كوكتەم مەرەكەسى كەزىندە وبلىسقا توتە قاراستى ورىنداردا تۇتىنۋ بازارى ەرەكشە جانداندى

  • كەلۋ قاينارى: ىلە گازەتى
  • 07:39:25 20/02/2021

 

    باعا ورنىقتى، زات ءتۇرى مول بولدى

    كوكتەم مەرەكەسى كەزىندە وبلىسقا توتە قاراستى ورىنداردا تۇتىنۋ بازارى ەرەكشە جانداندى

 

    تىلشىلەرىمىز پاتيما، لي يافىڭ حابارلايدى. كوكتەم مەرەكەسىندەگى تۇتىنۋدىڭ قاۋىرت كەزەڭى جەتىپ كەلۋ قارساڭىندا وبلىسقا توتە قاراستى اۋدان، قالالاردا تۇتىنۋ بازارى ەرەكشە جاندانىپ، ءىرى ساۋدا سارايلارى، ەرەن بازارى ورايدى الدىمەن مىقتى يگەرىپ، مەرەكەدە تاۋارلاردىڭ ساتىلىمىن جان - جاقتى جەدەلدەتتى.

    قاراستىلىعىنداعى بازار ءتارتىبىن ويداعىداي ساقتاپ، تۇتىنۋشىلاردىڭ زاڭدى ۇقىق – مۇددەسىن قورعاۋ ءۇشىن، كوكتەم مەرەكەسى كەزىندە وبلىستىق بازاردى باقىلاۋ – باسقارۋ مەكەمەسى بازاردى باقىلاۋ – باسقارۋ قىزمەتىن قايتالاي ورنالاستىرىپ، ساۋدا سارايى، ەرەن بازار، جارمەڭكە ساۋدا بازارى، ءدارى دۇكەنى سياقتى ءتۇيىندى ورىنداردا كوكتەم مەرەكەسى كەزىندە بازار باعاسىن باقىلاۋ – مەڭگەرۋ مەن ىندەتتەن ساقتانۋ – تىزگىندەۋدى شارلاپ تەكسەرۋ جانە زاڭنىڭ اتقارىلۋىن تەكسەرۋ قىزمەتىن ورىستەتىپ، تۇتاس قالاداعى جۇرتشىلىقتىڭ كوكتەم مەرەكەسىن حاۋىپسىز، جاراسىمدى وتكىزۋىنە شىنايى كەپىلدىك ەتۋگە كۇش سالدى.

    2 – ايدىڭ 17 – كۇنى وبلىستىق بازاردى باقىلاۋ – باسقارۋ مەكەمەسىنىڭ زاڭ اتقارۋ قىزمەتكەرلەرى قۇلجا قالاسى جياشياڭحاۋ ەرەن بازارى، كاڭ جى - يۋان ءدارى دۇكەنى سياقتى ورىندارعا بارىپ، ازىق – تۇلىك ساپاسى، زات ەنگىزۋ ارناسى، ازىق – تۇلىكتىڭ قوراپتالۋى، بولشەك قوراپتالعان ازىق – تۇلىكتىڭ بەلگىسى، ساتىلۋ جاعدايلارىن ەگجەي – تەگجەيلى ۇعىسىپ، تيجاراتشىلار مەن ساۋداگەرلەرگە ءارقايسى بۋىندارداعى ولشەمدەندىرۋ قىزمەتىن جاقسارتىپ، ازىق – تۇلىكتىڭ حاۋىپسىزدىگىنە شىنايى كەپىلدىك ەتۋدى قاداعالاي تاپسىردى.

    جياشياڭحاۋ ەرەن بازارىنىڭ شينحۋا دۇكەنىنە بارعان ءتىلشى ەرەن بازاردىڭ ءىشى – سىرتىنا تۇمشالامالى شىراقتاردىڭ رەتتى ءىلىنىپ، الۋان رەڭدى اشەكەيدىڭ كوز جاۋىن الىپ، قويۋ مەرەكەلىك تۇسكە ەنگەنىن، ەرەن بازار قىزمەتكەرلەرىنىڭ قاريدارلاردىڭ دەنە تەمپەراتۋراسىن ولشەپ، سالاماتتىق كودىن تەكسەرىپ، ماسكانى ولشەمدى تاعىپ، ارالىق ساقتاۋدى سىپايىلىقپەن ەسكەرتىپ جاتقانىن، ەرەن بازارى ىشىندە استىق، ماي، ەت، جۇمىرتقا، كوكونىس، جەمىس – جيدەك، قوسىمشا تاعامدار سياقتى زات تۇرلەرى تولىق، باعاسى ورنىقتى ەكەنىن، ءتۇرلى تيىمدىلىكتىڭ، ءوتىمدى تاۋارلاردىڭ قىرۋار قاريداردى باۋراعانىن كوردى.«كوكتەم مەرەكەسى كەزىندە كوكونىس تۇرلەرى بۇرىنعىدان الدەقايدا مولايىپ، باعاسى دا ارزان بولۋدان تىس جاڭادان بازارعا ەنگىزىلگەندىگىن ءبىر قاراپ – اق بىلۋگە بولادى، قىزمەت وتەۋى دە تاماشا، وتە ريزا بولدىم» دەدى قۇلجا قالاسىنىڭ تۇرعىنى جاۋ پيجىن قۋانا. ونىڭ ايتۋىنشا، ەرەن بازارىنداعى كوكونىستىڭ ءتۇرى كوپ، ءىشىنارا كوكونىستىڭ باعاسى جايشىلىقتاعىدان ارزان بولعاندىقتان، بيىل ول كۇنىنە تۇتىناتىن كوكونىستى بازاردان سول كۇنى ساتىپ الىپ تۇتىنىپتى.

جاۋاپتى رەداكتور: گۇلدەن ماقسات قىزى