بىلتىر رايونىمىزداعى ستراتەگيالىق جاڭادان گۇلدەنگەن كاسىپ سالالارىنىڭ ارتقان قۇنى %20.5 مولايدى

  • كەلۋ قاينارى: تيانشان تورى
  • 10:01:31 22/02/2021

    

 انار بۇلت / شينجياڭ گازەتىنىڭ ءتىلشىسى ما ينيڭ 2 - ايدىڭ 20 - كۇنى ۇرىمجىدەن حابارلايدى. بىلتىر رايونىمىز ونەركاسىبىنىڭ ستراتەگيالىق جاڭادان گۇلدەنگەن كاسىپ سالالارىنىڭ ارتقان قۇنى %20.5 مولايىپ، ارتۋ قارقىنى كولەمنەن جوعارى ونەركاسىپتەن 13.6 پايىز جوعارى بولدى.

    شينجياڭ لايسىتى قوراپتاۋ ماتەريالدارى شەكتى سەرىكتەستىگى − شينجياڭداعى تۇڭعىش كوپ كريستالدى كرەمنيلى تازا قوراپتاۋ بۇيىمدارىن وندىرەتىن كاسىپورىن، ونىمدەرى رايونىمىز كولەمىندەگى فوتوۆولتتىق تۇلعالانعان كاسىپ سالاسى تىزبەگىندەگى اقتاڭداقتى تولتىردى. كوكتەم مەرەكەسى كەزىندە اتالعان سەرىكتەستىك ءوندىرىستى قاۋىرت جۇرگىزدى. ”بىلتىر 5 - ايدا سەرىكتەستىك ءوندىرىس قۋاتىن كەڭەيتىپ جاڭالادى. قازىر سەرىكتەستىك ونىمدەرىنىڭ بازارداعى بولاشاعى جاقسى، بيىل ءونىم مولشەرى 1500 تونناعا جەتەدى، ەكى تۇردەن تاعى وندىرىستىك تەحنيكا پاتەنتىن ءوتىنىش ەتىپ، كاسىپ سالاسىنداعى اقتاڭداقتى ۇزدىكسىز تولتىرماقشىمىز“. سەرىكتەستىكتىڭ باس ديرەكتورى ۋاڭ شىڭ بىلاي دەدى: بيىل كاسىپورىن زات اينالىم تاسىمالى جانە زەردەلى ساقتاۋ سياقتى جۇيەلى شەشۋ جوباسىن اتقارىپ، كاسىپ سالاسى تارماق سالالارىندا ۇزدىكسىز جاڭالىق اشىپ، قامال بۇزىپ، كاسىپورىننىڭ وزەكتى باسەكەلىك قۋاتىن ارتتىرىپ، ورتا، جوعارى دەڭگەيگە قاراي قادام تاستايدى.

    سوڭعى جىلداردان بەرى رايونىمىز جاڭا دامۋ ۇستانىمىن دايەكتىلەندىرىپ، تياناقتاندىرىپ، كاسىپورىنداردى تەحنيكادا جاڭالىق اشۋعا جانە تەحنيكا جاڭالاۋعا شابىتتاندىرىپ، ءتۇيىندى نىسانداردى جەدەل اتقارۋىنا قولداۋ كورسەتىپ، ستراتەگيالىق جاڭادان گۇلدەنگەن كاسىپ سالالارىن بەلسەنە جەتىلدىردى جانە دامىتتى. 2020 - جىلى رايونىمىزدا جاڭا ەنەرگيا جابدىعى كاسىپ سالاسى زور دارەجەدە ارتىپ، كوپ كريستالدى كرەمني ءونىم مولشەرى بۇكىل ەلىمىزدەگىنىڭ تەڭ جارىمدايىن يەلەدى. ەلەكتر جەتكىزۋ، كەرنەۋ وزگەرتۋ جابدىعى، جاڭا ەنەرگيا جابدىعى، ساپ الۋمين ماتەريالى، زەردەلى ماقتا تەرۋ ماشيناسى سياقتى كاسىپ سالاسى تەحنيكاسى مەن كولەمى جاعىندا مەملەكەت بويىنشا الدا بولدى. جارتىلاي وتكىزگىشتىك چيپتى جابىق سىناۋ، پوليمەتانول، بيولوگيالىق نەگىزدى جاڭا ماتەريال، PET ەرەكشە تۇردەگى جارعاق سياقتى نىسانداردى قامتىعان دەڭگەيى ءبىرشاما جوعارى ءبىر توپ نىسان سالىپ، رايونىمىزدىڭ جاڭا، كونە قوزعالىس ەنەرگياسىن اۋىستىرۋدا بەلسەندى جەبەۋ رولىن اتقاردى.

    ”13 - بەسجىلدىق“ كەزىندە رايونىمىزداعى ستراتەگيالىق جاڭادان گۇلدەنگەن كاسىپ سالالارىندا ەكى ورىندى سانمەن ارتۋ جاعدايى ۇزدىكسىز ساقتالىپ، ارتۋ قارقىنى تۇتاس رايوننىڭ ونەركاسىبىنىڭ ارتۋ قارقىنىنان 15 پايىزعا تاياۋ جوعارى بولدى. اۆتونوميالى رايوندىق ونەركاسىپ جانە ينفورماتسيالاندىرۋ مەڭگەرمەسى عىلىم - تەحنيكالىق ساپا باسقارماسىنىڭ ورىنباسار باستىعى چىن جيە مىنالاردى ءبىلدىردى: ”14 - بەسجىلدىق“ كەزىندە رايونىمىز جاڭالىق اشۋمەن جەتەكتەۋدى كورنەكتىلەندىرىپ، ستراتەگيالىق جاڭادان گۇلدەنگەن كاسىپ سالالارىنىڭ كولەمىن ۇزدىكسىز كەڭەيتەدى. جاڭا ەنەرگيا، جاڭا تەحنيكا، جاڭا ماتەريال، ەنەرگيا ۇنەمدەپ، قورشاعان ورتانى قورعاۋ، بيولوگيالىق ەمدەۋ جانە ءدارى - دارمەك، ۇلكەن ساندى مالىمەت، زەردەلى تەرمينال سياقتى ستراتەگيالىق جاڭادان گۇلدەنگەن كاسىپ سالالارىن زور كۇشپەن دامىتىپ، كاسىپ سالاسى دامۋىنىڭ تىڭ ابزالدىلىعىن قالىپتاستىرادى؛ باستاماشى كاسىپورىنداردىڭ دامۋىن، نىعايۋىن زور كۇشپەن قولداپ، كاسىپ سالاسىنىڭ تومەنگى بۋىندارعا قاراي كەڭەيۋىن جەدەلدەتىپ، ءبىر توپ ءىرى كاسىپورىنداردىڭ شينجياڭعا ىرگە تەبۋىنە قولداۋ كورسەتىپ، رايونىمىزدىڭ ستراتەگيالىق جاڭادان گۇلدەنگەن كاسىپ سالالارى ءۇشىن تىڭ ارتۋ تۇيىندەرىن جەتىلدىرەدى.

جاۋاپتى رەداكتور: گۇلدەن ماقسات قىزى