جۇڭگو كوممۋنيستىك پارتياسى ورتالىق كوميتەتىنىڭ، مەملەكەتتىك كەڭەستىڭ كەدەيلىكتەن ارىلتۋدان قامال الۋداعى مەملەكەتتىك وزات جەكەلەر مەن وزات كوللەكتيۆتەردى ماداقتاۋ - سيلاۋ جونىندەگى قارارى

  • كەلۋ قاينارى: تيانشان تورى
  • 04:02:08 28/02/2021

 

   (2021 - جىلى 2 - ايدىڭ 25 - كۇنى)

 

    پارتيا 18 - قۇرىلتايىنان بەرى بۇكىل پارتيا، بۇكىل ەلدەگى ءار ۇلت حالقى باس شۋجي شي جينپيڭنىڭ ۇندەۋىنە بەلسەنە ءۇن قوسىپ، پارتيا ورتالىق كوميتەتىنىڭ، مەملەكەتتىك كەڭەستىڭ كەدەيلىكتەن ارىلتۋدان قامال الۋ جونىندەگى شەشىمدەرىن، ورنالاستىرۋلارىن مۇقيات دايەكتىلەندىرىپ، تياناقتاندىرىپ، كەدەيلىكتەن ارىلتۋدان قامال الۋ شايقاسىنا جابال ات سالىستى. وڭىرلەر، تاراۋلار سايلاۋىتتانىپ شايقاسقا اتتانىپ، قامال الىپ، قيىندىقتاردى جەڭىپ، شىعىس بولىك پەن باتىس بولىك ءوزارا قارايلاسىپ، بار كۇشپەن سەلبەستى، قوعامنىڭ ءار سالاسى سايكەسە كۇش سالىپ، كۇش بىرىكتىرىپ قامال الدى، قالىڭ پارتيا مۇشەلەرى، كادرلار مەن حالىق بۇقاراسى جاپاعا شىداپ، قاجىرلىلىقپەن ەڭبەك ەتىپ، تالىقپاي تالپىنىپ، جاپپاي دوڭگەلەك داۋلەتتىلىكتىڭ شەشۋشى جەڭىسىنە جەتۋگە، كەدەيلىكتەن ارىلتۋدان قامال الۋدىڭ شەشۋشى شايقاسىن جۇرگىزۋگە ەلەۋلى ۇلەس قوسىپ، ءبىر توپ ناقتى ناتيجەسى كورنەكتى مىعىم، ىزگى ىستەرى جان تەبىرەنتەرلىك ۇزدىك تيپتەر جارىققا شىقتى.

    كەدەيلىكتەن ارىلتۋدان قامال الۋدىڭ تاريحي ءۇردىسى بارىسىندا اعالاپ العا شىققان وزات جەكەلەر مەن وزات كوللەكتيۆتەردى سالتاناتپەن ماداقتاپ - سيلاپ، تۇتاس قوعامدا وزاتتاردى قاستەرلەيتىن، وزاتتاردان ۇيرەنەتىن، وزات بولۋعا تالپىناتىن، وزاتتاردان اسىپ تۇسەتىن قويۋ راي قالىپتاستىرۋ ءۇشىن، پارتيا ورتالىق كوميتەتى، مەملەكەتتىك كەڭەس كاڭ بولي قاتارلى 1981 جولداسقا ”كەدەيلىكتەن ارىلتۋدان قامال الۋداعى مەملەكەتتىك وزات جەكە“ اتاعىن بەرۋدى؛ بەيجيڭ شوۋنۇڭ قامداۋ تىزبەگىن باسقارۋ شەكتى سەرىكتەستىگى قاتارلى 1501 كوللەكتيۆكە ”كەدەيلىكتەن ارىلتۋدان قامال الۋداعى مەملەكەتتىك وزات كوللەكتيۆ“ اتاعىن بەرۋدى ۇيعاردى. ماداقتالىپ - سيلانعان جەكەلەر مەن كوللەكتيۆتەردىڭ داڭقتى قاستەرلەپ، كۇش ۇستىنە كۇش قوسىپ، ۇلگىلىك، باستاماشىلدىق رولدارىن تولىق ساۋلەلەندىرىپ، پارتيا مەن حالىق ىستەرى ءۇشىن ۇزدىكسىز تىڭ دا اناعۇرلىم زور ۇلەس قوسۋىن ءۇمىت ەتەمىز.

    پارتيا ورتالىق كوميتەتى مىناعان ۇندەدى: بۇكىل پارتيا، بۇكىل ەلدەگى ءار ۇلت حالقى كەدەيلىكتەن ارىلتۋدان قامال الۋداعى مەملەكەتتىك وزات جەكەلەر مەن وزات كوللەكتيۆتەردەن ۇيرەنۋ كەرەك. ولاردىڭ پارتياعا ادال، سەنىمى بەرىك ساياسي قاسيەتىنەن ۇيرەنىپ، سانالى تۇردە شي جينپيڭنىڭ جاڭا ءداۋىر جۇڭگوشا سوتسياليزم يدەياسىنىڭ بەرىك سەنۋشىسى جانە ادال امالياتتا ايگىلەۋشىسى بولۋ؛ ولاردىڭ بار ىنتا - پەيىلدەرىمەن حالىق ءۇشىن ىستەگەن، قۇلشىنا ىسكەرلىك كورسەتكەن بورىش ارقالاۋىنان ۇيرەنىپ، حالىقتى بارىنەن جوعارى قويۋ ۇستانىمىنا تاباندى بولىپ، بۇكىل ىنتا - پەيىلىمەن حالىق ءۇشىن قىزمەت ىستەپ، حالىق بۇقاراسىنىڭ تابىس سەزىمىن، باقىت سەزىمىن، حاۋىپسىزدىك سەزىمىن ۇزدىكسىز كۇشەيتۋ؛ ولاردىڭ قۇلشىنا تالپىنىپ ناقتى ىستەگەن، ءورىس اشا جاڭالىق اشقان قىزمەت ستيلىنەن ۇيرەنىپ، قىزمەتتىڭ تالابىنان شىعىپ، ءورىس اشا العا ىلگەرىلەپ، بار كۇشپەن ءىس تىندىرىپ، ناتيجە جاراتىپ، شىن نيەتپەن، شىنايى سۇيىسپەنشىلىكپەن، بار كۇشپەن پارتيا مەن حالىق ىستەرى ءۇشىن كۇش قوسۋ؛ ولاردىڭ ۇلەس قوسۋعا پەيىل، قۇربان بەرۋدەن قورىقپايتىن اسىل قاسيەتىنەن ۇيرەنىپ، قاي - قاشان دا اۋەلگى ماقساتتان اينىماي، بورىش ارقالاپ، اسقاق كۇرەس جىگەرىمەن، تاسقىنداعان قىزۋ ىنتامەن، ارىندى تەبىنمەن جۇڭگوشا سوتسياليزم ۇلى ىسىنە ات سالىسۋ كەرەك.

جاۋاپتى رەداكتور: گۇلدەن ماقسات قىزى