كوكتەم مەرەكەسىندە تۇتىنۋ سوماسى 821 ميلليارد يۋانعا جەتىپ، كورنەكتى ارتتى

  • كەلۋ قاينارى: ىلە گازەتى
  • 07:46:55 20/02/2021

 

    شينحۋا اگەنتتىگىنىڭ 2 – ايدىڭ 17 – كۇنى بەيجيڭنەن بەرگەن حابارى (ءتىلشى ۋاڭ يۇيشياۋ). ساۋدا ىستەرى مينيسترلىگىنىڭ تەكسەرۋىنە قاراعاندا، 2 – ايدىڭ 11 – كۇنىنەن 17 – كۇنىنە دەيىن بۇكىل ەل بويىنشا ءتۇيىندى بولشەك ساتۋ جانە اس – سۋ كاسىپورىندارىنىڭ ساتۋ سوماسى 821 ميلليارد يۋانعا جەتىپ، وتكەن جىلعى كوكتەم مەرەكەسىنىڭ التىن اپتالىعىنداعىدان %28.7، 2019 – جىلعى كوكتەم مەرەكەسىنىڭ التىن اپتالىعىنداعىدان %4.9 ارتقان.

    ساۋدا ىستەرى مينيسترلىگىنىڭ قاتىستى جاۋاپتىسى بىلاي دەپ تانىستىردى: 2021 – جىلى كوكتەم مەرەكەسىنىڭ التىن اپتالىعىندا ىندەتتەن ساقتانۋ – تىزگىندەۋ جانە تۇرعان جەرىندە مەرەكە وتكىزۋ سىندى جاڭا جاعداي الدىندا، بۇكىل ەلدىڭ تۇتىنۋ بازارىندا كوپتەگەن جاڭا ەرەكشەلىكتەر مەن جاڭا وزگەرىستەر جارىققا شىققان. تاۋار تۇتىنۋ ورلەۋى كوتەرىلدى. كوكتەم مەرەكەسى كەزىندە بولشەك ساتۋ كاسىپورىندارىنىڭ القا – مونشاق، كيىم – كەشەك، حابارلاسۋ اسپابى جانە وتباسى سيفرلى ەلەكتر جابدىقتارىن بولشەك ساتۋ مولشەرى وتكەن جىلعى سايكەس مەزگىلدەگىدەن جەكە – جەكە %160.8، %107.1، %39.0 جانە %29.9 ارتقان.

    جاڭاشا تۇتىنۋ بەينەسى كورنەكتى بولدى. ىندەتتەن ساقتانۋ – تىزگىندەۋ شارالارى حاۋىپسىز، زەردەلى تۇتىنۋدىڭ جەدەل ۇلعايۋىن جەبەدى، كەزدەسپەي – اق ساۋدالاسۋعا قىزمەت وتەۋ دامۋدى جەدەلدەتتى، توراپتا مەرەكەلىك زات ساتىپ الۋ، سيفرلى قىزىل تۇيىنشەك سياقتى تۇتىنۋ تاسىلدەرى كوكتەم مەرەكەسىندە تىڭ ورلەۋگە كوتەرىلدى.

    اس – سۋ تۇتىنۋى جانداندى. كوكتەم مەرەكەسى كەزىندە ءىرى تيپتەگى اقى تولەۋ قۇرىلىمدارىنىڭ تەكسەرۋ جۇرگىزۋىندە كورسەتىلۋىنشە، اس – سۋ ساۋدا ورىندارىنىڭ ساتۋ سوماسى سايكەس مەزگىلدەگىدەن 1.3 ەسە ارتقان، ءىشىنارا جەدەل تاماق جەتكىزۋ تەكشەلەرى ارقىلى اس – سۋ تۇتىنۋ مولشەرى 2 ەسەدەن استام ارتقان.

    تۇرعان جەرىندە مەرەكەلىك كوڭىل اشۋ بارشانىڭ القاۋىنا بولەندى. مەرەكەنى تۇرعان جەرىندە وتكىزۋ جەرگىلىكتى ورىندا ساياحاتتاۋدى، قىسقا ارالىقتا جەكە كولىكپەن ساياحاتتاۋدى جانداندىرىپ، كوڭىل اشۋ ورىندارىنىڭ قوناق قابىلداۋ – جونەلتۋ مولشەرىن ويداعىداي ارتتىرىپ، قالا ماڭىنداعى قوناق سارايى، حالىقتىق تۇسەلحانا سياقتى ورىنداردىڭ الدىن الا تاپسىرىس بەرۋىن جانداندىردى.

    تۇرمىستىق قاجەتتى بۇيىمداردىڭ مولشەرى جەتكىلىكتى، باعاسى ورنىقتى بولدى. ساۋدا ىستەرى مينيسترلىگىنىڭ بۇكىل ەلدەگى 36 ءىرى، ورتا دارەجەلى قالانىڭ ءتۇيىندى بولشەك ساتۋ كاسىپورىندارى مەن 100 ءىرى تيپتى اۋىل شارۋاشىلىق قوسىمشا ونىمدەرىن تولايىم ساتۋ بازارىنا جۇرگىزگەن تەكسەرۋىنە قاراعاندا، 2 – ايدىڭ 17 – كۇنى استىقتىڭ بولشەك، تولايىم ساتىلۋ باعاسى مەرەكەنىڭ الدىنداعى مەزگىلدەگىدەن جەكە – جەكە %0.1 جانە %0.4 تومەندەگەن؛ شوشقا ەتىنىڭ بولشەك، تولايىم ساتىلۋ باعاسى جەكە – جەكە %0.4 جانە %1.5 تومەندەگەن.

جاۋاپتى رەداكتور: گۇلدەن ماقسات قىزى