بەسىنشى جالپى ءماجىلىستىڭ رۋحى كوپتىڭ كوڭىلىنە ۇيالادى

  • كەلۋ قاينارى: ىلە گازەتى
  • 05:06:12 26/12/2020

    بەسىنشى جالپى ءماجىلىستىڭ رۋحى كوپتىڭ كوڭىلىنە ۇيالادى

    كۇنەستىڭ ۇگىت توبى 77 اكىمشىلىك قىستاق پەن رايونعا ۇگىت جۇرگىزدى

 

    ەرىكتى تىلشىلەر جاڭ جيە، جانات حابارلايدى. جاقىنعى كۇندەردەن بەرى كۇنەس اۋدانىنداعى 8 مۇعالىمنەن ۇيىمداسقان پارتيا 19 - كەزەكتى ورتالىق كوميتەتى بەسىنشى جالپى ءماجىلىسى ۇگىت توبى تۇتاس اۋدانداعى 77 اكىمشىلىك قىستاق پەن رايونعا بارىپ جالپى ءماجىلىستىڭ رۋحىن وتباسىلارعا، اتتى جاساقتارعا، پارتيا مۇشەلەرى وتباسىلارىنا، قىستاقتارعا ۇگىتتەپ، قاراپايىم حالىقتىڭ جاعدايىن ۇعىسىپ، كەزدەسۋ وتكىزىپ، جالپى ءماجىلىستىڭ رۋحىن بۇقاراعا جەتكىزبەكشى بولدى.

    كۇنەس اۋدانى زەكتى قالاشىعىنىڭ تەمىرلىك قىستاعىندا ەگىنشى - مالشىلار، پارتيا مۇشەلەرى، بايلانىسشىلار مەن ءار ۇلت بۇقاراسى ەرتەمەن ۇگىت الاڭىنا جينالدى. ۇگىت توبى مۇشەلەرى مەملەكەتتىڭ دامۋ باعىتىن، دامۋ نىساناسىن ۇگىتتەپ، ەگىنشى - مالشىلارعا كەدەيلىكتەن ارىلتۋ، ەمدەۋ، ءوندىرىستىڭ دامۋى سياقتى تاقىرىپتار اياسىن توڭىرەكتەي بايانداپ، بەسىنشى جالپى ءماجىلىستىڭ رۋحىن جۇرت كوڭىلىنە تەرەڭدەي ۇيالاتتى. تەمىرلىك قىستاعىنىڭ تۇرعىنى ما جۇڭلي بىلاي دەدى: «بۇگىنگى ۇگىتتى تىڭداپ، مەن جالپى ءماجىلىستىڭ وزەگىن اناعۇرلىم انىق ءتۇسىندىم. قازىر ءبىز كەدەيلىكتەن ارىلىپ بولدىق، كۇندەرىمىز كۇننەن - كۇنگە جاقسارىپ كەلەدى. كەلەر جىلى تامشىلاتىپ سۋارۋ - مانەرلەۋ زاۆودىندا ىستەپ، قىستاق حالقىنىڭ استىقتان مول ءونىم الۋىنا قول ۇشىن بەرسەم دەيمىن».

    ۇگىت توبى پارتيا 19 - كەزەكتى ورتالىق كوميتەتى 5 ـ جالپى ٴماجىلىسىنىڭ مازمۇنى بار گازەت، جۋرنالداردى جۇرتشىلىققا، زەينەتكەرلەرگە، ساقا پارتيا مۇشەلەرىنە جەتكىزدى ٴارى ٴتۇيىندى سوزدەردى، جاڭا اتاۋلاردى ٴتۇسىندىرىپ بەردى.

    تەمىرلىك قىستاعىنىڭ تۇرعىنى ءسابيرا ەركەش قىزى: «مەملەكەتتىڭ ساياساتى وتە تاماشا، ٴبىز ەگىس ماشينالارىمىزعا دا قوسىمشا قاراجات الدىق، 2 جىلدان بەرى تۇرمىسىمىز بارعان سايىن جاقسارۋدا، بۇدان كەيىن ٴتىپتى دە قۇلشىنىپ ماڭداي تەرىمىزبەن باقىتتى تۇرمىس جاراتامىز» دەدى.

    ۇگىتشى اقساۋلە باتاي قىزى: «ۇگىتشى سالاۋاتىممەن مەن پارتيانىڭ ٴۇنىن ەڭ الدىمەن نەگىزگى ساتىعا جەتكىزەمىن» دەدى.

جاۋاپتى رەداكتور: گۇلدەن ماقسات قىزى