پارتيانىڭ سوتسياليستىك وسىزامانداندىرۋ قۇرىلىسىنا جالپى بەتتىك باسشىلىعىن كۇشەيتەيىك

  • كەلۋ قاينارى: ىلە گازەتى
  • 03:07:57 21/01/2021

    پارتيانىڭ سوتسياليستىك وسىزامانداندىرۋ قۇرىلىسىنا جالپى بەتتىك باسشىلىعىن كۇشەيتەيىك

    − باس شۋجي شي جينپيڭنىڭ ولكە - مينيسترلىك دارەجەلى نەگىزگى باسشى كادرلاردىڭ ارناۋلى تاقىرىپتىق زەرتتەۋ - تالقى كۋرسىندا سويلەگەن ماڭىزدى ءسوزىن ۇيرەنۋ، دايەكتىلەندىرۋ جونىندە

    حالىق گازەتىنىڭ شولۋشىسى

 

    پارتيا، ۇكىمەت، ارميا، حالىقتىق قۇرىلىم، عىلىم - ءبىلىم سالاسى سياقتى بارلىق سالاعا جانە بارلىق جەرگە پارتيا باسشىلىق ەتەدى. ولكە - مينيسترلىك دارەجەلى نەگىزگى باسشى كادرلاردىڭ پارتيا 19 - كەزەكتى ورتالىق كوميتەتى بەسىنشى جالپى ءماجىلىسىنىڭ رۋحىن ۇيرەنۋ، دايەكتىلەندىرۋ جونىندەگى ارناۋلى تاقىرىپتىق زەرتتەۋ - تالقى كۋرسىنىڭ وقۋ باستاۋ سالتىندا باس شۋجي شي جينپيڭ جاپپاي سوتسياليستىك وسىزاماندانعان مەملەكەت قۇرۋ جالپى جاعدايى بيىگىندە تۇرىپ، جاڭا دامۋ كەزەڭىن تياناق ەتۋدى، جاڭا دامۋ ۇستانىمىن دايەكتىلەندىرۋدى، جاڭا دامۋ ارناسىن قالىپتاستىرۋدى كوزدە ۇستاپ، جوعارى ساپالى دامۋدى ىلگەرىلەتىپ، پارتيانىڭ سوتسياليستىك وسىزامانداندىرۋ قۇرىلىسىنا جالپى بەتتىك باسشىلىعىن كۇشەيتۋ كەرەكتىگىن باسا دارىپتەدى.

