پارتيا ستيلى، پاكتىك قۇرىلىسى مەن شىرىكتەسۋگە قارسى كۇرەستى ٴبىر ٴسات تە توقتاتپاي ىلگەرىلەتۋ كەرەك

  • كەلۋ قاينارى: ىلە گازەتى
  • 04:25:44 22/02/2021

 

    ي -جيشۋان

    بيىل - «14 – بەسجىلدىق» جوبا باستالعان جىل، جۇڭگو كوممۋنيستىك پارتياسى قۇرىلعاندىعىنىڭ 100 جىلدىعى. باس شۋجي شي جينپيڭ 19 – كەزەكتى ورتالىق ٴتارتىپ تەكسەرۋ كوميتەتىنىڭ بەسىنشى جالپى ماجىلىسىندە بىلاي دەپ باسا دارىپتەدى: پارتيامىز 100 جىلدىق ۇلكەن پارتيا رەتىندە العاباسارلىق پەن كىرشىكسىزدىكتى ماڭگى ساقتاۋى، جالىندى ومىرشەڭدىكتى ماڭگى ساقتاۋى، پارتيا ستيلى، پاكتىك قۇرىلىسىن جانە شىرىكتەسۋگە قارسى كۇرەستى، ٴسوز جوق، ٴبىر ٴسات تە توقتاتپاي ىلگەرىلەتۋى كەرەك. كوكتەم مەرەكەسىنىڭ الدىندا اۆتونوميالى رايوندىق 9 – كەزەكتى ٴتارتىپ تەكسەرۋ كوميتەتىنىڭ التىنشى جالپى ٴماجىلىسى اشىلعان سوڭ، وبلىستىق پارتكوم اۆتونوميالى وبلىستىڭ پارتيا ستيلى، پاكتىك قۇرىلىسى جانە شىرىكتەسۋگە قارسى تۇرۋ كۇرەسى قىزمەتى ٴماجىلىسىن دەر كەزىندە اشىپ، ىلە وبلىسىنىڭ بيىلعى پارتيا ستيلى، پاكتىك قۇرىلىسى جانە شىرىكتەسۋگە قارسى تۇرۋ كۇرەسى قىزمەتىن ناقتى ورنالاستىردى، بۇل پارتيا ورتالىق كوميتەتىنىڭ شينجياڭدى جونگە سالۋ جالپى جوباسىن تولىق، دالمە - ءدال دايەكتىلەندىرىپ، پارتيانى جاپپاي قاتاڭ جونگە سالۋدىڭ جان – جاقتى، ىشكەرىلەي دامۋىن تاباندىلىقپەن ىلگەرىلەتىپ، «14 – بەسجىلدىقتىڭ» ويداعىداي باستالىپ، تىڭ قادام تاستاۋىنا كەپىلدىك ەتىپ، ىلەنىڭ قوعام ورنىقتىلىعى مەن باياندى تىنىشتىق ىستەرىن ۇزدىكسىز ىلگەرىلەتۋ جونىنەن كەلەلى مانگە يە.

