تاريحتى ۇيرەنۋ ارقىلى قاعيدانى ءتۇسىنىپ، تاريحتى ۇيرەنۋ ارقىلى سەنىمدى ارتتىرىپ، تاريحتى ۇيرەنۋ ارقىلى ءمورالدى اسقاقتاتىپ، تاريحتى ۇيرەنۋ ارقىلى ۇمتىلا ىستەيمىز

  • كەلۋ قاينارى: تيانشان تورى
  • 09:26:51 22/02/2021

  

 − باس شۋجي شي جينپيڭنىڭ پارتيا تاريحىن ۇيرەنۋ تاربيەسىنە جۇمىلدىرۋ جينالىسىنداعى ماڭىزدى ءسوزى رايونىمىزداعى پارتيالى كادرلار اراسىندا كۇشتى اڭىس قوزعادى

    انار بۇلت / شينجياڭ گازەتىنىڭ تىلشىلەرى

 

    قيىن - قىستاۋ 100 جىل بارىسىندا كۇرەس جۇرگىزۋ ارقىلى شۇعىلالى ناتيجەلەر جاراتتى. 2 - ايدىڭ 20 - كۇنى تۇستەن بۇرىن پارتيا تاريحىن ۇيرەنۋ تاربيەسىنە جۇمىلدىرۋ جينالىسى بەيجيڭدە اشىلدى. باس شۋجي شي جينپيڭنىڭ ماڭىزدى ءسوزى بۇكىل پارتيانىڭ پارتيا تاريحىن ۇيرەنۋ تاربيەسىن ويداعىداي ورىستەتۋىنە ايقىن بەتالىس كورسەتىپ، ءتۇبىرلى بويسۇنۋ ولشەمىن ازىرلەدى. رايونىمىزداعى قالىڭ پارتيالى كادرلار ءبىر اۋىزدان مىنالاردى ءبىلدىردى: يدەيالىق تانىم مەن ساياسي دەڭگەيدى شىن مانىندە جوعارىلاتىپ، پارتيا تاريحىن ۇيرەنۋ تاربيەسىن ويداعىداي ورىستەتىپ، تاريحتى ۇيرەنۋ ارقىلى قاعيدانى ءتۇسىنىپ، تاريحتى ۇيرەنۋ ارقىلى سەنىمدى ارتتىرىپ، تاريحتى ۇيرەنۋ ارقىلى ءمورالدى اسقاقتاتىپ، تاريحتى ۇيرەنۋ ارقىلى ۇمتىلا ىستەپ، جاپپاي سوتسياليستىك وسىزاماندانعان مەملەكەت قۇرۋدىڭ جاڭا ساپارىن اسقاق ارىنمەن، مىعىم قايراتپەن باستاپ، جاڭا داۋىردەگى جۇڭگوشا سوتسياليستىك شينجياڭ قۇرۋ ۇلى امالياتىندا ەڭبەك ءسىڭىرىپ، ەسە قوسىپ پارتيا قۇرىلعاندىعىنىڭ 100 جىلدىعىن ۇزدىك ناتيجەمەن قارسى الامىز.

    ”باس شۋجي شي جينپيڭ باسا دارىپتەگەندەي، پارتيامىزدىڭ 100 جىلى − اۋەلگى ماقساتتى، بورىشتى مۇراتتان اينىماي امالياتتا ايگىلەگەن 100 جىل، قاجىرلىلىقپەن شارۋاشىلىق قۇرىپ، نەگىز قالاپ كاسىپتەردى كوركەيتكەن 100 جىل، شۇعىلالى ناتيجەلەر جاراتىپ بولاشاق اشقان 100 جىل. وتكەندەگى كۇرەس جولىنا قايىرىلا قاراپ، الداعى ەكپىندەي ىلگەرىلەۋ جولىنا كوز جىبەرگەندە، پارتيا تاريحىن ويداعىداي ۇيرەنۋ، ويداعىداي قورىتىندىلاۋ، پارتيانىڭ تابىستى تاجىريبەلەرىنە ويداعىداي مۇراگەرلىك ەتۋ، ويداعىداي ساۋلەلەندىرۋ، ءسوزسىز، قاجەتتى“. اۆتونوميالى رايوندىق قاتىناس - تاسىمال مەڭگەرمەسى پارتكومىنىڭ شۋجيى، ورىنباسار مەڭگەرمە باستىعى لي شۋەدۇڭ بىلاي دەدى: ءبىز باس شۋجي شي جينپيڭنىڭ ماڭىزدى ءسوزىنىڭ رۋحىن مۇقيات ۇيرەنىپ، ءتۇسىنىپ، ”ءتورت تانىمدى“ شىن مانىندە كۇشەيتىپ، ”ءتورت سەنىمدى“ بەكەمدەپ، ”ەكىنى قورعاۋدى“ ورىنداپ، ساياسي تۇجىرىمداۋ قابىلەتىن، ساياسي ءتۇسىنۋ قابىلەتىن، ساياسي اتقارۋ قابىلەتىن ۇزدىكسىز جوعارىلاتىپ، يدەيادا، ساياسيدا، ارەكەتتە شي جينپيڭ جولداستى ۇيتقى ەتكەن پارتيا ورتالىق كوميتەتىمەن سانالى تۇردە وسكەلەڭ ءبىر اۋىزدىلىقتى ساقتاپ، سانالى تۇردە جۇدىرىقتاي جۇمىلىپ، ءبىر نيەت، ءبىر تىلەكتە بولىپ، تىزە قوسا ورتاق كۇش سالىپ، جۇڭحۋا ۇلتىنىڭ ۇلى گۇلدەنۋىنە كۇش قوسۋىمىز كەرەك.

    اۆتونوميالى رايوندىق پارتكوم پارتيا مەكتەبى (اكىمشىلىك شۋەيۋانى) پارتيا تاريحى، پارتيا قۇرىلىسى وقىتۋ - زەرتتەۋ ءبولىمىنىڭ ورىنباسار مەڭگەرۋشىسى، دوتسەنت حى ۋيچاڭ بىلاي دەدى: پارتيامىزدىڭ 100 جىلدىق مەرەي تويىن قۇتتىقتاۋدىڭ كەلەلى ساتىندە، ”قوس 100 جىلدىق“ كۇرەس نىساناسىنىڭ تاريحي توعىسۋىنداعى شەشۋشى ساتتە بۇكىل پارتيادا پارتيا تاريحىن ۇيرەنۋ تاربيەسىن شوعىرلى تۇردە ورىستەتۋ ءدال ۋاعىندا بولدى. پارتيا تاريحى ۇگىت - تاربيە قىزمەتكەرى رەتىندە، مەن جاۋاپكەرشىلىگىمنىڭ كەلەلى، بورىشىمنىڭ داڭقتى ەكەندىگىن تەرەڭ سەزىندىم. قىزمەت بارىسىندا دۇرىس پارتيا تاريحى كوزقاراسىن ورناتىپ، ايقىن تۋ ۇستاي وتىرىپ نيگيليزمگە قارسى تۇرىپ، يدەيالىق جەتەكتەۋدى، نازاريالىق سارالاۋ مەن تالداۋ جاساۋدى كۇشەيتەمىن.

جاۋاپتى رەداكتور: گۇلدەن ماقسات قىزى