شينجياڭنىڭ ايگىلى، تاڭداۋلى، ەرەكشە اۋىل شارۋاشىلىق ونىمدەرى شاڭحاي جارمەڭكەسىندە 5 ميلليارد 290 ميلليون يۋاندىق تاپسىرىس توقتامى جاسالدى

  • كەلۋ قاينارى: تيانشان تورى
  • 10:07:13 23/12/2020

 

 شينجياڭ گازەتىنىڭ جالپىلىق اقپارات قۇرالدارى ءتىلشىسى لۋ فىڭباۋ 12 - ايدىڭ 21 - كۇنى شاڭحايدان حابارلايدى. 12 - ايدىڭ 21 - كۇنى 2020 - جىلعى شينجياڭنىڭ ايگىلى، تاڭداۋلى، ەرەكشە اۋىل شارۋاشىلىق ونىمدەرى شاڭحاي جارمەڭكەسى شاڭحاي اۋىل شارۋاشىلىعى كورمە سارايىندا جابىلدى، جارمەڭكەدە 5 ميلليارد 290 ميلليون يۋاندىق تاپسىرىس توقتامىنا قول قويىلدى، مۇنىڭ ىشىندە 3 ميلليارد 600 ميلليون يۋاندىق توقتامدىق تاپسىرىس، ءبىر ميلليارد 690 ميلليون يۋاندىق نيەتتىك تاپسىرىس بار.

    وسى كەزەكتى ساۋدا جارمەڭكەسى ”شينجياڭ جاقسى جەردى“ نەگىزگى تاقىرىپ ەتىپ، ”كورمەگە قويۋ مەن ساتۋدى ۇشتاستىرۋ، ينتەرنەت جەلىسىندە جانە جەلىدەن تىس قاتار ىلگەرىلەتۋ“ فورماسىندا وتكىزىلدى. اۆتونوميالى رايون مەن بيڭتۋاننان 200گە تاياۋ كاسىپورىن جارمەڭكەگە قاتىناستى، جارمەڭكە ورنىنىڭ جەر اۋدانى 5000 شارشى مەتر بولىپ، جارمەڭكەگە 1000 نەشە ءتۇرلى ءونىم قاتىناستىرىلدى.

    وسى كەزەكتى جارمەڭكەنى ويداعىداي وتكىزۋ ءۇشىن، رايونىمىزدان جارمەڭكەگە قاتىناسقان كاسىپورىندار زات قاينارىن تولىق دايىنداپ، توقتاۋسىز ساتىپ، شاڭحاي قالاسى تۇرعىندارىنىڭ شينجياڭنىڭ ەرەكشە اۋىل شارۋاشىلىق ونىمدەرىن ساتىپ الۋ قاجەتىن مۇمكىندىكتىڭ بارىنشا قاناعاتتاندىردى. وسى رەتكى ساۋدا جارمەڭكەسىندە جيڭدۇڭ تىكە تاراتۋى سياقتى تاسىلدەر ارقىلى ينتەرنەت جەلىسىندە تانىستىرۋ جانە ينتەرنەت جەلىسىندە تاپسىرىس الۋ سياقتى ساتۋ قيمىلدارى بەلسەنە ورىستەتىلىپ، شينجياڭداعى 11 تاڭداۋلى كاسىپورىننىڭ 40 نەشە ءتۇرلى ءونىمى ءتۇيىندى تۇردە تانىستىرىلدى، تىكە تاراتۋدى كورگەندەر 400 مىڭ ادام رەتتەن اسىپ، القاعاندار 2 ميلليون رەتكە جەتىپ، شينجياڭنىڭ تاڭداۋلى اۋىل شارۋاشىلىق ونىمدەرىنىڭ ىشكى ءوڭىر بازارلارىنداعى ىقپالىن ارتتىردى.

جاۋاپتى رەداكتور: گۇلدەن ماقسات قىزى