قىمباتتى ”اۋىل لەبىن“ كادەگە جاراتايىق

  • كەلۋ قاينارى: تيانشان تورى
  • 09:49:25 19/12/2020

    قىمباتتى ”اۋىل لەبىن“ كادەگە جاراتايىق

    جاڭ بەي

    ساي - سالا، شاعىن اۋىل، كونە ۇيلەر... وسى قويۋ اۋىل لەبى اڭقىعان سوزدەر − موري قازاق اۆتونوميالى اۋدانى يگەنبۇلاق اۋىلى يۋەلياڭدي قىستاعىنىڭ ساياحاتشىلاردى باۋرايتىن ”نەگىزگى سوزدەرى“، وسىنداي وزگەشە تارتىمدىلىققا يە اۋىل - قىستاقتار رايونىمىزدا بارعان سايىن كوبەيدى. بۇل كۇندەرى ”اۋىل لەبى“ اۋىل - قىستاقتى گۇلدەندىرۋگە دەم بەرەتىن قىمباتتى بايلىققا اينالدى، مۇنى تولىق اشۋ، ويداعىداي كادەگە جاراتۋ كەرەك.

    ادامداردىڭ تۇرمىس ورەسىنىڭ جوعارىلاۋىنا ىلەسە، تۇتىنۋ قاجەتىندە دە اقىرىنداپ وزگەرىستەر تۋىلدى. اسىرەسە، قالا تۇرعىندارى جونىنەن العاندا، مۇلدە باسقاشا اۋىل - قىستاق تۇرمىسىن سەزىنۋ قىزۋ قاجەتكە اينالدى. سوڭعى كەزدەرى تانىمالى بولعان ديڭجىن، ەل ءىشى - سىرتىنا داڭقى جايىلعان ليزىچي تۇگەلدەي اۋىلداعى شوپان جىرىنىڭ كوركەمدىگىن ايگىلەۋمەن قارسى الىندى. ”اۋىل لەبى“ اۋىلعا ورالۋ، شىنايى تابيعاتىن ايگىلەۋ سىندى سەزىم مەن تالپىنىسقا ۋاكىلدىك ەتەدى. وسى سەبەپتى ”اۋىل لەبىن“ ويداعىداي كادەگە جاراتۋ جۇرتشىلىقتىڭ تۇتىنۋ قاجەتىن قاناعاتتاندىرىپ قانا قالماستان، اۋىل - قىستاقتى گۇلدەندىرۋ ءۇشىن دە كۇش قوسادى.

    ”اۋىل لەبىن“ ويداعىداي كادەگە جاراتۋدىڭ ءتۇيىنى مادەنيەت سەنىمىنە تاباندى بولۋدا. قويۋ اۋىل لەبى − اۋىل - قىستاقتىڭ قالادان پارىقتالاتىن نەگىزگى ەرەكشەلىگى، سونداي - اق اۋىل - قىستاقتىڭ وزگەشە تارتىمدىلىعى. يۋەلياڭدي قىستاعى حالىقتىق تۇسەلحانالارىنىڭ كۇنقاعارلى بار ۇيلەرىنەن بۇرىنعىنىڭ لەبى ەسىپ تۇرادى، قىستاق تاعى سالت - سانا مادەنيەتىن تولىق اشىپ، ساياحاتشىلاردىڭ ءبىر جاعىنان، وسىزاماندانعان ”اۋا رەتتەگىش WiFi قاربىزدان“ يگىلىكتەنىپ، ەندى ءبىر جاعىنان، ەجەلگى سارىنعا تولى ”شاعىن كوپىرلى وزەن جاعاسىنداعى ءۇيدى“ تاماشالاۋىنا مۇمكىندىك جاساپ، وزگەشە كوركەمدىككە يە اۋىل اۋەنىن ساياحاتشىلار كەتكىسى كەلمەيتىن شەشۋشى فاكتورعا اينالدىردى.

    ”اۋىل لەبى“ ىشىندە ءۇيدىڭ الدى - ارتىنداعى اۋىل كەلبەتى عانا بولىپ قالماستان، قاراپايىم دا قويۋ اۋىل سالتى بار. ”اۋىل لەبىن“ ويداعىداي كادەگە جاراتۋ اۋىل كەلبەتىن ساقتاپ، وزىندىك ەرەكشەلىكتى ايگىلەپ، اۋىل - قىستاقتىڭ اسپانىنىڭ اناعۇرلىم اشىق، سۋىنىڭ اناعۇرلىم تۇنىق بولۋىنا، اۋىل ساعىنىشىنا بايلاۋ بولۋىنا مۇمكىندىك جاساپ قالماستان، ارمانعا قانات ءبىتىرىپ الىستارعا جەتكىزەدى.

    (”لەپتى لەبىزگە“ ماقالا جولداۋ حات ساندىعى:xjrbplb@126.com)

جاۋاپتى رەداكتور: گۇلدەن ماقسات قىزى