قاق قىستاعىنىڭ تۇرعىندارى بىرگە اۋقاتتاندى

  • كەلۋ قاينارى: ىلە گازەتى
  • 03:14:18 06/02/2021

    تاپسىرىس بويىنشا ءوندىرىپ، ءبىر تۇتاس ساتتى

    قاق قىستاعىنىڭ تۇرعىندارى بىرگە اۋقاتتاندى

 

    ءتىلشىمىز جاڭ جينفىڭ كۇنەستەن حابارلايدى. ءتىلشى 1 – ايدىڭ 22 – كۇنى كۇنەس اۋدانى سوربۇلاق قالاشىق ۇكىمەتىنەن قاق قىستاعىنىڭ شارۋالاردىڭ كاسىپتىك سەلبەستىك كووپەراتيۆىن قۇرۋ ارقىلى كۇرىش شارۋاشىلىعىن دامىتىپ، شارۋالاردىڭ كىرىسىن ارتتىرىپ، اۋىل – قىستاقتىڭ كوركەيۋىن جەبەگەنىن ۇعىستى. تاپسىرىس بويىنشا ءوندىرۋ، كووپەراتيۆ ءبىر تۇتاس ساتۋ ارقىلى كۇرىش باعاسىن كيلوگرامىنا 4 فىن اينالاسىندا جوعارىلاتىپ، ءار وتباسىنىڭ ورتاشا كىرىسىن بۇرىنعى جىلداعىدان 40 مىڭ يۋانعا جۋىق ارتتىرىپتى.

    قاق قىستاعىندا 170 وتباسى 530 جان سانى بار، قىستاق تۇرعىندارى كۇرىش ەگۋدى نەگىز ەتەدى. بۇل قىستاق 1985 – جىلى كۇرىش ەگە باستاعان، ول كەزدەگى ەگىس اۋماعى 700 مۋدان اساتىن. 21 – عاسىر كىرگەننەن بەرى كۇرىش ەگۋ اۋماعى جىل سايىن ارتىپ، 20 مىڭ مۋدان استى. وتكەن جىلى بۇل قىستاق 15 مىڭ مۋ جەرگە كۇرىش ەگىپ، كۇرىشتەن 6 مىڭ 500 توننا ءونىم العان، كۇرىشتىڭ ەگىلۋ اۋماعى مەن ءونىم مولشەرى بۇكىل اۋدان بويىنشا تورتتەن ءۇش بولەكتى يەلەپ، اۋدان جاعىنان «كۇرىش ەگۋدەگى 1 - قىستاق» اتاعىنا يە بولعان.

    كۇرىشتىڭ ەگىلۋ اۋماعى كەڭ، قىستاق تۇرعىندارىنىڭ كۇرىش ەگۋ تاجىريبەسى مول، الايدا كۇرىش تۇقىمىنىڭ السىرەۋى، قىستاق تۇرعىندارىنىڭ كولەمدى ونىمدىلىك قالىپتاستىرا الماۋى سياقتى سەبەپتەردەن ەگىنشى وتباسىلاردىڭ كىرىسىن ارتتىرۋى قيىنعا سوعىپ، كۇرىش ەگۋ بەلسەندىلىگى ىقپالعا ۇشىراعان بولاتىن.

    مۇنداي جاعدايدى وزگەرتۋ ءۇشىن، سوربۇلاق قالاشىعىنىڭ كەدەيلىكتەن ارىلتۋدان قامال الۋ شايقاسىن اشىق – اشكەرە قاداعالاۋعا جاۋاپتى باسشىسى، وبلىستىق ساياسي كەڭەستىڭ باس حاتشىسى كۇڭ ليڭشىڭ قىستاقتاعى كۇرىش ەگەتىن وتباسىلارىنىڭ كىرىسىن ارتتىرۋ ماسەلەسىنە باسا نازار اۋدارىپ، قولباسشىلىق ەتىپ، قىستاقتىڭ كۇرىش ەگىمشىلىك كووپەراتيۆىن قۇرۋىنا بارىنشا قولداۋ كورسەتتى. سوربۇلاق قالاشىق پارتكوم مەن ۇكىمەت «ءبىر قىستاقتا ءبىر ءونىم بولۋ» ستراتەگياسىن ءدال ۋاعىندا العا قويىپ، قاق قىستاعىندا كۇرىش ەگىمشىلىك كاسىبىن «ءبىر قىستاقتا ءبىر ءونىم بولۋدىڭ» قامال الۋ باعىتى ەتۋدى بەلگىلەدى. 2020 – جىلى 7 – ايدا قالاشىق ۇكىمەتىنىڭ، قىستاق ەكى كوميتەتىنىڭ جانە «ۇعىسۋ، تيىمدىلىك جاساۋ، توعىستىرۋ» قىزمەت اترەتىنىڭ بىرگە قۇلشىنۋىندا كۇنەس اۋداندىق ۋيحۋ كۇرىش ەگىمشىلىك كووپەراتيۆى قۇرىلدى. كووپەراتيۆ القالار مۇشەسىنىڭ جان – جاققا شاپقىلاۋىندا، كوپ جاقپەن بايلانىس جاساۋىندا شينجياڭ جياڭلياڭ كۇرىش شارۋاشىلىعى شەكتى جاۋاپكەرلىك سەرىكتىگى، بيڭتۋان 4 – ديۆيزياسى 72 – تۋانى لۇيزى كۇرىش مانەرلەۋ زاۆودى، قارابۋرا قالاشىعى حىپيڭ كۇرىش مانەرلەۋ زاۆودى سىندى 3 كاسىپورىنمەن كۇرىش ساتۋ توقتامىنا قول قويىسىپ، سول جىلعى كۇرىشتىڭ ساتىلۋ باعاسىنىڭ بۇرىنعى جىلداعىدان جوعارى بولۋىنا كەپىلدىك ەتتى، وسى ءبىر ءتۇردىڭ وزىنەن بۇكىل قىستاقتاعى كۇرىش ەگەتىن وتباسىلار الدىڭعى جىلداعىدان 2 ميلليون 200 مىڭ يۋان ارتىق كىرىس كىرگىزدى.

    قىستاق تۇرعىنى جاڭ گاۋ – ي 250 مۋ جەرگە كۇرىش ەككەن، بۇل جاي پىساتىن كۇرىش، ونىڭ ۇستىنە وتكەن جىلى قىس ءبىر اي بۇرىن كىرگەندىكتەن كۇرىشتىڭ ءونىم مولشەرى مەن ساپاسى ىقپالعا ۇشىراپ، كۇرىش ۇساقتانىپ، قۋىرىلىپ، ساتۋعا ىقپال جەتكىزەدى. ول: «باعىما قاراي كۇرىش كووپەراتيۆىنە مۇشە بولىپ، كۇرىشتىڭ ءار كيلوگرامىن 2.2 يۋان باعادا ساتىپ، 80 مىڭ يۋان زياننىڭ ورنىن تولتىردىم» دەدى.

جاۋاپتى رەداكتور: جازيرا بولاتباي قىزى