وبلىسقا توتە قاراستى ورىندار ورتتەن ساقتانۋ جونىندە كولەمدى تەكسەرۋ ورىستەتىپ، حاۋىپسىزدىك قورعانىن بەكەمدەدى

  • كەلۋ قاينارى: ىلە گازەتى
  • 03:49:39 30/12/2020

    اداقتاۋ، رەتتەۋ – وڭاۋ قىزمەتىن مۇقيات، تۇبەگەيلى جۇرگىزدى

    وبلىسقا توتە قاراستى ورىندار ورتتەن ساقتانۋ جونىندە كولەمدى تەكسەرۋ ورىستەتىپ، حاۋىپسىزدىك قورعانىن بەكەمدەدى

 

    ءتىلشىمىز لي يافىڭ، ەرىكتى ءتىلشى لۇڭ مەي قۇلجادان حابارلايدى. 12 – ايدىڭ 24 – كۇنى كەشتە ىلە وبلىستىق ورتتەن ساقتانۋ – قۇتقارۋ، كومەك بەرۋ تارماق اترەتىندەگىلەر 4 گرۋپپاعا ءبولىنىپ، قولجا قالاسىنداعى 15 كوڭىل اشۋ ورنىنا ورتتەن ساقتانۋ قىزمەتى جونىندە كولەمدى تۇتقيىل تەكسەرۋ قيمىلىن ورىستەتتى.

    تەكسەرۋ بارىسىندا وبلىستىق ورتتەن ساقتانۋ – قۇتقارۋ، كومەك بەرۋ تارماق اترەتىنىڭ باسشىلارى وزدەرى باستاماشى بولىپ، ورتتەن ساقتانۋ حاۋىپسىزدىگىندە ءتۇيىندى ۇستالاتىن ورىندارعا الدىن الا حابار بەرمەۋ، كەزدەيسوق تەكسەرۋ فورماسى ارقىلى ىشكەرىلەي، زور كولەمدى تەكسەرۋ جۇرگىزدى. كوڭىل اشۋ ورىندارى، شاراپحانا سياقتى ورىندارعا ءتۇيىندى تەكسەرۋ جۇرگىزىپ، وسى ورىندارداعى ىس – تۇتىننەن سيگنال بەرۋ قۇرىلعىلارىنىڭ جابدىقتالۋ جاعدايىنا، عيمارات جولدارىنىڭ ىركىلىسسىزدىگىنە، ءورت ءوشىرۋ قۇرىلعىلارىنىڭ ورنالاسۋىنا ىشكەرىلەي تەكسەرۋ جۇرگىزدى ءارى كەزەكشى جولداستاردان شۇعىل جاعدايدا وڭاشالاۋ، تارقاتۋ جۇمىس ءتارتىبىن ناق مايداندا قالاي جۇرگىزۋ كەرەكتىگىن بايانداۋدى ءارى جاتتىعۋ ءتارتىبىن ورىنداۋدى تالاپ ەتتى. قىزمەتشىلەردىڭ ءورت اپاتىن دۇرىس مالىمدەۋ، ءورت سوندىرگىشتى، بولمە ىشىندەگى ءورت سوندىرگىش شۇمەگىن دۇرىس قولدانۋ، ادامداردى تارقاتۋ، جەتەكشىلىك ەتۋ قابىلەتى جاعدايىنا ۇلگى الىپ تەكسەرۋ جۇرگىزدى.

    ۇعىسۋعا قارعاندا، بۇل رەتكى كولەمدى تەكسەرۋدە ءورت اپاتى تۋىلۋ حاۋپى مەن ورتتەن ساقتانۋ زاڭ – ەرەجەسىنە قايشى 32 ارەكەت بايقالىپ، 28 ارەكەت ناق مايداندا رەتتەۋ – وزگەرتۋگە بۇيىرىلعان.

    ىلە وبلىستىق ورتتەن ساقتانۋ – قۇتقارۋ، كومەك بەرۋ تارماق اترەتىنىڭ ورىنباسار باستىعى چىن جان بىلاي دەدى: «جاڭا جىل قارساڭى - قىس مەزگىلىندەگى ءورت اپاتى كوپ تۋىلاتىن مەزگىل. ورتتەن ساقتانۋ حاۋىپسىزدىگىن تەكسەرۋ، ءورت اپاتىن تۋدىراتىن كومەسكى قاتەرلەردى الاستاۋ، قوعامدىق الەۋمەتتىك ورتتەن ساقتانۋ حاۋىپسىزدىگىن ورنىقتىرۋ جونىنەن ايرىقشا ماڭىز الادى. نەگىزگى ساتىداعى اترەتتەر ورتتەن ساقتانۋ حاۋىپسىزدىگىن بولەككە ٴبولىپ باسقارۋ ارحيۆىنىڭ قولايلىلىعىنان تولىق پايدالانىپ، سالالارعا، تاراۋلارعا، ءوندىرىس ورىندارىنا ورتتەن ساقتانۋ حاۋىپسىزدىگى جونىندە اداقتاۋ، كەڭ كولەمدى رەتتەۋ – تۇزەتۋ قيمىلىن ورىستەتۋ كەرەك. مۇندا اداقتاۋ، رەتتەۋ – تۇزەتۋ قىزمەتىن مۇقيات، تۇبەگەيلى جۇرگىزۋدى پرينسيپ ەتىپ، ماڭىزدى كەزەڭدى مىقتى يگەرىپ، ءتۇيىندى سالا، ءتۇيىندى ءوڭىر، ءتۇيىندى ادامدارعا ءتۇيىندى تەكسەرۋ جۇرگىزىپ، ورتتەن ساقتانۋ حاۋىپسىزدىگىندەگى كومەسكى قاتەرلەردى تۇبەگەيلى اداقتاۋ كەرەك. سونىمەن بىرگە، تۇنگى تيجارات ورىندارىن، اسىرەسە، الەۋمەتتىك كوڭىل اشۋ ورىندارىن تەكسەرۋ تەبىنىن ارتتىرىپ، اداقتاۋ قىزمەتىندە ورىن تەپكەن ماسەلەلەردى دەركەزىندە رەتتەۋ – تۇزەتۋ جۇرگىزۋدى تالاپ ەتۋ، رەتتەۋ – تۇزەتۋ جاعدايىن باقىلاۋ تەبىنىن كۇشەيتۋ، جىل سوڭى مەن جاڭا جىلداعى ورتتەن ساقتانۋ حاۋىپسىزدىگى جونىندەگى ءتۇرلى قىزمەتتەردىڭ تياناقتانۋىن قامتاماسىزداندىرىپ، ءورت اپاتى كومەسكى قاتەرىن جويىپ، تۇتاس وبلىستىڭ ورتتەن ساقتانۋ حاۋىپسىزدىگى جاعدايىنىڭ ورنىقتى بولۋىنا كەپىلدىك ەتۋ كەرەك».

جاۋاپتى رەداكتور: گۇلدەن ماقسات قىزى