پارتيانىڭ حيكايالارىن، داڭقتى ءداستۇرىن جانە تاماشا ستيلىن كوبىرەك بايانداپ، قالىڭ پارتيا مۇشەلەرىن اۋەلگى ماقساتتى ۇمىتپاي، بورىشتى ەستە بەرىك ساقتاپ، سەنىمدى بەكەمدەپ، ەرلىكپەن كۇرەس جۇرگىزۋگە باستاۋ كەرەك

  • كەلۋ قاينارى: تيانشان تورى
  • 08:50:51 21/02/2021

    شي جينپيڭ شاڭحاي قالالىق جاڭا 4 - ارميا تاريحىن زەرتتەۋ قوعامىنداعى ءجۇز جاستىق قارت جاۋىنگەرلەرگە جازعان جاۋاپ حاتىندا بىلاي دەپ باسا دارىپتەدى

    پارتيانىڭ حيكايالارىن، داڭقتى ءداستۇرىن جانە تاماشا ستيلىن كوبىرەك بايانداپ، قالىڭ پارتيا مۇشەلەرىن اۋەلگى ماقساتتى ۇمىتپاي، بورىشتى ەستە بەرىك ساقتاپ، سەنىمدى بەكەمدەپ، ەرلىكپەن كۇرەس جۇرگىزۋگە باستاۋ كەرەك

    جاۋاپ حات

 

    شاڭحاي قالالىق جاڭا 4 - ارميا تاريحىن زەرتتەۋ قوعامىنداعى ءجۇز جاستىق قارت جاۋىنگەرلەر:

    سالەمەتسىزدەر مە! حاتتارىڭىزدى تاپسىرىپ الدىم. سىزدەر جاس كەزدەرىڭىزدە توڭكەرىسكە ات سالىسىپ، پارتيا مەن حالىق ىستەرى ءۇشىن ەرلىكپەن كۇرەس جۇرگىزدىڭىزدەر، ال قازىر جۇزگە كەلسەڭىزدەر دە پارتيا تاريحى ۇگىت - تاربيەسىنە كوڭىل ءبولىپ كەلەسىزدەر، پارتيانى سۇيگەن تەرەڭ سۇيىسپەنشىلىكتەرىڭىز ادامدى تەبىرەنتەدى.

    جۇڭگو كوممۋنيستەرى جونىنەن العاندا، جۇڭگو توڭكەرىسىنىڭ تاريحى ەڭ جاقسى وقۋلىق سانالادى، وقىعان سايىن جاڭارىپ وتىرادى. سىزدەر جۇڭحۋا ۇلتىنىڭ ەڭسە كوتەرۋدەن، بايۋدان قۇدىرەتتەنۋگە دەيىنگى ۇلى شارىقتاۋدى قارسى العان تاريحي بارىسىن باستان كەشىردىڭىزدەر، پارتيامىزدىڭ اۋەلگى ماقساتى مەن بورىشىن اناعۇرلىم انىق تۇسىنەسىزدەر. بۇكىل پارتيادا پارتيا تاريحىن ۇيرەنۋ تاربيەسى ورىستەتىلۋ الدىندا تۇر، قارت جولداستاردىڭ ۇزدىكسىز ساۋلە شاشىپ، رول اتقارىپ، وزدەرىنىڭ توڭكەرىستە باستان كەشكەندەرىمەن بىرلەستىرىپ جۇڭگو كوممۋنيستىك پارتياسىنىڭ حيكايالارىن، پارتيانىڭ داڭقتى ءداستۇرىن جانە تاڭداۋلى ستيلىن كوبىرەك بايانداپ، قالىڭ پارتيا مۇشەلەرىن، اسىرەسە، جاس بۋىندى اۋەلگى ماقساتتى ۇمىتپاي، بورىشتى ەستە بەرىك ساقتاپ، سەنىمدى بەكەمدەپ، ەرلىكپەن كۇرەس جۇرگىزىپ، جاڭا داۋىردە جاپپاي سوتسياليستىك وسىزاماندانعان مەملەكەت قۇرۋ ءۇشىن قاجىماي - تالماي كۇرەس جۇرگىزۋگە باستاۋىن ءۇمىت ەتەمىن.

    كوپشىلىكتىڭ تۇرمىستارىنىڭ باقىتتى، دەنساۋلىقتارىنىڭ مىقتى، عۇمىر جاستارىنىڭ ۇزاق بولۋىن تىلەيمىن!

    شي جينپيڭ

    2021 - جىلى 2 - ايدىڭ 18 - كۇنى

 

    (شينحۋا اگەنتتىگىنىڭ 2 - ايدىڭ 19 - كۇنى بەيجيڭنەن بەرگەن حابارى)

جاۋاپتى رەداكتور: جازيرا بولاتباي قىزى