پومپەونىڭ بۇركەنىشىن سىدىرىپ تاستايمىز

  • كەلۋ قاينارى: تيانشان تورى
  • 08:10:29 25/02/2021

 

   شينجياڭ ادەبيەت - كوركەمونەر سىنشىلارى قوعامى

    پومپەونىڭ بۇركەنىشىن سىدىرىپ تاستايمىز

 

    شينجياڭداعى ءار ۇلت ادەبيەت - كوركەمونەر سىنشىلارىنىڭ نازارىندا پومپەو بۇركەنىش جامىلعان ناعىز زىميان. ول بۇيرەكتەن سيراق شىعارىپ شينجياڭعا ساياتىن ساندىراعىن جاريالاپ، جۇڭگو ۇكىمەتىنىڭ شينجياڭدى جونگە سالۋ ساياساتىنا ورىنسىز سوقتىعىپ، جۇڭگونىڭ ىشكى ىستەرىنە دورەكىلىكپەن كيلىگىپ، شينجياڭداعى ءار ۇلت حالقىنىڭ سۇيىسپەنشىلىگىنە قاساقانا ىرتكى سالدى، شينجياڭنىڭ جاراسىمدى، ورنىقتى اسا تاماشا جاعدايىن قيسىنسىزءبۇلدىردى، شينجياڭ ادەبيەت - كوركەمونەر سىنى سالاسى مۇنى قاتاڭ جازعىرادى جانە وعان باتىل قارسى تۇرادى، فاكت ارقىلى ونىڭ بۇركەنىشىن سىدىرىپ تاستايدى.

    شينجياڭ تاريحتان بەرى جۇڭحۋا وركەنيەتىنىڭ باتىسقا ەسىك اشۋداعى قاقپاسى، جۇڭحۋا مادەنيەتى باستان - اياق شينجياڭداعى ءار ۇلتتىڭ سۇيىسپەنشىلىك سۇيەنىشى، كوڭىل ارقاۋى جانە رۋحاني مەكەنى، سونداي - اق شينجياڭداعى ءار ۇلت مادەنيەتى دامۋىنىڭ قوزعاۋشى كۇش قاينارى، شينجياڭداعى ءار ۇلتتىڭ مادەنيەتى باستان - اياق جۇڭحۋا وركەنيەتىنىڭ قۇنارلى توپىراعىنا تامىر تارتقان. تاياۋ جىلداردان بەرى پارتيانىڭ ۇلتتىق وڭىرلىك اۆتونوميا ساياساتىنىڭ شۇعىلالى شۋاعىندا، شينجياڭداعى ءار ۇلت مادەنيەت، كوركەمونەر قىزمەتكەرلەرىنىڭ قاجىماي - تالماي قۇلشىنۋىنىڭ ارقاسىندا، مادەنيەت،كوركەمونەر ىستەرى جالپى بەتتىك گۇلدەندى، دامىدى، كوركەمونەر سارا تۋىندىلارى ۇزدىكسىز جارىققا شىقتى، ءداۋىردىڭ نەگىزگى اۋەنىن كورنەكتىلەندىرگەن، فورماسى الۋان ءتۇرلى، قويۋ ۇلتتىق سالت - سانا مەن وڭىرلىك ەرەكشەلىككە يە، يدەيالىعى، كوركەمدىگى، تارتىمدىلىعى ءبىر تۇلعالانعان، ءار ۇلت بۇقاراسى بارىنشا ۇناتاتىن ءبىر توپ تاڭداۋلى تەاتر(كونسەرت) نومىرلەرى مولىنان جارىققا شىقتى. شينجياڭداعى ءار ۇلت ادەبيەت - كوركەمونەر سىنشى قىزمەتكەرلەرى ءتۇرلى كوركەمونەر تۇرىندەگى ادەبيەت - كوركەمونەر سىنى قىزمەتىن بەلسەنە ورىستەتتى، تولىقسىز ساناققا قاراعاندا قوعامىمىز ىلگەرىندى - كەيىندى «حالىق گازەتى»، «ساۋلە گازەتى»، «جۇڭگو كوركەمونەر گازەتى»، «بۇقارالىق ادەبيەت - كوركەمونەر»، «شينجياڭ كوركەمونەرى» سياقتى مەديالاردا 300دەن استام تۋىندى، 20دان استام شىعارما جاريالاپ، پارتيا ورتالىق كوميتەتىنىڭ پارمەندى باسشىلىعىندا ءار ۇلت حالقىنىڭ جاراسىمدى وتكەن، ىنتىماقتاسا كۇرەس جاساعان اسەرلى كورىنىستەرىن تولىق بەينەلەپ، شينجياڭنىڭ ەكونوميكا، وقۋ - اعارتۋ، مادەنيەت، عىلىم - تەحنيكا، قوعام دامۋى، حالىق تۇرمىسىن جاقسارتۋ سياقتى جاقتاردا قول جەتكىزگەن بۇرىن - سوڭدى بولماعان ناتيجەلەرىن تولىق ايگىلەدى.

    قازىر شينجياڭدا قوعام جاراسىمدى، ورنىقتى، حالىقتىڭ تۇرمىسى باقىتتى، تىنىش ءومىر، شات - شادىمان تىرشىلىك كەشۋدە، بۇل تاريحتاعى ەڭ تاماشا گۇلدەنۋ، دامۋ مەزگىلى. پومپەو كوپە - كورنەۋ وتىرىك ايتتى، ونىڭ كەربەسىنگەن بۇركەنىشىنىڭ استىنا سۇرقيا نيەتى جاسىرىنعان. ونىڭ شينجياڭعا ساياتىن ساندىراعى، ءسوز جوق، تاريحتىڭ تاستاندىسىنا اينالادى!

جاۋاپتى رەداكتور: گۇلدەن ماقسات قىزى