ۋاڭ فاڭ: ەڭبەك ەرى رۋحىن ايگىلەپ، جاڭا ٴداۋىردىڭ كۇرەسكەر اۆانگاردى بولامىن

  • كەلۋ قاينارى: ىلە گازەتى
  • 03:01:19 13/01/2021

    ۋاڭ فاڭ: ەڭبەك ەرى رۋحىن ايگىلەپ، جاڭا ٴداۋىردىڭ كۇرەسكەر اۆانگاردى بولامىن

    ياڭ ۋىنجاۋ، ۋاڭ چيان (ەرىكتى تىلشىلەر)

    شينجياڭ كۇيكاي ەلەكتر شەكتى سەرىكتىگى تەحنيكا ورتالىعىنىڭ مەڭگەرۋشىسى ۋاڭ فاڭ 1996 – جىلى قىزمەتكە قاتىناسقاننان بەرى مۇقيات مىندەت اتقارىپ، شىنايى ىستەپ، شەبەر تەحنيكاسى ارقىلى سەرىكتىكتىڭ تىرەكتى تەحنيگىنە اينالدى. ول قىزمەتتە قايتپاس تەبىن، زەرەك قابىلەتى ارقىلى تەحنيكا ورتالىعىنا باسشىلىق ەتىپ، تالاي رەت سەرىكتىكتىڭ تەحنيكا جاسامپازدىعى مىندەتىن ٴساتتى ورىندادى. قاجىرلى قۇلشىنىسى جانە جاپالى زەرتتەۋىمەن 2020 – جىلى 12 ـ ايدا اۆتونوميالى رايوندىق ەڭبەك وزاتى بولىپ باعالاندى.

    ۋاڭ فاڭ 2006 – جىلى تەحنيكا ورتالىعىنىڭ مەڭگەرۋشىسى بولعاننان بەرى جاڭا ءونىم اشۋدان جازباي، سەرىكتىكتىڭ ٴوندىرىس نىسانىنىڭ تىرەكتى تەحنيكاسىنا جانە جاڭا ٴونىم جاساۋىنا جەتەكشىلىك ەتتى، تەحنيكا ورتالىعى جالپى 21 تاپقىرلىق جاراتتى، مۇنىڭ ىشىندە ول 12 ٴتۇرلى قولدانىلمالى جاڭا تيپتى تاپقىرلىق پەن تاعى ءبىر ٴتۇرلى جاڭالىقتى زەرتتەپ اشۋعا قاتىناستى. ۋاڭ فاڭ ۇيىرمەسى تاعى جوعارى ـ تومەن كەرنەۋلى ايىرىپ ـ قوسقىش ساندىعىن زەرتتەپ جاسادى ٴارى حالىقارالىق ەلەكتر سەركەسى «شىنايدى» توبىمەن سەلبەسىپ جوعارى ساپالى تۇتاس جەلىلەس ٴونىم ٴوندىردى. بۇل ونىمدەر ۇزدىكسىز جاڭالانۋ ارقىلى شينجياڭ بازارىنداعى داڭقتى ونىمگە اينالىپ، سەرىكتىكتىڭ ٴوندىرىس قۇنىن 2000 ـ جىلدىڭ باسىنداعى 20 ميلليون يۋاننان 150 ميلليون يۋانعا ارتتىرىپ، تاماشا ەكونوميكالىق ونىمگە قول جەتكىزدى.

    كۇندەلىكتى قىزمەتتە ۋاڭ فاڭ ۇنەمى وزىنە قاتاڭ تالاپ قويىپ، ءوزى ونەگە بولىپ، مۇقيات مىندەت اتقارىپ ۇلگى بولدى. سەرىكتىكتىڭ بولاشاعىنا قاجەتتى تالانتتى دارىندىلاردى سەپتەۋ ٴۇشىن ول جاس جۇمىسكەرلەرگە تەحنيكا ۇيرەتۋدى كۇندەلىكتى ماڭىزدى قىزمەت رەتىندە قاراپ، تىنباي قۇلشىنۋ ارقىلى تەحنيكا ورتالىعىنداعى تىرەكتىلەردى 4 ادامنان كوبەيتىپ 10 نەشە ادامعا جەتكىزدى.

    تۇتاس جەلىلىك تومەن كەرنەۋلى ايىرىپ ـ قوسقىش ساندىعىن جوبالاۋ قىزمەتى ٴۇشىن ول مۇقيات ماتەريال اقتارىپ، ونىمدەردىڭ ساپا كورسەتكىشىن تۇسىنگەننەن كەيىن زەرتتەۋ گرۋپپاسىن قىزمەتكە كىرىسۋگە ۇيىمداستىرىپ، 3 اي كۇندىز ـ ٴتۇنى قۇلشىنۋ ارقىلى ەڭ سوڭىندا ۇلگى ساندىعىن جاساپ شىعادى، سەرىكتىك C3 كۋالاندىرۋىنان ٴساتتى وتەدى ٴارى ٴتىپتى دە جوعارى دارەجەلى ٴونىمنىڭ نەگىزىن قالايدى. ول تەحنيكا ورتالىعى ۇيىرمەسىنە باستاماشى بولىپ، قىزمەتتە ۇزدىكسىز جاڭالىق جاراتىپ، ونىمدەردى بارعان سايىن ساپالىلاندىرىپ، سەنىمدىلىكتى ۇزدىكسىز جوعارىلاتىپ، سەرىكتىك ونىمدەرىنىڭ بەدەلىن اسقاقتاتتى.

    ۋاڭ فاڭ قىزمەتىنە توتەنشە جاۋاپكەر، تەحنيكادا ىسىلعان، قاراپايىم ورىندا ەرەن تابىستار جاراتىپ، كوممۋنيستەردىڭ اتويشىلىق، ۇلگىلىك رولىن ساۋلەلەندىردى. كوپ جىلدان بەرى ول كاسىپورىنداعى ۇزدىك جەكە، كۇيتۇن قالاسىنداعى ۇزدىك ءوندىرىسشى، ىلە وبلىستىق ەڭبەك ەرى جانە تاڭداۋلى كوممۋنيست، اۆتونوميالى رايوندىق ەڭبەك ەرى بولىپ باعالاندى.

    ۋاڭ فاڭ بىلاي دەدى: «ەڭبەك ەرى رەتىندە بۇدان كەيىنگى قىزمەتتە ەڭبەك ەرى رۋحىن، ەڭبەك رۋحىن، شەبەر رۋحىن ساۋلەلەندىرىپ، باتىلدىقپەن جاۋاپكەرلىك ارقالاپ، جاڭا ءداۋىردىڭ جوعارى ساپالى دامۋىن ىلگەرىلەتەتىن كۇرەسكەر بولامىن. مەن تەحنيكا ورتالىعى قوسىنىن ىنتىماقتاسا سەلبەسىپ، قيىندىقتان قامال الىپ، تەحنيكالىق شەبەرلىكتى بارىنشا جەتىلدىرۋگە جەتەلەپ، ونىمدەردىڭ ساپاسىن جوعارىلاتىپ، تۇتىنۋشىلاردىڭ رازىلىق دارەجەسىن جوعارىلاتىپ، شوگەلدىكپەن قىزمەت ىستەپ، اناعۇرلىم جاقسى، اناعۇرلىم ساپالى ونىمدەرىمىز ارقىلى قوعامعا قارىمجى قايتارامىن» دەدى.

جاۋاپتى رەداكتور: جازيرا بولاتباي قىزى