2020 - جىلى شينجياڭنىڭ وڭىرلىك ءوندىرىس جالپى ءونىم قۇنى سايكەس مەزگىلدەگىدەن %3.4 ارتتى

  • كەلۋ قاينارى: تيانشان تورى
  • 08:58:53 29/01/2021

 

 تۇراقتى مۇلىككە قوسىلعان قارجىنىڭ ارتۋ قارقىنى بۇكىل ەل بويىنشا ءبىرىنشى ورىندى، كولەمنەن جوعارى ونەركاسىپتىڭ ارتقان قۇنىنىڭ ارتۋ قارقىنى بۇكىل ەل بويىنشا ەكىنشى ورىندى يەلەدى

 

    انار بۇلت/شينجياڭ گازەتىنىڭ تىلشىلەرى ليۋ شياڭ، شى شين 1 - ايدىڭ 27 - كۇنى ۇرىمجىدەن حابارلايدى. 1 - ايدىڭ 27 - كۇنى 2020 - جىلعى شينجياڭنىڭ حالىق شارۋاشىلىعىنىڭ اينالىم جاعدايى جونىندەگى اقپار جاريالاۋ ءماجىلىسى ۇرىمجىدە اشىلدى، وڭىرلىك ءوندىرىس جالپى ءونىم قۇنىنا جاسالعان ءبىر تۇتاس ەسەپتىڭ ناتيجەسىنە نەگىزدەلگەندە، 2020 - جىلى شينجياڭنىڭ وڭىرلىك ءوندىرىس جالپى ءونىم قۇنى ءبىر تريلليون 379 ميلليارد 758 ميلليون يۋان بولىپ، سالىستىرۋعا بولاتىن باعامەن ەسەپتەگەندە الدىڭعى جىلداعىدان %3.4 ارتقان.

    اۆتونوميالى رايوندىق ساناق مەكەمەسى پارتيا باسشىلىق گرۋپپاسىنىڭ شۋجيى، مەكەمە باستىعى شۇي بين بىلاي دەدى: 2020 - جىلى توسىن تۋىلعان جاڭا تيپتى ايدارشا ۆيرۋس وكپە قابىنۋ ىندەتى الا كەلگەن قاتاڭ سىناق جانە كۇردەلى دە الماعايىپ ەل ءىشى - سىرتى ورتاسى الدىندا بۇكىل رايون جوعارىدان تومەنگە دەيىن قوعام ورنىقتىلىعى مەن باياندى تىنىشتىق باس نىساناسىن مىقتى ۇستاپ، ورنىقتىلىق بارىسىندا ىلگەرىلەۋ قىزمەت جالپى ارناسىنا تاباندى بولىپ، جۇيە كوزقاراسىنا تاباندى بولىپ، ”التىنى ورنىقتىرۋ“ قىزمەتىن تىڭعىلىقتى جاقسى ىستەپ، ”التىنى قامتاماسىز ەتۋ“ مىندەتىن جالپى بەتتىك تياناقتاندىرىپ، ىندەتتەن ساقتانۋ - تىزگىندەۋ مەن ەكونوميكالىق، قوعامدىق دامۋدى ءبىر تۇتاس جوسپارلاپ ىلگەرىلەتتى. بۇكىل رايوننىڭ ەكونوميكالىق اينالىمىندا ءوندىرىس ۇزدىكسىز جوعارىلاۋ، سۇرانىس ورنىقتى قالپىنا كەلۋ، حالىق تۇرمىسىن قامتاماسىز ەتۋ پارمەندى بولۋ، مەجە بەلسەندى تۇردە جاقسارۋداي تاماشا دامۋ اۋقىمى جارىققا شىعىپ، ”13 - بەسجىلدىقتى“ تابىسپەن اياقتاتۋعا، ”14 - بەسجىلدىقتى“ جاقسى باستاۋعا، جاقسى قادام تاستاۋعا بەرىك نەگىز قالادى.

    2020 - جىلى شينجياڭنىڭ 1 - كاسىبىنىڭ ارتقان قۇنى 198 ميلليارد 128 ميلليون يۋان بولىپ، %4.3 ارتىپ، ەكونوميكانىڭ ارتۋىنا قوسقان ۇلەس مولشەرى %18.0 بولدى؛ 2 - كاسىپتىڭ ارتقان قۇنى 474 ميلليارد 445 ميلليون يۋان بولىپ، %7.8 ارتىپ، ەكونوميكانىڭ ارتۋىنا قوسقان ۇلەس مولشەرى %79.0 بولدى؛ 3 - كاسىپتىڭ ارتقان قۇنى 707 ميلليارد 185 ميلليون يۋان بولىپ، %0.2 ارتىپ، ەكونوميكانىڭ ارتۋىنا قوسقان ۇلەس مولشەرى %3.0 بولدى.

    2020 - جىلى شينجياڭدا تۇراقتى مۇلىككە قوسىلعان قارجى (شارۋا وتباسىلارىن قامتىمايدى) الدىڭعى جىلداعىدان %16.2 ارتىپ، ارتۋ قارقىنى الدىڭعى جىلداعىدان 13.7 پايىز جوعارىلاپ، بۇكىل ەل بويىنشا ءبىرىنشى ورىندى يەلەدى. كولەمنەن جوعارى ونەركاسىپتىڭ ارتقان قۇنى الدىڭعى جىلداعىدان %6.9 ارتىپ، ارتۋ قارقىنى الدىڭعى جىلداعىدان 2.2 پايىز جوعارىلاپ، بۇكىل ەل بويىنشا 2 - ورىندى يەلەدى.

جاۋاپتى رەداكتور: گۇلدەن ماقسات قىزى