قۇلجا اۋدانىنىڭ عىلىم - تەحنيكا ارناۋلى قىزمەتكەرلەرى جەمىس، ورمان شارۋاشىلىعىنىڭ دامۋىنا كۇش قوستى

  • كەلۋ قاينارى: ىلە گازەتى
  • 09:58:44 15/01/2021

  

    ءتىلشىمىز گو جۇن حابارلايدى. 12 - ايدىڭ 25 - كۇنى اينالانى اق قار قىمتاپ، سۋىق سۇيەكتى قارىپ تۇرسا دا، قۇلجا اۋدانىنىڭ جاڭاتام قالاشىعى دولان 3 - الەۋمەتتىك اۋماعىنىڭ جەمىس باپكەرى تۇرسىن نيازدىڭ جەمىس باقشاسىندا ءبىرقانشا جەمىس باپكەرى جەمىس ەگۋدىڭ جەرگىلىكتى مامانى ۋاڭ جيانجياڭدى قورالاي وتىرىپ، ودان جەمىس اعاشىن بۇتاۋ تەحنيكاسىنان ساباق الۋدا ەدى. قاقاعان قىس ىزعارى ولاردىڭ تەحنيكا ۇيرەنۋ قىزعىندىلىعىن مۇقالتا المادى. شاكىرتتەر ۇستازدارىنىڭ ەگجەي – تەگجەيلى تۇسىندىرۋىنە مۇقيات قۇلاق استى.

    ۇعىسۋعا قاراعاندا، قۇلجا اۋدانى عىلىم - تەحنيكا ارناۋلى قىزمەتكەرلەرىنىڭ، جەمىس باپتاۋ ماماندارىنىڭ جانە اۋىل ىسكەرلەرىنىڭ رولىن تولىق ساۋلەلەندىرىپ جەمىس اعاشىن قىستا بۇتاۋ تەحنيكاسىن ۇيرەنۋ قيمىلىن ورىستەتىپ، جەمىس اعاشى باپكەرلەرىنىڭ جەمىس اعاشىن بۇتاۋ ورەسىن جوعارىلاتىپ، جەمىس كاسىبىنىڭ دامۋىن ساپالىلاندىرۋعا ويىسقان.

    ۋاڭ جيانجياڭنىڭ جەمىس ەگۋمەن شۇعىلدانعانىنا ون نەشە جىل بولعان، جايشىلىقتا قۇلشىنا ۇيرەنىپ، كىتاپ وقۋ ارقىلى اۋماقتىڭ جانە اۋداننىڭ ۇيىمداستىرعان جەمىس اعاشىن باپتاۋ تەحنيكاسىن ۇيرەنۋ كۋرستارىنا قاتىناسىپ، جەمىس باپكەرلەرىمەن جانە تەحنيكتەرمەن كاسىپ جونىندە ۇنەمى تالقى ورىستەتىپ، جەمىس اعاشىن جۇيەلى، عىلمي باعىپ - باسقارۋ تەحنيكاسىن يگەردى، سونداي - اق مول ەگىمشىلىك تاجىريبەلەرىن جيناپ، جەرگىلىكتى ورىنعا اتى بەلگىلى جەمىس ەگۋدىڭ مامانىنا اينالىپ، ءار جىلعى ەككەن المالارى بازاردا ءوتىمدى بولىپ، ەكونوميكالىق كىرىسى نەداۋىر ارتتى. الايدا ۋاڭ جيانجياڭ استە ءوزى عانا اۋقاتتانۋدى كوزدەمەي، باسقا دا جەمىس ەگۋمەن اينالىساتىن اۋىلداستارىنىڭ دا دوڭگەلەك داۋلەتتى تۇرمىسقا جەتۋىنە باستاماشىلىق ەتتى.

    «ءبىر ادامنىڭ كۇش - قۋاتى شەكتى، كوپ بولىپ ۇيىمداسقاندا بەلگىلى كولەم قالىپتاسادى، ولارعا تەحنيكاممەن پايدا جەتكىزىپ، كوپشىلىككە جەمىس سيرەتۋ، جەمىس اعاشىن بۇتاۋ، جەمىس قاپتاۋ سياقتى عىلمي ەگىمشىلىك ونەرىن ۇيرەتتىم، وسىلايشا ولاردىڭ جەمىس ساپاسى جوعارىلاپ، بازارداعى ساتىلىمى كۇسەت بولدى». ۋاڭ جيانجياڭنىڭ ايتۋىنشا، دولان الماسىن كوپ مولشەردە ىشكى ولكەلەرگە جوتكەۋ ءۇشىن ول جەمىس باپكەرلەرىنە ەگۋ تەحنيكاسىن قولما –قول ۇيرەتۋدى ادەتىنە اينالدىرعان.

    تۇرسىننىڭ 20 مۋ جەمىس باعى ۋاڭ جيانجياڭنىڭ جەمىس باعىنىڭ قاسىندا، ول باعبانشىلىقتى باسقارۋ قىزمەتىندە نەندەي ءبىر تەحنيكالىق قيىنشىلىققا ءدوپ كەلسە، ۋاڭ ۇستازدان نۇسقاۋ سۇرايدى. تۇرسىن: «بيىل ۋاڭ ۇستازدىڭ المالارىنىڭ ساتىلۋى كۇسەت بولدى، مەنىڭ تەحنيكالىق ورەم جەتكىلىكتى بولماعاندىقتان المالارىمنىڭ قۇنى ۋاڭ ۇستازدىڭ المالارىنا جەتپەي قالدى، بۇگىن بىرنەشە جەمىس باپكەرىن باققا شاقىرىپ، ۋاڭ ۇستازدان ساباق الىپ وتىرمىز. باپكەرلىك ساپامىز جوعارىلاسا، كىرىسىمىزدىڭ دە مولاياتىندىعى داۋسىز» دەدى كۇلىمسىرەي.

    جاڭاتام قالاشىعى دولان رايونى پارتكومىنىڭ مۇشەسى ۋاڭ حايرۇڭنىڭ تانىستىرۋىنشا، قازىر دولان رايونىندا جەمىس ەگىلگەن اۋماق 3 مىڭ مۋدان اسادى ەكەن. باعبانداردىڭ ساپا تانىمىن جوعارىلاتۋ ٴۇشىن، ولار باعبانداردى «تەحنيكا ۇيرەنۋ، ساپانى جوعارىلاتۋ، كىرىستى ارتتىرۋعا» جەتەلەگەن. سىرتتان تەحنيك ۇسىنىس ەتۋ، جەرگىلىكتى دارىندىلاردىڭ باستاماشىلىعىن ساۋلەلەندىرۋ ارقىلى باعبانداردىڭ عىلمي باسقارۋ ورەسىن جوعارىلاتقان. ۋاڭ حايرۇڭ: «بيىل قىستا جەمىس اعاشتارىن بۇتاۋ ارقىلى باعباندارعا ناق مايداندا تاربيە جۇرگىزدىك، جەمىس اعاشتارىمىز كەلەر جىلى ساپالى جەمىس بەرىپ، شارۋالاردىڭ كىرىسى ارتاتىن بولادى. مۇنداي ۇلگىمەن تاربيەلەسەك، باعبانداردىڭ دا بەلسەندىلىگى كۇشەيەدى» دەدى.

جاۋاپتى رەداكتور: گۇلدەن ماقسات قىزى