قورعاس ەكونوميكالىق اشۋ رايونىنىڭ قۇلجا باقشا رايونى جاڭا جىلدى ءساتتى باستامامەن قارسى الدى

  • كەلۋ قاينارى: ىلە گازەتى
  • 09:01:43 15/01/2021

    500 ميلليون يۋان قارجى قوسىلعان ءىرى نىسان كەلىسىمىنە قول قويىلدى

    قورعاس ەكونوميكالىق اشۋ رايونىنىڭ قۇلجا باقشا رايونى جاڭا جىلدى ءساتتى باستامامەن قارسى الدى

 

    ءتىلشىمىز جاڭ چيڭحۋا حابارلايدى. شينجياڭ شيندا ەلەكتر جابدىقتارى شەكتى سەرىكتىگى 500 ميلليون يۋان قارجى قوسقان زەردەلى ەلەكتر جەتكىزۋ، ەلەكتر ۇلەستىرۋ اسپابىن، جوعارى، تومەن كەرنەۋلى ايىرىپ - قوسقىش ساندىعىن، ورتانى قورعاۋ اسپابىن جاساۋ نىسانى 1 – ايدىڭ 11 – كۇنى قورعاس ەكونوميكالىق اشۋ رايونىنىڭ قۇلجا باقشا رايونىنا رەسمي ىرگە تەپتى. بۇل بيىل قۇلجا باقشا رايونى ەنگىزگەن ەڭ العاشقى ءىرى نىسان رەتىندە باقشا رايونىنىڭ ساۋداگەر شاقىرىپ، قارجى ەنگىزۋدى ءساتتى باستاۋىن جۇزەگە اسىردى.

    سوناۋ الىستاعى جىجياڭ ولكەسىنەن ىلەگە كەلىپ، نەبارى ەكى اپتا ۋاقىتپەن كوزدەن كەشىرۋ، كەڭەس وتكىزۋ ارقىلى 500 ميلليون يۋان قارجى قوسۋى جىجياڭدىق ساۋداگەرلەردىڭ باتىلدىعى مەن كوز اياسىن ايگىلەدى.

    شينجياڭ شيندا ەلەكتر جابدىقتارى شەكتى سەرىكتىگىنىڭ باس ديرەكتورى شۇي شۇيپيڭ بىلاي دەدى: «ءبىز قورعاس ەكونوميكالىق اشۋ رايونىنىڭ ءتيىمدى ساياساتىن ۇناتىپ قانا قالماي، قۇلجا باقشا رايونىنىڭ تاماشا ساۋدا ورتاسى مەن جوعارى ءونىمدى جۇمىس ءبىتىرۋ ونىمدىلىگىن ءتىپتى دە ۇناتتىق. مەملەكەتتىڭ باتىس بولەكتى قاۋىرت اشۋ، ‹ءبىر بەلدەۋ، ءبىر جول› دارىپتەمەسى مەن شىعىس بولەكتەگى كاسىپتەردىڭ باتىس بولەككە ويىسۋىنىڭ ارقاسىندا قورعاس ەكونوميكالىق اشۋ رايونىنىڭ ورىن ابزالدىعى ءتىپتى دە كورنەكتىلەندى، بۇل ارانىڭ ساۋدا ورايى شەكسىز، كاسىپورىننىڭ دامۋى مەن قارجى قوسۋ بەتالىسىنا ۇيلەسەدى».

    شينجياڭ شيندا ەلەكتر جابدىقتارى شەكتى سەرىكتىگى — جوعارى ورەلى جاساۋ كاسىبىمەن شۇعىلداناتىن، ەلەكتر جەتكىزۋ، ەلەكتر ۇلەستىرۋ جابدىعى مەن جوعارى، تومەن كەرنەۋلى ەلەكتر كاسىبىنە قارجى قوساتىن سەرىكتىك ءارى جوعارى ورەلى جاساۋ كاسىبىمەن جانە ونىمدەرىن ساتاۋمەن شۇعىلداناتىن بۇكىل ەلىمىزدىڭ جەر – جەرىنە تارالعان قوسىن.

    شۇي شۇيپيڭ بىلاي دەپ قارادى: «قورعاس ەكونوميكالىق اشۋ رايونىندا قارجى قوسىپ زاۆود قۇرعاندا شينجياڭدا تابان تىرەپ تۇرۋعا، بۇكىل ەل بازارىمەن ۇشتاسۋعا بولادى ءارى ورتا ازيا جانە ەۆروپا بازارىنا بەت الۋعا بولادى، بۇل جوعارى ورەلى ەلەكتر جەتكىزۋ، ەلەكتر ۇلەستىرۋ اسپابىن دۇنيە جۇزىنە بەتالدىرۋداعى ەڭ تاماشا ورىن».

    بۇل نىساندى ەكى جىل ىشىندە سالىپ بولۋ جوسپارلانىپ، وندىرىسكە قوسىلعاننان كەيىن جىلدىق ءوندىرىس قۇنى ءبىر ميلليارد يۋانعا جەتىپ، جەرگىلىكتى ورىنداعى 500 دەن استام ادامدى جۇمىستاندىراتىندىعى مەجەلەندى.

    قورعاس ەكونوميكالىق اشۋ رايونى قۇلجا باقشا رايونى ەكونوميكا – ساۋدانى دامىتۋ مەكەمەسىنىڭ ورىنباسار باستىعى چي في بىلاي دەدى: «نىسانعا قول قويىلعاننان كەيىن، ءبىز ارناۋلى ادام ورنالاستىرىپ، ءبىر – بىرلەپ سوڭىنا ءتۇسىپ قىزمەت وتەپ، نىساننىڭ كوكتەمنىڭ باسىندا جۇمىس باستاۋىنا نەگىز قالادىق».

جاۋاپتى رەداكتور: جازيرا بولاتباي قىزى