ەرتەدەگىنىڭ نارىمەن بۇگىنگىنى سومدايىق، كونەنى تۇلەتىپ، جاڭالىق اشايىق

  • كەلۋ قاينارى: ىلە گازەتى
  • 03:24:20 04/01/2021

 

    ەرتەدەگىنىڭ نارىمەن بۇگىنگىنى سومدايىق، كونەنى تۇلەتىپ، جاڭالىق اشايىق

 

    (جاسامپازدىق سيپاتتى بۇرىلىس جاساۋ، جاڭالىق اشۋ سيپاتتى دامۋ جونىندە جان – جاقتى ىزدەنىس)

    يۋان شيڭپەي

 

    وزەكتى مازمۇن:

    جۇڭحۋا وركەنيەتى ۇزدىكسىز جاڭارۋ رۋحىنا يە، ول ۇزدىكسىز جاڭالانىپ، مولىعىپ جانە دامىپ وتىرادى. جۇڭحۋا مادەنيەتىنىڭ تۇراقتىلىعى، بەرىكتىگى جانە كەڭ كولەمدى قابىلداۋ قۋاتى جۇڭحۋا ۇلتىنىڭ تابيعاتىنا ۋاكىلدىك ەتكەن.

    ءداستۇرلى مادەنيەتتى زەرتتەۋدە جۇڭحۋانىڭ وزىق ءداستۇرلى مادەنيەتىنىڭ جاسامپازدىق سيپاتتى بۇرىلىس جاساۋىن، جاڭالىق اشۋ سيپاتتى دامۋىن بەلسەنە جەبەپ، ءداستۇرلى مادەنيەتتى وسىزامانعى قوعامنىڭ دامۋىنا بەيىمدەپ، وسىزامانعى وركەنيەتپەن ءوزارا سايكەستىرىپ، جۇڭحۋا مادەنيەتى سىندى وسى ءبىر الىپ بايتەرەك جاپىراعىنىڭ جايقالا اشىلۋىن جەبەۋىمىز كەرەك.

    جۇڭحۋانىڭ ءداستۇرلى مادەنيەتىن تاراتۋدا، ءسوز جوق، ونىمدىلىككە باسا ءمان بەرۋ كەرەك. شەتەل جۇرتىن بارىنشا باۋرايتىن دا، اسەرلەندىرەتىن دە اينالىپ كەلگەندە جۇڭحۋا مادەنيەتىندەگى وزىنە ءتان وزگەشە ەرەكشەلىگى، باسقا مادەنيەتپەن ءوزارا تولىعاتىن بولەگى.

    جاقىنعى جىلداردان بەرى جۇڭحۋانىڭ ءداستۇرلى مادەنيەتىنە مۇراگەرلىك ەتۋ جانە ونى دامىتۋ قوعامنىڭ ءارسالاسى كەڭ كولەمدە نازار اۋدارعان تاقىرىپ بولدى. ءداستۇرلى مادەنيەت ءبىر ۇلتتىڭ تامىرى، بەلگىسى ءارى ماقتانىشى. ءداستۇرلى مادەنيەت ءبىر ۇلتتىڭ ءوز سالاۋاتىنا دەگەن مۇراتتاستىق سەزىمىنە، تاۋەلدىلىك سەزىمىنە، سونداي – اق وسى مۇراتتاستىق سەزىم مەن تاۋەلدىلىك سەزىمگە بايلانىستى تۋىنداعان مادەنيەتتىك نامىس سەزىمىنە سايادى، ول ــ ۇلتتىڭ ۇيىسۋ قۋاتىنىڭ قاينارى. جۇڭگونىڭ ەرتە زامان ادەبيەتى مەن جۇڭحۋانىڭ ءداستۇرلى مادەنيەتىن زەرتتەۋشى رەتىندە مەن ءوز قىزمەتىممەن بىرلەستىرىپ جۇڭحۋانىڭ وزىق ءداستۇرلى مادەنيەتىنە مۇراگەرلىك ەتۋ جانە ونى دامىتۋ جونىندەگى تانىمىمدى ءبىرقانشا جاقتان ايتا كەتپەكپىن.

    جۇڭحۋا مادەنيەتىندە ۇزدىكسىز جاڭالانىپ وتىراتىن گەن بار

    ۇستەگى عاسىردىڭ باسىندا بەيجيڭ داشۋەسى مەملەكەت ءىلىمىن زەرتتەۋ ورنىنىڭ ۇيىمداستىرۋىمەن بەيجيڭ داشۋەسىنەن 36 پروفەسسور بىرلىكتە «جۇڭحۋا وركەنيەتى تاريحى» اتتى 4 تومدىق كىتاپتى جازىپ باسپادان شىعاردىق. اتالعان كىتاپتا جۇڭحۋا وركەنيەتىنىڭ دامۋ تاريحىنا جالپىلىق سيپاتتى تالداۋ جاسالدى ءارى جۇڭحۋا ۇلتىنىڭ، ءتىپتى، تۇتاس ادامزات مادەنيەتىنىڭ دامۋىنا ەرەكشە ىقپال جاساعان بەلگىلى سيپاتتى تابىستار باسا باياندالدى، جۇڭحۋا وركەنيەتىنىڭ دامۋ زاڭدىلىعى اشىپ كورسەتىلدى. اتالعان نىساننىڭ جاۋاپتىسى جانە كىتاپتىڭ باس قۇراستىرۋشىلارىنىڭ ءبىرى رەتىندە مەن وسى كىتاپتى جازۋ بارىسىندا جۇڭحۋا وركەنيەتىنىڭ تاريحي تاجىريبەلەرى، سونداي – اق ونىڭ كەزەكتەگى مادەنيەتتىڭ دامۋىنا جاساعان رولى جونىندە ۇزدىكسىز تولعانۋمەن بولدىم.

    دۇنيەدەگى بىرنەشە ءتۇرلى ەجەلگى وركەنيەتتىڭ ىشىندە جۇڭحۋا وركەنيەتى عانا ءۇزىلىس جاساماي، جالعاسىپ بۇگىنگە جەتكەن بىردەن – ءبىر وركەنيەت. مۇنداعى ماڭىزدى ءبىر سەبەپ جۇڭحۋا وركەنيەتىنىڭ ۇزدىكسىز جاڭارۋ رۋحىنا يە بولىپ، ۇزدىكسىز جاڭالانىپ، مولىعىپ جانە دامىپ وتىرعاندىعىندا. جۇڭحۋا مادەنيەتىنىڭ تۇراقتىلىعى، بەرىكتىگى جانە كەڭ كولەمدى قابىلداۋ قۋاتى جۇڭحۋا ۇلتىنىڭ تابيعاتىنا ۋاكىلدىك ەتەدى.

جاۋاپتى رەداكتور: جازيرا بولاتباي قىزى