كەدەيلىكتەن ارىلتۋدان قامال الۋ تابىستارىن بەكەمدەيىك، كەڭەيتەيىك

  • كەلۋ قاينارى: ىلە گازەتى
  • 03:51:39 13/01/2021

      − ورتالىقتىڭ اۋىل - قىستاق قىزمەتى ءماجىلىسىنىڭ رۋحىن ۇيرەنۋ، دايەكتىلەندىرۋ جونىندە

    حالىق گازەتىنىڭ شولۋشىسى

 

    ەكىنشى 100 جىلدىق كۇرەس نىساناسىنا قادام تاستاعان تاريحي وتكەلدە، كەدەيلىكتەن ارىلتۋدان قامال الۋ تابىستارىن بەكەمدەۋ جانە كەڭەيتۋ، اۋىل - قىستاقتى گۇلدەندىرۋدى جاپپاي ىلگەرىلەتىپ، اۋىل شارۋاشىلىعىنىڭ، اۋىل - قىستاقتىڭ وسىزاماندانۋىن جەدەلدەتۋ بۇكىل پارتيانىڭ ايرىقشا ءمان بەرۋىن قاجەت ەتىپ وتىرعان، كەلەلى جاعدايعا ساياتىن ماڭىزدى ماسەلە.

    باس شۋجي شي جينپيڭ ورتالىقتىڭ اۋىل - قىستاق قىزمەتى ماجىلىسىندە بىلاي دەپ تەرەڭ اتاپ كورسەتتى: كەدەيلىكتەن ارىلتۋدان قامال الۋدا جەڭىسكە جەتكەننەن كەيىن اۋىل - قىستاقتى گۇلدەندىرۋدى جاپپاي ىلگەرىلەتۋ كەرەك، بۇل − اۋىل شارۋاشىلىعى، اۋىل - قىستاق، شارۋالار قىزمەتىنىڭ ماڭىزدى تۇيىنىندەگى تاريحي بۇرىلىس بولىپ تابىلادى. باس شۋجي شي جينپيڭ كەدەيلىكتەن ارىلتۋدان قامال الۋ تابىستارىن بەكەمدەۋ جانە كەڭەيتۋ جونىندە ايقىن تالاپتار قويىپ، كەدەيلىكتەن ارىلتۋدان قامال الۋ تابىستارىن باتىل ساقتاپ، كەدەيلىكتەن ارىلتۋدان قامال الۋ تابىستارىن بەكەمدەۋدى، كەڭەيتۋدى اۋىل - قىستاقتى گۇلدەندىرۋمەن ءونىمدى ۇشتاستىرۋدى جاقسى ىستەۋ كەرەك دەپ باسا دارىپتەدى.

    كەدەيلىكتەن ارىلتۋدان قامال الۋ − تاريحي سيپاتتى ينجەنەريا، جۇڭگو كوممۋنيستىك پارتياسىنىڭ حالىققا بەرگەن ايبىندى ۋادەسى. پارتيا 18 - قۇرىلتايىنان بەرى شي جينپيڭ جولداستى ۇيتقى ەتكەن پارتيا ورتالىق كوميتەتى حالىقتى بارىنەن جوعارى قويۋعا، ادامدى وزەك ەتۋگە تاباندى بولىپ، كەدەيلىكتەن ارىلتۋدان قامال الۋدى ەل باسقارۋدىڭ كورنەكتى ورنىنا قويىپ، كەدەي بۇقارا مەن بۇكىل ەلدەگى ءار ۇلت حالقىنىڭ دوڭگەلەك داۋلەتتى قوعامعا بىرگە بەت الىپ، بىرگە جاقسى تۇرمىس كەشىرۋىنە مۇمكىندىك جاساۋدى كەدەيلىكتەن ارىلتۋدان قامال الۋدىڭ شىعار ءتۇيىنى جانە تياناعى ەتىپ، ادامزات تاريحىنداعى كولەمى بۇرىن بولىپ كورمەگەن، تەبىنى ەڭ زور، تيىمدىلىك جەتكىزگەن حالىق سانى ەڭ كوپ كەدەيلىكتەن ارىلتۋدان قامال الۋ شايقاسىن ۇيىمداستىرىپ ىلگەرىلەتتى. 8 جىلعا جالعاسقان كۇرەس ارقىلى ءبىز جاڭا داۋىردەگى كەدەيلىكتەن ارىلتۋدان قامال الۋدىڭ نىسانا - مىندەتتەرىن ۋاقىتىندا ورىنداپ، قازىرگى ولشەمدەگى اۋىل - قىستاق كەدەي حالىق سانى تۇگەلدەي كەدەيلىكتەن ارىلدى، كەدەي اۋداندار تۇگەلدەي كەدەيلىك قالپاعىن الىپ تاستادى، مۇلدەم كەدەيلىك پەن وڭىرلىك تۇلعالىق كەدەيلىكتى الاستاپ، 100 ميلليونعا جۋىق كەدەي حالىقتى كەدەيلىكتەن ارىلتۋدى جۇزەگە اسىرىپ، بۇكىل دۇنيە ءجۇزىن جالت قاراتقان كەلەلى جەڭىسكە جەتتىك. بۇل كەلەلى جەڭىس ءبىرىنشى 100 جىلدىق كۇرەس نىساناسىن جۇزەگە اسىرۋعا بەرىك نەگىز قالاپ، حالىق بۇقاراسىنىڭ تابىس سەزىمىن، باقىت سەزىمىن، حاۋىپسىزدىك سەزىمىن زور دارەجەدە كۇشەيتتى؛ بۇل كەلەلى جەڭىس پارتيانىڭ باسشىلىعى مەن ەلىمىز سوتسياليستىك ءتۇزىمىنىڭ ساياسي ابزالدىلىعىن ايگىلەپ، بۇكىل دۇنيە جۇزىنە پارتيامىزدىڭ ميلليارد حالىققا باسشىلىق ەتىپ كەرەمەتتەردى جاراتقاندىعىن كورسەتتى.

    باس شۋجي شي جينپيڭ بىلاي دەپ تەرەڭ اتاپ كورسەتتى: «كەدەيلىكتەن ارىلتىپ كەدەيلىك قالپاعىن الىپ تاستاۋ − سوڭعى كومبە ەمەس، جاڭا تۇرمىس، جاڭا كۇرەستىڭ باستاماسى. كەلەسىدە اۋىل - قىستاقتى گۇلدەندىرۋ سىندى كەلەلى ءىستى ويداعىداي ىستەپ، اۋىل - قىستاقتا كاسىپ سالاسىنىڭ، دارىندىلاردىڭ، مادەنيەتتىڭ، ەكولوگيانىڭ، ۇيىمنىڭ، ت. ب. جاپپاي گۇلدەنۋىن ىلگەرىلەتۋ كەرەك».

جاۋاپتى رەداكتور: گۇلدەن ماقسات قىزى