ىلەنىڭ سۋرەتتەي سۇلۋ قىسقى كەلبەتى

  • كەلۋ قاينارى: ىلە گازەتى
  • 09:29:03 25/12/2020

      حابارىن جازىپ، سۋرەتتەرىن تۇسىرگەن تىلشىلەرىمىز لاي يۇينيڭ، جاڭ چيڭحۋا

    ىلەنىڭ ءتورت ماۋسىمىنىڭ كەلبەتى ءوز الدىنا ءبىر توبە، اسىرەسە قىسقى كەلبەتى جاندى ەلىتەدى. قالىڭ قار جاۋعاننان كەيىن ىلەنىڭ بايتاق دالاسى اق كورپەسىن جامىلىپ، قىرات - قىرقالارى، وزەن - سۋلارى، وقالى ورمانى، سايىن ساحاراسى تۇگەلدەي اق قارمەن قىمتانىپ، بەينە ءبىر شىت جاڭا، كوركەم، تابيعي الىپ سۋرەتتەي كوز تارتادى.

    قار جاۋىپ كۇن اشىلعاننان كەيىنگى ىلە وزەنىنىڭ تاڭعى تۇمانى بەينە ءبىر قيال الەمى سياقتانسا؛ كولدەنەڭنىڭ تاڭعى تۇمانى مەن كەشكى ارايى، تاۋمەن تالاسا جوڭكىلگەن اقشا بۇلتى باياۋ قالقىپ، كورگەن جاندى ەرىكسىز تاڭداندىرادى. كوكپەڭبەك اسپان استىندا موڭعۇلكۇرەنىڭ بايتاق دالاسى كىرشىكسىز اپپاق دۇنيەگە اينالىپ، اسپانمەن بوي تالاسقان ورقاش – ورقاش تاۋلارى اسقاق تا اسەم كورىنەدى. قىستا ساياحاتشىلار ىلەنىڭ جەر – جەرىنەن اق قاردا اتپەن سەرۋەندەۋ، قاردا كوكپار تارتۋ، قىز قۋار، ات شانا سياقتى ۇلتتىق سالت – سانا ويىن تۇرلەرىنەن ءلاززات الادى.

    جىم – جىرت اسەم اۋىل – قىستاق، اق كورپەسىن جامىلعان بايابان دالا، سىڭعىرلى بۇلاق پەن سىرلى تاۋلار بەينە ەرتەگى الەمىندەي ادامداردى ونان ارى باۋراي تۇسەدى.

جاۋاپتى رەداكتور: جازيرا بولاتباي قىزى