داردامتى قالاشىعىنىڭ قىسقى كوكونىستەرى جۇرت كوڭىلىنەن شىعىپ، ءوندىرۋ، ساتۋ جاعىندا قوس ونىمدىلىك جاراتتى

  • كەلۋ قاينارى: ىلە گازەتى
  • 03:14:40 25/01/2021

    سۋرەتتە: لاتۋك ورۋدان كورىنىس          دۋ لەي فوتوسى

    ٴتىلشىمىز دۋ لەي حابارلايدى.

 1 ـ ايدىڭ 14 ـ كۇنى سىرتتا قاپالاقتاپ قار جاۋىپ تۇرعانىمەن، قۇلجا قالاسى داردامتى قالاشىعى ۋاڭدا كوكونىس ەگۋ بازاسىندا كوكونىستەر جايقالىپ، بازادان تىرشىلىك لەبى ەستى. ۋاڭدا كوكونىس ەگۋ بازاسىنىڭ تەحنيگى شيۇڭ جىميڭ: «قىس كىرگەننەن بەرى بازاداعى ەگىمشى وتباسىلار قىسقى وندىرىسكە قاۋىرت كىرىستى، نەگىزىنەن بالدىركوك، لاتۋك، اس سۇتتىگەن سياقتى كوكونىستەر ەگىلەدى. قازىر بازادا وندىرىسكە پايدالانىلاتىن ٴبىر مىڭ 500 دەن ارتىق جىلىجاي بار، ٴار كۇنى 10 توننادان ارتىق كوكونىس ٴوندىرىلىپ، كوكونىسپەن قامداۋعا كەپىلدىك ەتىلەدى» دەدى.

    ٴتىلشى ەگىمشى وتباسى چىن سۋميڭنىڭ جىلىجايىنان پىسقان لاتۋكتىڭ ٴتۇسىمى كىسىنى باۋرايتىنىن، چىن سۋميڭ مەن كۇيەۋى لي جينگۇيدىڭ كوكونىس تەرىپ جۇرگەنىن كوردى؛ چىن سۋميڭ: «قازىر لاتۋكتىڭ ٴار كيلوگرامىنىڭ باعاسى 4 يۋان، ٴبىر جىلىجايداعى لاتۋكتى 7 مىڭ يۋان اينالاسىندا ساتامىز» دەدى.

    بيىل چىن سۋميڭنىڭ وتباسى ٴتورت جىلىجايعا جاپىراقتى كوكونىس ەككەن، قازىر لاتۋك نەگىزىنەن ساتىلىپ بولىپ، جىلىجايدا اس سۇتتىگەن كوكتەي باستاپتى، مولشەرمەن 3 ـ ايدىڭ باسىندا بازارعا شىعارىلماق.

    چىن سۋميڭ تىلشىگە: «كوكونىسپەن قامداۋعا كەپىلدىك ەتۋ ٴۇشىن ۇلاستىرىپ ەگۋ ٴادىسىن قولدانامىز. ادەتتە جىلىنا 6 – 7 رەت ٴونىم الىنسا، ٴبىر جىلىجايدان 20 مىڭ يۋان اينالاسىندا كىرىس كىرەدى» دەدى.

   

جاۋاپتى رەداكتور: جازيرا بولاتباي قىزى