇعان جالپى 80 ميلليارد 400 ميلليون يۋان قارجى قوسىلادى، جالپى ۇزىندىعى 2 مىڭ كيلومەتردەن اسادى».

    وبلىستىق قاتىناس - تاسىمال مەكەمەسى يدەيا مەن ارەكەتتى پارتيا 19 - كەزەكتى ورتالىق كوميتەتى بەسىنشى جالپى ءماجىلىسىنىڭ رۋحى بويىنشا بىرلىككە كەلتىرىپ، ءىس جۇزىندىك ارەكەتتەرى ارقىلى قاتىناس - تاسىمال ىستەرىنىڭ جوعارى ساپالى دامۋىن جەبەدى. وبلىستىق پارتكوم مەن ۇكىمەت اۆتونوميالى رايوندىق قاتىناس - تاسىمال مەڭگەرمەسىنىڭ باسشىلارىن وبلىسقا كەلىپ قاتىستى قىزمەتتەر جونىندە اڭگىمەلەسۋگە ۇسىنىس ەتتى.

    سوڭىنان مەكەمەنىڭ قاتىستى جاۋاپتىلارى اۆتونوميالى رايوندىق قاتىناس – تاسىمال مەڭگەرمەسىنە بارىپ بەلسەنە سايكەسىپ، ەكى جاق اڭگىمەلەسكەن قاتىستى مازمۇندار جونىندە بەلسەنە پىكىر اۋىستىرىپ، وبلىستىڭ ماڭىزدى قاتىناس نىسانىن اۆتونوميالى رايوننىڭ «14 – بەس جىلدىق» جوباسىنا ەنگىزدى. «14 – بەس جىلدىق» جوباداعى نىسان سالىنىپ بولسا، اۆتونوميالى وبلىستىڭ قاتىناس – تاسىمال ىستەرىندە وراسان زور وزگەرىستەر بولىپ، پارتيا 19 – كەزەكتى ورتالىق كوميتەتى بەسىنشى جالپى ءماجىلىسى رۋحىنىڭ وبلىستىڭ قاتىناس – تاسىمال جۇيەسىندە جەدەل تياناقتانىپ، تامىر تارتۋىنا كەپىلدىك ەتۋگە بولادى.

    وبلىستىق قاتىناس – تاسىمال مەكەمەسى ورگانى پارتكومىنىڭ ارناۋلى ورىنباسار شۋجيى ءماريا مامەت بىلاي دەدى: «مەكەمەمىز ءارقايسى ياچەيكا ۇيرەنۋ جۇرگىزۋ، مەكەمە پارتكومى وزەكتى گرۋپپاسىنىڭ شوعىرلى ۇيرەنۋىن جۇرگىزۋ سياقتى فورمالار ارقىلى جالپى ءماجىلىستىڭ رۋحى مەن شىنايى ءمانىن مۇقيات ۇيرەندى جانە ۇعىندى، سونىمەن بىرگە، ءىس جۇزىندىكپەن ۇشتاستىرا وتىرىپ، كەلەر جىلعى قىزمەت جوباسىن دا جاسادىق. ورگان پارتكومىنىڭ ارناۋلى ورىنباسار شۋجيى بولۋ سالاۋاتىممەن ۇيرەنۋدى ۇزدىكسىز تەرەڭدەتىپ، ءار ۇلت كادرلارىن جالپى ءماجىلىستىڭ رۋحىن ءىس جۇزىندىك ارەكەتتەرى ارقىلى دايەكتىلەندىرۋگە باستايمىن».

جاۋاپتى رەداكتور: جازيرا بولاتباي قىزى