مادەنيەت جانە ساياحات مينيسترلىگى 2 – توپتاعى مەملەكەتتىك تۇتاس وڭىرلىك ساياحاتتان ۇلگى كورسەتەتىن رايونداردىڭ تىزىمدىگىن جاريالادى

  • كەلۋ قاينارى: ىلە گازەتى
  • 03:53:51 30/12/2020

  

  مادەنيەت جانە ساياحات مينيسترلىگى 2 – توپتاعى مەملەكەتتىك تۇتاس وڭىرلىك ساياحاتتان ۇلگى كورسەتەتىن رايونداردىڭ تىزىمدىگىن جاريالادى

    شينجياڭ ءوندىرىس – قۇرىلىس بيڭتۋانى 8 – شىسىنىڭ شىحىزى قالاسى تىزىمدىككە ەنگىزىلدى

 

    شينحۋا اگەنتتىگىنىڭ 11 – ايدىڭ 18 – كۇنى بەيجيڭنەن بەرگەن حابارى. مادەنيەت جانە ساياحات مينيسترلىگى 11 – ايدىڭ 18 – كۇنى 2 – توپتاعى مەملەكەتتىك تۇتاس وڭىرلىك ساياحاتتان ۇلگى كورسەتەتىن رايوندارىنىڭ تىزىمدىگىن جاريالادى، مۇندا بەيجيڭ قالاسىنىڭ مىنتۋگوۋ رايونىن قامتىعان 97 ورىن وسى تىزىمدىككە ەنگىزىلگەن.

    بۇل رەتكى تۇراقتاندىرۋ قىزمەتى «مەملەكەتتىك تۇتاس وڭىرلىك ساياحاتتان ۇلگى كورسەتەتىن رايونداردى تەكسەرىپ، وتكىزىپ الۋ، تۇراقتاندىرۋ جانە باسقارۋ ءادىسى (سىناق رەتىندە اتقارىلادى)»، «مەملەكەتتىك تۇتاس وڭىرلىك ساياحاتتان ۇلگى كورسەتۋ رايونىن تەكسەرىپ، وتكىزىپ الۋ ولشەمى (سىناق رەتىندە اتقارىلادى)»، ساياساتتىق قامتاماسىزداندىرۋ، الەۋمەتتىك قىزمەت وتەۋ، قامداۋ جۇيەسى، جاڭالىق اشۋ، ۇلگى كورسەتۋ سياقتى 8 جاقتى توڭىرەكتەي وتىرىپ، ماجىلىستە باعالاۋ جانە 3 – جاق قۇرىلىمىن ناق مايداندا تەكسەرۋگە ۇيىمداستىرىپ، اشىق جاريالاناتىن تىزىمدىكتى تۇراقتاندىرعان. بۇل رەت تاڭدالىپ جاريالانعانداردىڭ تىزىمدىگىندە حىبەي ولكەسى شىجياجۋاڭ قالاسىنىڭ پيڭشان اۋدانى، انحۇي ولكەسى ليۋان قالاسىنىڭ جينجياي اۋدانى، حۋبەي ولكەسى شىننۇڭجيا ورمان رايونى، گانسۋ ۇلكەسىنىڭ جيايۇگۋان قالاسى، سونداي – اق شينجياڭ ءوندىرىس – قۇرىلىس بيڭتۋانى 8 – شىسىنىڭ شىحىزى قالاسى بار.

    ۇعىسۋعا قاراعاندا، 2019 – جىلى 9 – ايدا مادەنيەت جانە ساياحات مينيسترلىگى تۇڭعىش توپتاعى مەملەكەتتىك تۇتاس وڭىرلىك ساياحاتتان ۇلگى كورسەتەتىن 71 رايوندى جاريالاعان بولاتىن، بۇلار ەكونوميكالىق، قوعامدىق دامۋدا ءبىرشاما جاقسى ۇلگىلىك، جەتەكشىلىك رول اتقارعان.

     اۋدارعان سەرىك سابىر ۇلى

جاۋاپتى رەداكتور: گۇلدەن ماقسات قىزى