    اماليات پارتيا ستيلى، پاكتىك قۇرىلىسىن كۇشەيتۋ مەن شىرىكتەسۋگە قارسى كۇرەستى تيتتەي دە بوساڭسىتۋعا بولمايتىنىن دالەلدەدى. 2020 – جىل وزگەشە جىل بولدى، توسىننان تۋىلعان جاڭا تيپتى ايدارشا ۆيرۋس وكپە قابىنۋ ىندەتى، شىرىكتەسۋگە قارسى تۇرۋ كۇرەسىنىڭ قاتاڭ دا كۇردەلى جاعدايى، كەدەيلىكتەن ارىلتۋدان قامال الۋ شەشۋشى شايقاسىنىڭ شەشۋشى جەڭىسىنە قول جەتكىزۋ وراسان زور مىندەتى الدىندا ىلە وبلىسىنداعى ٴار دارەجەلى ٴتارتىپ تەكسەرۋ، باقىلاۋ - تەكسەرۋ ورگاندارى مەن بارشا ٴتارتىپ تەكسەرۋ، باقىلاۋ – تەكسەرۋ كادرلارى ساياسي قۇرىلىستى باستان – اياق ماڭداي الدى ورىنعا قويىپ، پارتيانىڭ ساياسي ٴتارتىبىن، وتە – موتە، شىرىكتەسۋگە قارسى تۇرۋ كۇرەسى ٴتارتىبىن قاتاڭداستىرىپ، تەرەڭگە جاسىرىنعان اسا حاۋىپتى «ەكى بەتكەيلەردى» قاتاڭ جازالاپ، ساياسي حاۋىپ – قاتەردى دەر كەزىندە الاستادى؛ ساياسي باقىلاۋدى كورنەكتىلەندىرىپ، كۇندەلىكتى باقىلاۋدى كۇشەيتىپ، نازاردى ىندەتتەن ساقتانۋ – تىزگىندەۋ مەن ەكونوميكالىق، قوعامدىق دامۋعا شوعىرلاندىرىپ، باقىلاۋدىڭ اتقارۋدى قامتاماسىزداندىرۋ، دامۋدى ىلگەرىلەتۋ، كەمەلدەندىرۋ رولىن ساۋلەلەندىرىپ، پارتيا ورتالىق كوميتەتىنىڭ كەلەلى شەشىمدەرى مەن ورنالاستىرۋلارىنىڭ تياناقتاندىرىلۋ جاعدايىن قاداعالاي باقىلاۋ – تەكسەرۋگە كەپىلدىك ەتتى؛ نازاردى كەدەيلىكتەن ارىلتۋدان قامال الۋ شەشۋشى شايقاسىنىڭ شەشۋشى جەڭىسىنە قول جەتكىزۋگە شوعىرلاندىرىپ، كەدەيلىكتەن ارىلتۋ سالاسىندا، حالىق تۇرمىسى سالاسىندا ارناۋلى جونگە سالۋ قيمىلىن، قارا، سۇرقيا كۇشتەردى الاستاۋ ارناۋلى كۇرەسىن ىشكەرىلەي ورىستەتىپ، باقىلاۋدىڭ نەگىزگى ساتىعا دەيىن جالعاسۋىن كۇش سالا ىلگەرىلەتىپ، «باقاي قۋلىقپەن شىرىكتەسۋدى» قاتاڭ تەكسەرىپ، بۇقارانىڭ مۇددەسىن قورعادى؛ نازاردى فورماشىلدىق، تورەشىلدىك ماسەلەلەرىن تەكسەرىپ انىقتاۋعا شوعىرلاندىرىپ، كادرلار ستيلىنە باقىلاۋ – قۋزاۋشىلىق ەتۋدى ۇدايى ورىستەتىپ، راقاتقۇمارلىقتى، استا – توك ىسىراپشىلدىقتى قاتاڭ تەكسەرىپ، ستيل قۇرىلىسىن ءۇرتىس جاقسى بەتالىسپەن ىلگەرىلەتتى؛ شىرىكتەسۋگە باتىلدىق ەتە الماۋدى، شىرىكتەسۋگە مۇمكىندىك بولماۋدى، شىرىكتەسۋدى ويىنا الماۋدى ءبىر تۇلعالى ىلگەرىلەتۋ ستراتەگيالىق نىساناسىنا تاباندى بولىپ، تاڭ شياۋرۇڭ، سۇي ميڭۋىن قاتارلى ءمانساپتىلار مەن ساۋداگەرلەر استاسىپ شىرىكتەسكەن ەلەمەنتتەردى قاتاڭ تەكسەرىپ انىقتاپ، شيا شياۋچيڭ، سۇڭ گۇيشين قاتارلى ۇكىمەتكە زيان سالىپ، قالتاسىن قامپيتقان «نىساپسىز كىشكەنە ءمانساپتىلاردى» قاتاڭ جازالاپ، شىرىكتەسۋدى جازالاۋدىڭ تەگەۋرىندى كۇيىن ءتىپتى دە كۇشەيتىپ، پارتيا ىشىندەگى ساياسي ەكولوگيانى تازارتىپ، پارتيانى جاپپاي قاتاڭ جونگە سالۋدا كورنەكتى تابىستارعا قول جەتكىزىپ، وبلىسقا توتە قاراستى ورىنداردىڭ ءتارتىپ تەكسەرۋ، باقىلاۋ – تەكسەرۋ قىزمەتىنىڭ جوعارى ساپالى دامۋىن ىلگەرىلەتۋ ءۇشىن تىڭ قادام تاستادى.

جاۋاپتى رەداكتور: گۇلدەن ماقسات قىزى