باقىتتى تۇرمىسىمىزعا كۇيە جاعۋعا جول بەرمەيمىز

  • كەلۋ قاينارى: تيانشان تورى
  • 09:51:38 22/02/2021

 ءپىشان اۋدانىنداعى تاربيەلەۋ - باۋلۋ ورتالىعىنان وقۋ تاۋىسقان تاربيەلەنۋشى ايشام راسۇل

 

    پومپەو شينجياڭعا ساياتىن ساندىراقتارىن جاريالاپ، شىندىقپەن ساناسپاي، دۇرىس پەن بۇرىستى بىتىستىرىپ، اق پەن قارانى شاتاستىردى. مەن تاربيەلەۋ - باۋلۋ ورتالىعىنان وقۋ تاۋىسقان تاربيەلەنۋشى رەتىندە، ءوزىمنىڭ كەشىرمەلەرىم ارقىلى كوپشىلىككە مىنانى ايتامىن: پومپەونىڭ ايتقاندارى شىلعي وتىرىك!

    ىلگەرىدە مەنىڭ زاڭدىق تانىمىم بۇلدىر، دۇرىس پەن بۇرىستى ايىرۋ قابىلەتىم جەتەرسىز بولعاندىقتان، ءدىني ۇشقارى يدەيانىڭ ىقپالىنا ۇشىراپ، كوپتەگەن قاتە كوزقاراستار پايدا بولىپ، كۇنى بويى زاڭسىز ءدىني قيمىلدارعا بەرىلگەن ەدىم.

    كەيىن كۇيەۋىمنىڭ كەڭەسىمەن تاربيەلەۋ - باۋلۋ ورتالىعىنا كەلىپ ۇيرەنۋ - باۋلۋعا قاتىناستىم. تاربيەلەۋ - باۋلۋ ورتالىعىندا ۇيرەنگەن، تۇرمىس كەشىرگەن كۇندەرىم كوڭىلدى ءارى ەسىمنەن كەتپەيدى. ول ارانىڭ ورتاسى تازا، رەتتى، وقىتۋ جابدىقتارى تولىق، ىشەر اس، جاتىن ورىن مەن تۇرمىستىق، ۇيرەنۋ بۇيىمدارى تۇگەلدەي اقىسىز، ناۋقاستانىپ قالساق قالا، اۋىل تۇرعىندارىنىڭ ەمدەۋدى قامسىزداندىرۋ ساياساتىنان يگىلىكتەنەتىنبىز، مۇعالىم بىزگە ءبىر - بىرلەپ ءبىلىم جانە تەحنيكالىق شەبەرلىك ۇيرەتتى. ول ارادا مەن اجارلاندىرۋ، شاش جاساۋ كاسپتىك ءبىلىمىن ۇيرەندىم. ۇيرەنۋ - باۋلۋ ارقىلى مەن ءوزىمنىڭ وتكەندەگى ويلارىمنىڭ بۇكىلدەي قاتە ەكەندىگىن، ءسوز جوق، ودان الىستاپ، قالىپتى تۇرمىس كەشىرۋىم كەرەكتىگىن تانىپ جەتتىم.

    تاربيەلەۋ - باۋلۋ ورتالىعىنان وقۋ تاۋىسقاننان كەيىن مەن اجارلاندىرۋ، كۇتىنۋ دۇكەنىن اشۋدى ويلاستىردىم. قىستاق كوميتەتى مەنىڭ ويىمدى بىلگەننەن كەيىن بەلسەندىلىكپەن ماعان جابدىق ساتىپ الىپ بەرىپ، قاريدار شاقىردى، وسىلايشا مەنىڭ سەنىمىم اناعۇرلىم نىعايا ءتۇستى. 2019 - جىلى مەنىڭ اجارلاندىرۋ، كۇتىنۋ دۇكەنىم ءساتتى جۇمىس باستادى. ءبىر جىلدان كەيىن مەن ءوسىمى قازىنادان تولەنەتىن 50 مىڭ يۋان قارىز اقشا ءوتىنىش ەتىپ، ءبىرتالاي كۇتىنۋ جابدىقتارىن تولىقتادىم، تاعى 5 شاكىرت تاربيەلەدىم. قازىر مەنىڭ ايلىق كىرىسىم 8000 يۋاننان 10 مىڭ يۋانعا دەيىن جەتەدى.

    تاربيەلەۋ - باۋلۋ ورتالىعىنا راقىمەت، ول مەنىڭ كوزىمدى اشىپ، دۇرىس پەن بۇرىستى ايىرۋىما كومەكتەسىپ، كاسىپ اشىپ، بايۋىما قانات ءبىتىردى.

    مەن پومپەوعا مىنانى ايتامىن: ءبىز شينجياڭ سىندى ۇلكەن وتباسىندا وتە باقىتتى تۇرمىس كەشىرىپ جاتىرمىز، ءبىز كاسىپ اشساق قارىز اقشا الا الامىز، ءۇي سالساق قوسىمشا قاراجات بەرىلەدى، بالالار اقىسىز وقۋدان يگىلىكتەنەدى، ءار ادامنىڭ ەمدەۋ قامسىزداندىرۋى بار. ءبىزدىڭ اقشا تاباتىن جولىمىز دا بارعان سايىن كوبەيىپ، قالتامىز بارعان سايىن قامپايدى. پومپەو، مۇنىڭ ءبارى ءبىزدىڭ اينالامىزدا تۋىلىپ جاتقان وزگەرىستەر، سەنىڭ ءبىزدىڭ باقىتتى تۇرمىسىمىزعا شابۋىلداپ كۇيە جاعۋىڭا جول بەرمەيمىز!

جاۋاپتى رەداكتور: گۇلدەن ماقسات قىزى