    پارتيا 18 - قۇرىلتايىنان بەرى پارتيا مەن مەملەكەت ىستەرىندە تاريحي سيپاتتى جەتىستىكتەرگە قول جەتكىزۋدىڭ، تاريحي سيپاتتى وزگەرىستەر تۋىلۋىنىڭ ءتۇبىرلى سەبەبى شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا. بۇكىل پارتياعا، بۇكىل ەلدەگى ءار ۇلت حالقىنا باسشىلىق ەتىپ تاريحتا سيرەك كەزدەسەتىن حاۋىپ - قاتەرلەردى، سىن - سايىستاردى جەڭۋدە، جاڭا داۋىردەگى جۇڭگوشا سوتسياليزم ىستەرىن قايراتتانا ىلگەرىلەتۋدە شي جينپيڭ جولداستى ۇيتقى ەتكەن پارتيا ورتالىق كوميتەتى شەشۋشى رول اتقاردى. پارتيا 19 - كەزەكتى ورتالىق كوميتەتىنىڭ بەسىنشى جالپى ءماجىلىسى «پارتيانىڭ جالپى بەتتىك باسشىلىعىنا تاباندى بولۋدى» «14 - بەسجىلدىق» مەزگىلىندەگى ەكونوميكالىق، قوعامدىق دامۋدا، ءسوزسىز، بويسۇنۋعا ءتيىستى ماڭداي الدى پرينسيپ ەتىپ، «14 - بەسجىلدىق» جوبانى جانە 2035 - جىلعا دەيىنگى بولاشاقتىق نىسانانى جۇزەگە اسىرۋدا، ءسوز جوق، پارتيانىڭ جالپى بەتتىك باسشىلىعىنا تاباندى بولىپ، بارلىق بەلسەندى فاكتورلاردى تولىق جۇمىلدىرىپ، ىنتىماقتاسۋعا بولاتىن بارلىق كۇشتەرمەن كەڭ كولەمدە ىنتىماقتاسىپ، دامۋدى ىلگەرىلەتەتىن پارمەندى بىرىككەن كۇش قالىپتاستىرۋدى اتاپ كورسەتتى. اماليات پارتيانىڭ جالپى بەتتىك باسشىلىعىنا تاباندى بولۋ مەملەكەت پەن ۇلتتىڭ گۇلدەنىپ - كوركەيۋىنىڭ ءتۇبىرلى تياناعى، بۇكىل ەلدەگى ءار ۇلت حالقىنىڭ باقىتىنىڭ، امان - ەسەندىگىنىڭ ءتۇبىرلى تياناعى ەكەندىگىن دالەلدەدى ءارى دالەلدەي بەرمەك. جاپپاي سوتسياليستىك وسىزاماندانعان قۋاتتى مەملەكەت قۇرىپ، جۇڭحۋا ۇلتىنىڭ ۇلى گۇلدەنۋىن جۇزەگە اسىرۋدا، ءسوز جوق، جۇڭگو كوممۋنيستىك پارتياسىنىڭ باسشىلىعىنا تيتتەي دە اۋىتقىماستان تاباندى بولۋ كەرەك.

    باس شۋجي شي جينپيڭ بىلاي دەپ باسا دارىپتەدى: «پارتيا 19 - كەزەكتى ورتالىق كوميتەتى بەسىنشى جالپى ءماجىلىسىنىڭ رۋحىن دايەكتىلەندىرۋدى، تياناقتاندىرۋدى پارتيا 19 - كەزەكتى ورتالىق كوميتەتى ءتورتىنشى جالپى ءماجىلىسىنىڭ رۋحىن دايەكتىلەندىرۋمەن، تياناقتاندىرۋمەن تىعىز بىرلەستىرىپ، مەملەكەتتى جونگە سالۋ جۇيەسى مەن جونگە سالۋ قابىلەتىن وسىزامانداندىرۋدى ۇزدىكسىز ىلگەرىلەتىپ، پارتيانىڭ سوتسياليستىك وسىزامانداندىرۋ قۇرىلىسىنا باسشىلىعىنىڭ فۋنكتسيالىق سەپتەلۋ جاعىندا اناعۇرلىم عىلمي، ۇيلەسىمدى بولۋىن، ءتۇزىلىس - مەحانيزم جاعىندا اناعۇرلىم تولىق، كەمەلدى بولۋىن، جۇمىس جۇرگىزۋ، باسقارۋ جاعىندا اناعۇرلىم جوعارى ءونىمدى بولۋىن ىلگەرىلەتۋ كەرەك». جۇڭگوشا سوتسياليزم ءتۇزىمى − قاتاڭ، كەمەلدى عىلمي ءتۇزىم جۇيەسى، مۇنىڭ ىشىندە جەتەكشىلىك ورىندا تۇراتىنى پارتيانىڭ باسشىلىق ءتۇزىمى. پارتيانىڭ باسشىلىعى − جۇڭگوشا سوتسياليزم ءتۇزىمىنىڭ ەڭ ءتۇبىرلى ەرەكشەلىگى، جۇڭگوشا سوتسياليزم ءتۇزىمىنىڭ ەڭ ۇلكەن ارتىقشىلىعى ەكەندىگىن، پارتيانىڭ باسشىلىق ءتۇزىمى ەلىمىزدىڭ ءتۇبىرلى باسشىلىق ءتۇزىمى ەكەندىگىن تولىق تانىپ جەتۋ كەرەك.

جاۋاپتى رەداكتور: جازيرا بولاتباي قىزى