قۇنتتاپ، جىنتىكتەي مانەرلەۋ الاقات كاسىبى سالاسىنىڭ قۇنىن ارتتىردى

  • كەلۋ قاينارى: تيانشان تورى
  • 08:18:14 20/02/2021

    ءاربىر ءتۇيىر الاقاتتى تاپتەشتەي پايدالاندى

    قۇنتتاپ، جىنتىكتەي مانەرلەۋ الاقات كاسىبى سالاسىنىڭ قۇنىن ارتتىردى

    انار بۇلت / شينجياڭ گازەتىنىڭ ءتىلشىسى سۇڭ يا - ۋىن، جىڭ اۋداندىق توعىسپالى مەديا ورتالىعىنان چىن يۇڭلياڭ

 

    ادام كۇشىمەن تەرۋ، سۇرىپتاۋ، ۋلترا دىبىس تولقىنىمەن تازالاپ جۋۋ، شيكىزاتتى ۇنتاقتاۋ، سۇزگىدەن وتكىزۋ، قۇلماق جانە اشىتقى قوسۋ، سىرانى قۇتىعا قۇيۋ... 2 - ايدىڭ 18 - كۇنى، جىڭ اۋداندىق چيرۇي بيولوگيا عىلىم - تەحنيكالىق شەكتى جاۋاپكەرشىلىك سەرىكتەستىگىنىڭ الاقات سىراسىن مانەرلەۋ سەحىندا ون نەشە جۇمىسشى ءوندىرىس جەلىسىندە قاۋىرت جۇمىس جۇرگىزىپ جاتتى.

    ”قازىر ءالى دە الاقات ءوندىرىسىنىڭ، مانەرلەۋدىڭ قاۋىرت مەزگىلى، ءبىز الگىندە عانا بەيجيڭنەن جانە حۋبەيدىڭ جيڭمىنىنان كەلگەن الاقات سىراسى تاپسىرىسىن قابىلدادىق، قازىر قاۋىرت ءوندىرىس جۇرگىزىپ جاتىرمىز“، - دەدى جىڭ اۋداندىق چيرۇي بيولوگيا عىلىم - تەحنيكالىق شەكتى جاۋاپكەرشىلىك سەرىكتەستىگىنىڭ ورىنباسار باس ديرەكتورى جاڭ بين تانىستىرىپ.

    جىڭ الاقات كاسىپ سالاسى وتكەن ءبىر مەزگىلدە قۇرعاق جەمىستى ساتۋداي العاشقى مانەرلەۋ ساتىسىندا كىدىرىپ قالعان بولاتىن، ونىمدەردىڭ بايلىققا اينالۋ مولشەرى تومەن، بازاردى يەلەۋ سالىستىرماسى دا تومەن بولدى. ”جاقسى شيكىزاتتان جاقسى ءونىم وندىرە الماۋ، جاقسى ءونىمدى جاقسى باعادا ساتا الماۋ“ جىڭ الاقات كاسىپ سالاسىنىڭ دامۋىنا تۇساۋ بولدى. جاڭ بين الاقاتتىڭ تەك سۋعا توعىتۋ، اراققا توعىتۋ جانە قايناتىپ بىلامىق جاساۋ سىندى پايدالانۋ تاسىلدەرىن وزگەرتىپ، ءسوزسىز، قۇنتتاپ جىنتىكتەي مانەرلەۋ جولىمەن ءجۇرۋ كەرەك دەپ ەسەپتەيدى ەكەن.

    بىلتىر جىڭ اۋداندىق چيرۇي بيولوگيا عىلىم - تەحنيكالىق شەكتى جاۋاپكەرشىلىك سەرىكتەستىگى 5 ميلليون 500 مىڭ يۋان قارجى قوسىپ، سىرا اشىتىپ جاساۋدىڭ تۇتاس جەلىلى ءوندىرىس جابدىقتارىن ەنگىزدى ءارى الاقات سىراسىن زەرتتەپ جاسادى، بازارعا سالدى، بازاردا قاجەت قامداۋدان اسىپ كەتتى.

    ”ءبىز ادەتتەگى الاقات قۇرعاق جەمىسىن جىنتىكتەي مانەرلەنگەن ونىمگە اينالدىردىق، جىنتىكتەي مانەرلەۋ ارقىلى الاقاتتىڭ قوسىمشا قۇنى ۇزدىكسىز جوعارىلادى“. جاڭ بين بىلاي دەدى: سەرىكتەستىك الاقات جەمىس شىرىنى، الاقات سىراسى، الاقات كاۋاسى، الاقات دەنساۋلىق ساقتاۋ بۇيىمدارى سياقتى 37 ءتۇرلى ءونىم زەرتتەپ جاساپ، ءاربىرءتۇيىر الاقاتتى ”تاپتەشتەي پايدالاندى“.

    قازىر جىڭ اۋدانىندا الاقاتتى قۇنتتاپ جىنتىكتەي مانەرلەيتىن 12 كاسىپورىن، ەگىمشىلىك كاسىپتىك سەلبەستىك كووپەراتيۆىنەن 25ى، كەپتىرۋ زاۆودىنان 300دەن استامى بار. الاقات قۇرعاق جەمىسىنەن الاقات سۋسىنى، الاقات اشىتقىسى، الاقات سىراسى سياقتى جىنتىكتەي مانەرلەنگەن ونىمدەر جاسالدى، جىڭ الاقاتىنىڭ اتاعى اسپانداپ، قۇنى ارتتى.

جاۋاپتى رەداكتور: گۇلدەن ماقسات قىزى