پومپەو، بىرەۋگە ور قازساڭ، ءوزىڭ تۇسەسىڭ

  • كەلۋ قاينارى: ىلە گازەتى
  • 03:20:28 25/02/2021

    شينجياڭ مۋزىكانتتار قوعامى

    

    جۋىقتا امەريكانىڭ بۇرىنعى مەملەكەت ىستەرى حاتشىسى پومپەو شينجياڭعا ساياتىن ساندىراعىن جاريالاپ، جۇڭگونىڭ شينجياڭدى جونگە سالۋ ساياساتىنا ورشەلەنە جالا جاۋىپ، شينجياڭعا ەسەرسوقتىقپەن سوقتىعىپ، كۇيە جاقتى. بۇل جۇڭگونىڭ ىشكى ىسىنە دورەكىلىكپەن كيلىككەندىك، حالىقارالىق زاڭ مەن حالىقارالىق قاتىناستىڭ نەگىزگى ولشەمىنە اۋىر قايشىلىق جاساعاندىق، بۇعان شينجياڭ مۋزىكانتتار قوعامى ايرىقشا كەكتەنەدى جانە باتىل قارسى تۇرادى!

    پومپەونىڭ شينجياڭعا كۇيە جاعۋى، سوقتىعۋى بۇكىلدەي قيسىنسىزدى ويدان قيىستىرىپ، تىرناق استىنان كىر ىزدەگەندىك، ماقساتى شينجياڭداعى ۇلت قاتىناسىنا ىرتكى سالۋ، شينجياڭ حالقىنا تىنىش تىرشىلىك كەشىرتپەۋ، نيەتى توتەنشە سۇمپايى.

    شينجياڭ ماسەلەسىندە ەڭ ءسوز سويلەۋ ۇقىعى بارلار − ءبىزدىڭ شينجياڭداعى ءار ۇلت حالقى. وتكەن ءبىر مەزگىلدە شينجياڭ «ءۇش ءتۇرلى كۇشتىڭ» قات - قابات ىقپالىنا بارىنشا ۇشىراپ، زورلىقتى كۇش لاڭكەستىك دەلولارى تولاسسىز تۋىلىپ، شينجياڭداعى ءار ۇلت حالقىنىڭ ءومىرى مەن مال - مۇلىك حاۋىپسىزدىگى توتەنشە اۋىر قاتەرگە ۇشىرادى. لاڭكەستىكتىڭ، ۇشقارىلىقتىڭ رەال حاۋىپ - قاتەرىنە ءدوپ كەلگەندە، شينجياڭ زاڭ بويىنشا لاڭكەستىككە قارسى تۇرۋ، ۇشقارىلىقتى الاستاۋ كۇرەسىن ورىستەتىپ، شينجياڭنىڭ حاۋىپسىزدىگىن، ورنىقتىلىعىن ءونىمدى قامتاماسىز ەتتى، شينجياڭداعى ءار ۇلت بۇقاراسىنىڭ ءومىرىنىڭ حاۋىپسىزدىگىن قامتاماسىز ەتتى. وتكەن 4 جىلدان استام ۋاقىتتا شينجياڭدا زورلىقتى كۇش لاڭكەستىك دەلوسى قايتا تۋىلمادى. اماليات مىنانى دالەلدەدى: بۇل شارالار شينجياڭنىڭ ءىس جۇزىندىگىنە ساي كەلىپ، ءار ۇلت بۇقاراسىنىڭ ءومىر ءسۇرۋ ۇقىعى مەن دامۋ ۇقىعىن ەڭ جوعارى شەكتە قامتاماسىز ەتتى.

    ءدال پارتيانىڭ پارمەندى باسشىلىعىندا، شينجياڭدا سوڭعى جىلدارى ەكونوميكا ۇزدىكسىز دامىپ، قوعام جاراسىمدى، ورنىقتى بولىپ، حالىق تۇرمىسى ءۇرتىس جاقسارىپ، مادەنيەت گۇلدەنىپ، دامىپ، ءدىن تاتۋ، ۇيلەسىمدى بولىپ، حالىق تىنىش ءومىر، شات - شادىمان تىرشىلىك كەشىرىپ، ءار ۇلت حالقى تىعىز ىنتىماقتاستى، شينجياڭ تاريحتاعى ەڭ تاماشا دامۋ مەزگىلىندە تۇر. شينجياڭ مۋزىكانتتار قوعامىنداعى ءار ۇلت مۋزىكا قىزمەتكەرلەرى ءوز باسىمىزدان كەشىرگەندەي العىستى سەزىممەن تۇرمىسقا تەرەڭ بويلاپ، حالىق اراسىنا تامىر تارتىپ، شينجياڭداعى ءار ۇلت حالقىنىڭ ىنتىماقتى، جاراسىمدى بولىپ، ايانباي كۇرەسكەن، باقىتتى تۇرمىس كەشىرگەن جاعدايىن بەينەلەگەن رەال مازمۇنداعى ءبىر توپ مۋزىكالىق شىعارمالاردى جاراتتىق، جاندى دالەل - ىسپاتتار ارقىلى پومپەونىڭ وسەك - اياڭىنا، ساندىراعىنا پارمەندى قايتارما سوققى بەرەمىز. «قىستاقتا تۇرۋ»، «جاڭا ءداۋىر كوكتەمىمەن قاۋىشۋ»، «تيانشان الابى ءبىزدىڭ ورتاق مەكەنىمىز»، «وردەن»، «ءار ۇلت حالقى ەتەنە بولعان سايىن شينجياڭ ءتىپتى دە كوركەم بولادى» سياقتى پارتيانى جىرلاعان، وتاندى جىرلاعان، حالىقتى جىرلاعان، قاھارمانداردى جىرلاعان ءبىر توپ مۋزىكالىق شىعارمالار تيانشان الابىندا كەڭىنەن تارالدى. تاياۋ جىلدارداعى ءتۇرلى مۋزىكالىق شىعارمالارعا شينجياڭدىق مۋزىكانتتاردىڭ كوركەمونەرلىك ارمانى دا قامتىلدى ءارى وسىناۋ مەكەندەگى ءار ۇلت حالقىنىڭ تىنىشتىقتى، تاتۋلىقتى قورعاۋعا، باقىتتى، مەيماناسى تاسىعان تۇرمىسقا دەگەن ارمانىن ارقاۋ ەتتى، اسىرەسە، شينجياڭنىڭ ۇلتتارى ىنتىماقتى، قوعامى جاراسىمدى، گۇلدەنگەن، ورنىقتى بولعان ناقتى جاعدايىن ەستەلىككە الدى.

    ءىستىڭ دۇرىسى دا، بۇرىسى دا بولادى، ادىلەت جۇرت جۇرەگىندە. پالە جابۋ شينجياڭداعى ءار ۇلت حالقىنىڭ ىنتىماقتاسىپ، ەكپىندەي ىلگەرىلەگەن اياق الىسىن بوگەي المايدى، وتىرىك - وسەك ەڭبەكشىل، پاراساتتى شينجياڭ حالقىن الداي المايدى، داتتاۋ شينجياڭنىڭ ءار سالا ىستەرىنىڭ دامۋىن، العا باسۋىن تەرىستەي المايدى. پومپەو كۇيىنە قاراماي كۇپىنىپ، ءالىن بىلمەي الەك بولىپ، ەڭ اقىرىندا وزگەگە قازعان ورىنا ءوزى ءتۇسىپ، تاريحتىڭ ماسقارالىعىنا قالادى!

جاۋاپتى رەداكتور: جازيرا بولاتباي قىزى